ထိုင်းနိုင်ငံ မဟာချိုင် ဝပ်ကေသုန်အနီး မှာ နေထိုင်တဲ့ မြန်မာအလုပ်သမား ၈ ဦးထံ မှ  ပွဲစားတစ်ဦးက အလုပ်ရှာပေးမယ်ဆိုကာ ငွေများ လိမ်လည်သွားတဲ့ အတွက် နစ်နာသူအလုပ်သမားတွေက အလုပ်သမားအဖွဲ့စည်းထံ အကူညီတောင်း တိုင်ကြားခဲ့တာမှ ပွဲစားဆိုသူက ငွေများပြန်ပေးခဲ့တယ်လို့ ထိုင်းရောက်အလုပ်သမားအရေးကူညီပေးနေတဲ့(MHAC) မဟာမိတ်အဖွဲ့ထံ က သိရပါတယ်။ 

မြန်မာအလုပ်သမား ၈ ဦးဟာ  ပွဲစားတစ်ဦးနဲ့  ကျန့်ခေါက်ရန်အတွက်ပိုက်ဆံနှင့် အလုပ်အတွက် စမက်ကြေး တစ်ဦး လျှင် စုစုပေါင်း (၇၅၀၀)ဘတ်ကို ဘဏ်ကနေ လွှဲပေးခဲ့ပေမယ့်  တစ်လကျော်ကြာလာတဲ့အထိ အလုပ်လည်းမရ ကျန့်ခေါက်စာရွက်လည်း မပေးတာမို့  အေအေစီ ကိုရဲမင်းဦးဆောင်သော (MHAC)မဟာမိတ်အဖွဲ့သို့ ကူညီဆောင်ရွက်ပေးပါရန် ဆက်သွယ်ခဲ့တယ်လို့ ဆိုပါတယ်။ 

အလုပ်သမားများ တိုင်ကြားတဲ့အပေါ်  (MHAC) မဟာမိတ်အဖွဲ့မှ  အလုပ်သမားများကို ခေါ်ဆောင်ကာ  မဟာချိုင် (ကျဟာငံ )ရုံးမှာ ခေါမူ စစ်ကြည့်တဲ့ အခါ အလုပ်သမားများမှာ  သဌေးသစ်နဲ့ ကျန့်မခေါက်ရသေးပဲ သဌေးဟောင်းအမည်နှင့်သာ ရှိနေပြီး ကျန့်အော့သေနေကြပြီ ဖြစ်တယ်လို့ သိရပါတယ်။ 

ဒီအတွက် အလုပ်သမားတွေ အပ်နှံထားတဲ့  ပွဲစားထံ ဖုန်းဖြင့်ဆက်သွယ်ပြီး  MHAC ရုံးမှာ လာရောက်ဖြေရှင်းပေးဖို့  ပြောကြားခဲ့ကာ ၎င်းအကျိုးဆောင်ပွဲစားမှ MHAC ရုံးသို့လာရောက်ခဲ့ပြီး အလုပ်သမားများ ပေးထားတဲ့ အလုပ်စမက်ကြေးငွေ (၂၄၀၀၀)ဘတ်ကို အရင်ပြန်ပေးပြီး ကျန့်ခေါက်ထားတဲ့ ကျန့်ခေါက်စာရွက်နှင့် ဘိုင်ကျန့်အော့ကိုအောက်တိုဘာ ၂၉ရက်မှာ အလုပ်သမား လက်ဝယ်သို့ (MHAC) ရုံးတွင် လာရောက်အပ်နှံပါမယ်လို့  ပြောခဲ့သည့်အတွက် အလုပ်သမားများနှင့် သဘောတူညီမှု ရရှိခဲ့တယ်လို့ သိရပါတယ်။ 

အလုပ်သမားတွေကို တာဝန်ယူမှုအပြည့်နှင့် ပြန်လည် တာဝန်ယူ ဖြေရှင်းပေးတဲ့  အကျိုးဆောင်ပွဲစားများရှိသလို တာဝန်မယူ လိမ်လည်တိမ်းရှောင်နေတဲ့  ပွဲစားတွေ လည်း အများကြီးရှိတာ မို့ ထိုင်းရောက်မြန်မာအလုပ်သမားတွေ အနေဖြင့် အလုပ်အပ်မည် ပွဲစားကို စီစစ်စုံစမ်းပြီးမှ အလုပ်အပ်ကြပါရန် (MHAC) မဟာမိတ်အဖွဲ့ လည်း  သတိပေးထားပါတယ်။