ရန်ကုန်တိုင်း ရွှေပြည်သာမြို့နယ်မှာ ရေထဲ ပျက်ကျနေတဲ့ လျှပ်စစ်ဓာတ်ကြိုးနား ဖြတ်သွားမိတဲ့ စက်ရုံအလုပ်သမား အမျိုးသမီးတစ်ဦး အောက်တိုဘာ ၂၃ ရက် မနက်အစောပိုင်းမှာ သေဆုံးခဲ့ပါတယ်။

 

ရွှေပြည်သာမြို့နယ် (၁၂)ရပ်ကွက်၊ ပိတောက်လမ်းမှာ မနက် ၅ နာရီခွဲခန့်တွင် အလုပ်သွားရန် စက်ရုံသို့ လမ်းလျှောက်သွား‌နေစဉ် လျှပ်စစ်ဓာတ်ကြိုးရေထဲပျက်ကျနေတာကို မသိဘဲ ဖြတ်သွားမိလို့ အသက် ၄၀နှစ်ခန့်ရှိ မနော်ဖူး ဆိုသူ စက်ရုံအလုပ်သမားတစ်ဦး သေဆုံးခဲ့ရတာဖြစ်ပါတယ်။

 

အလုပ်သမားလုပ်ကိုင်​နေတဲ့ စက်ရုံကို​တော့ မသိရ​သေးပါဘူး။အောက်တိုဘာ ၂၀၊ ၂၁နှင့် ၂၂ရက်တို့တွင် သုံးရက်ဆက်တိုက် မိုးသည်းထန်စွာ ရွာသွန်းမှုကြောင့် ရန်ကုန်မြို့ ရှိ မြို့နယ်တချို့နှင့် မြေနိမ့်ပိုင်းနေရာတွေမှာ ရေကြီးရေလျှံမှုများ ဖြစ်ပေါ် ခဲ့ပါတယ်။

 

ရွှေပြည်သာမြို့နယ်မှာ နှစ် ၃၀ အတွင်း မကြုံဖူးတဲ့ ရေကြီးမှုများကြောင့် နေအိမ်များ ရေနစ်မြှုပ်ခြင်း၊ လမ်းများပေါ်တွင် ရေလျှံခြင်းများ ဖြစ်ပေါ်လျက်ရှိကာ ပြည်သူအချို့မှာ ကယ်ဆယ်​ရေး စခန်း​​တွေမှာ သွား​ရောက် ​နေထိုင်ရပြီး အစားအ​သောက်နဲ့ ​ဆေး ဝါး အသုံးအ​ဆောင်အချို့ လိုအပ်​နေပါတယ်။

ဓါတ်ပုံ-လူမှုကွန်ယက်