NEWS

ဆောက်လုပ်ရေးလုပ်ငန်းများ အလုပ်သမားဥပဒေ လိုက်နာမှုမရှိ

CoverLogo
497 Views
သိချင်တာ အရင်မေးပါမယ် Myanmar Labour News ရှင့် ။
၁. ဝန်ထမ်းက ခွင့် တရက်ယူရင် အဲ့နေ့အတွက် အလုပ်တာဝန်တွေက ခွင့်ယူတဲ့ ဝန်ထမ်းနဲ့ သက်ဆိုင် ပါသလား။ တကယ်လို့ ခွင့်ယူချင်ရင်လည်း သက်ဆိုင်ရာ လူကြီးရဲ့ လက်မှတ်အပြည့်စုံ အကြောင်းရာ ခိုင်လုံမှ ပေးမယ်ပြောပြီး မပေးတာများပါတယ် ။ ဥပဒေက ဒါကို ခွင့်ပြုထားပါသလား။
၂. ရက်ကြီး ခါကြီး နားရက်တွေကိုလည်း အလုပ်ဆင်းခိုင်းပါတယ်။ ဝန်ထမ်းက နားရက်မို့ မဆင်းဘူးဆိုလည်း မဆင်းမနေရဆိုပြီး ပြောပါတယ်။ အဲ့နေ့အတွက် အချိန်ပိုကြေး လုပ်ခလစာ နှစ်ဆလည်း မရပါဘူး ။ အဲ့ဒါက အလုပ်အမျိုးအစားတွေကို သီးခြားခွင့်ပြုထားသလား၊ ပုံမှန်ကိစ္စပဲလား။ ဒါတွေကို မေးချင်ပါတယ်။
ညီမက ဆောက်လုပ်ရေးလုပ်ငန်းခွင်မှာ လုပ်ကိုင်နေတဲ့ ဝန်ထမ်းတဦးပါ။ ဝန်ထမ်းကတော့ များပါတယ်။ Site ဝန်ထမ်း ၅၀ နဲ့ ၁၀၀ ကြားရှိပါတယ်။ ရုံပိုင်းနဲ့ site ပိုင်းလည်း ခွဲထားပါတယ်။
အလုပ်ဝင် စာချုပ်ချုပ်တော့ ရုံးပိုင်း၊ site ပိုင်း ခွဲထားတယ် မပြောပါဘူး။ တနင်္ဂနွေနဲ့ ရက်ကြီးခါကြီး နားရတယ်ပြောပါတယ်။ လုပ်ငန်းခွင်မှာ အလုပ် လုပ်ရတော့ ရုံးပိုင်းပဲနားပြီး၊ site က လူတွေက မနားရဘူး။
ရက်ကြီးခါကြီးဆို ရုံးက ခွင့်ပြုပြီး နားဆိုမှ နားရပါတယ်။
ခွင့်တစ်ရက်ယူရင်တောင် ခွင့်ယူတဲ့ရက် အိမ်မှာနားနား အပြင်ရောက်ရောက် အလုပ်လုပ်ပေးနေရတယ်။
နေမကောင်းလို့ ခွင့်ယူလည်း အိမ်မှာ နေမကောင်းလည်း လုပ်ပေးရတယ် ။
ခွင့်ရက် နားရက်ဆိုတာ အလုပ်လုပ်ပေးစရာမလိုဘူးလို့ ထင်ပါတယ်။
နောက်ပြီး ရက်ကြီးခါကြီးနေ့တွေလည်း အလုပ်လုပ်ပေးရပါတယ်။ မဆင်းဘူးဆိုလည်း ရုံးပဲပိတ်တာ၊ site မပိတ်ဘူးဆိုပြီး ဖိအားပေး ဆင်းခိုင်းပါတယ်။ အချိန်ပို ot ကြေးလည်းမရပါ။
လုပ်ငန်းခွင်ထဲက အလုပ်သမား၊ ဝန်ထမ်းတွေ အကုန်လုံးက ကျေနပ်နေတာလား၊ မကျေနပ်လား ဆိုတာ ညီမ မသိပဘူး။ မကျေနပ်ဘဲ လုပ်ပေးနေတာလားဆိုတာလည်း မသိပါဘူး။
ညီမအတွက်ကတော့ အဆင်မပြေပါဘူး။
အလုပ်ရှင်တွေက ဖိနှိပ်တာကို ခံနေရတဲ့ တခြားသူတွေလည်းရှိပါတယ်။ ဒါကိုပဲ အသားကြနေကြတာလား မသိဘူး။ ခံနေရမှန်းသိလည်း မလွန်ဆန်နိုင်တော့ ဆက်လုပ်နေကြတာ။
ခွင့်ယူတဲ့ရက်နဲ့ တကယ်ပိတ်တယ်ဆိုတဲ့ရက်တွေကို အလုပ်လုပ်ပေးနေရတာပဲ တကယ်အဆင်ပြေတာ ။
အကြောဆေး အားဆေးသွင်း အိပ်ယာထဲခေါင်းမထောင်နိုင်တဲ့ နေ့မှာတောင် အလုပ်လုပ်ပေးရတယ်။ အိမ်မှာ ခွင့်ယူတယ်ဆိုတာက အမည်ခံသပ်သပ်ပါပဲ။
အလုပ်ချိန်က မနက် ၉ နာရီကနေ ညနေ ၅ နာရီအထိပါ။ ၉ နာရီမရောက်ရင် ဖြတ်ဖို့တော့သေချာတယ်။
ပြန်ချိန်က ၅ နာရီဆိုပေမဲ့ ၅ နာခွဲ ၆ နာရီဆိုလည်း အချိန်ပို အိုတီ ကြေးမရဘူး ။
အချိန်ပိုနေ့ လုပ်ခ ၂ ဆ မပေးလို့ ညီမတို့ကို သီးခြား လမ်းစာရိတ်နဲ့ တခြားအဖိုးအခ ပေးတာမျိုးလည်း မရှိပါဘူး။
Site က လူကြီးတွေက၊ ဘယ်သူကို ဘယ်လိုပိုင်တယ်ဆိုပြီး ပြောတာ မကြာခဏ ကြားရပါတယ်။ ညီမတို့ ဝန်ထမ်းတွေက လစာနဲ့ အလုပ်လုပ်ရတဲ့သူတွေ၊ အင်အားလည်းမရှိတော့ အလုပ်အကိုင် ထိခိုက်မှာ စိုးရိမ်ပါတယ်။
တတ်နိုင်တာ ကူညီပေးစေချင်ပါတယ် ရှင့်..။
ညီမ Site စာရေးပါ။

