ဇူလိုင် ၂၆ ၊ ၂၀၂၆
ညီမတို့က TRY BEST (Myanmar) GARMENT မှာ အလုပ်လုပ်တဲ့ စက်ချုပ်အလုပ်သမားတွေပါ ရှင့် ။
စက်ရုံက ရွှေပြည်သာစက်မှုဇုန် ၃ ၊ ပြင်စည်မင်းသားကြီးလမ်းမှာပါ။ စက်ရုံမှာ စူပါနဲ့ စာရေး နှစ်ယောက်ပေါင်းပြီး ဘာအတွက်မှန်မသိရဘဲ လစာငွေတွေ ဖြတ်နေလို့ပါရှင့် ။
အဲ့လိုဖြတ်နေတဲ့ စက်လိုင်း လိုင်းအမှတ် ၁ မှာပါ။ လိုင်းစူပါနဲ့ စာရေးမက ၅ ရက်(ဇူလိုင်)နေ့ လစာထုတ်တော့ အလုပ်သမား ၃၂ ဦးစီက တယောက် ကျပ် တစ်သိန်းနဲ့ ဖြတ်တောက်ပြီး ယူသွားကြပါတယ်။
လစာ ကျပ် တစ်သိန်း ဖြတ်ရတဲ့ အကြောင်းကို အလုပ်သမားတွေက မေးပါတယ်။ တိတိကျကျနဲ့ ဘာကြောင့်ဆိုပြီး အကြောင်းပြချက်ခိုင်ခိုင်လုံလုံ ရှင်းပြခဲ့တာမရှိခဲ့ပါဘူး။
လုပ်အားခ ခေါင်းပုံဖြတ်တောက်ခံရတဲ့ Line -1မှာ အလုပ်သမား ၃၂ ယောက်ရှိပါတယ်။ အခုလို လစာဖြတ် ယူတာက အခုမှ မဟုတ်ပါဘူး။ အရင်ကတည်းက ဖြတ်ယူနေတာပါ ရှင့် ။
အခုလို လစာဖြတ်တာကို စက်ရုံမန်နေဂျာ ၊စူပါနဲ့ စာရေးမတွေ ပေါင်းပြီး စနစ်တကျ ခေါင်းပုံဖြတ်နေတာကို ဖြေရှင်းပေးဖို့ အကူအညီတောင်းပါတယ်ရှင့်။ စက်ရုံထဲမှာ အလုပ်သမားတွေ နစ်နာတာနဲ့ ဖိနှိပ်ခံရတာတွေကို တင်ပြလို့ မရအောင် လုပ်ထားပါတယ်။ ကူညီပေးပါရှင့်။
