မြန်မာနိုင်ငံ မှ စီးပွားရေး လုပ်ငန်းရှင်တွေနဲ့ သူတို့ရဲ့ မိသားစုတွေ အတွက် အကြာဆုံး ရက်ပေါင်း ၁၈၀ အထိ နေထိုင်နိုင်တဲ့  ဗီဇာအမျိုးအစားများကို ၂၀၂၄ ခုနှစ် နိုဝင်ဘာလ ၁၈ ရက်နေ့မှ စတင် ခွင့်ပြုပေးသွားမယ်လို့ မြန်မာနိုင်ငံဆိုင်ရာ တရုတ်သံရုံးကကြေညာထားပါတယ်။ 

၎င်းဗီဇာဟာ မြန်မာနိုင်ငံရဲ့  စီးပွားရေးကုန်သည်များနဲ့ ကုန်သည်များရဲ့ အိမ်ထောင်ဖက်တွေ သားသမီး တွေကို  သက်တမ်းအကြာဆုံး ၅ နှစ် အတွင်း တရုတ်နိုင်ငံသို့ အကြိမ်များစွာ လာရောက်နိုင်တဲ့  (Multiple Entry) ဖြင့် အကြာဆုံး ရက်ပေါင်း ၁၈၀ အထိ နေထိုင်နိုင်တယ်လို့လန်ချန်း-မဲခေါင်ဗီဇာ လျှောက်ထားခြင်းဆိုင်ရာ အသိပေးချက် အနေနဲ့ တရုတ်သံရုံးက ထုတ်ပြန် ထားပါတယ်။ 

ဗီဇာလျှောက်ထား လိုသူတွေ အနေနဲ့ သံရုံး ဖုန်းနံပါတ်ကို ဖုန်းလက်ခံဖြေကြားချိန် -  ရုံးတက်ရက် မွန်းလွဲ ၂နာရီ မှ ၆နာရီ အထိ ဆက်သွယ်နိုင်ကာအီးမေးလ် ကနေ လည်း ဆက်သွယ်နိုင်တယ်လို့ သိရပါတယ်။