Related posts

Cover
CHI MEI အထည်ချုပ်စက်ရုံ လုပ်ငန်းရပ်ဆိုင်းရန်ပြင်ဆင်မှု အလုပ်သမားဥပဒေများအား ချိုးဖောက်
Oct 23, 2025
Cover
Myanmar Huasheng Kefu Fashion Co.,ltd အချိန်ပိုဖိအားဆင်းခိုင်းပြီး ဥပဒေမဲ့ အလုပ်ထုတ်
Oct 23, 2025
Cover
အပိုထောက်ပံ့ကြေး ၁၀၀၀ ကျပ် မရသည့် လုပ်သားများ တိုင်ကြားနိုင်ဟု စစ်ကော်မရှင်၊ အလုပ်သမားဝန်ကြီးဌာန ကြေညာ
Oct 21, 2025
Cover
အလုပ်သမားအရေးလှုပ်ရှားသူ ဒေါ်မျိုးမျိုးအေး၊ ကိုသက်နှင်းအောင် နှင့် မသက်ထားဆွေ တို့ အင်းစိန်ထောင် မှပြန်လည်လွတ်မြောက်
Oct 20, 2025
Cover
Sun Star အထည်ချုပ်စက်ရုံ တစ်လ အချိန်ပိုနာရီ ၂၀၀ ကျော်ပြီး လုပ်ခ အပြည့်မရ
Oct 20, 2025
Cover
၇,၈၀၀ ကျပ် လုပ်ခ အပြောင်းအလဲမှာ  အလုပ်သမားတွေ ခံစားခွင့်ရ မရ
Oct 20, 2025
Cover
အချိန်ပို အတင်းအကျပ် ဖိအားပေးဆင်းခိုင်းတာနဲ့ ခွဲခြားဆက်ဆံမှုတွေဖြေရှင်းပေးစေလို
Oct 19, 2025