ထိုင်းနိုင်ငံ ပရာကျင်ဘူရီခရိုင် ကဘင်ဘူရီ ရှိ စက်ရုံ တစ်ခု ရဲ့ ဓါတုရည်သိုလှောင်ကန် ပေါက်ကွဲ တာကြောင့် စက်ရုံ မှာ အလုပ် လုပ်ကိုင်နေတဲ့ မြန်မာအလုပ်သမားနှစ်ဦး သေဆုံးခဲ့တယ်လို့ ထိုင်းသတင်းဌာန တွေရဲ့ ဖေါ်ပြချက်အရသိရပါတယ်။
အောက်တိုဘာ၂၆ရက် မနက်ပိုင်းက ဖြစ်ပွားခဲ့ခြင်း ဖြစ်ကာ ဓါတုသိုလှောင်ကန်မှာ ဓါတုပစ္စည်း တွေ ရောနှော နေစဉ်မှာ ပေါက်ကွဲတာ ဖြစ်တယ်လို့ ဆိုပါတယ်။
ပေါက်ကွဲတာကြောင့် မြန်မာ အလုပ်သမား နှစ်ဦး သေဆုံးခဲ့တဲ့ အပြင် အလုပ်သမား ၁၀ဦး ကျော် ထိခိုက်ဒဏ်ရာရရှိခဲ့တယ်လို့ ထိုင်းသတင်းဌာနတွေရဲ့ ဖေါ်ပြချက်အရ သိရပါတယ်။
သတ်မှတ်ထားတဲ့ အတိုင်းအတာထက် ကျော်လွန်ကာ ဓါတုဆေးရည် တွေကို ထည့်တဲ့ အတွက် အခုလိုပေါက်ကွဲ တာ ဖြစ်တယ်လို့ ဆိုကာအသေးစိတ်အချက်အလက်တွေကို သက်ဆိုင်ရာက စုံစမ်းစစ်ဆေးလျက်ရှိတယ်လို့ သိရပါတယ်။
ယခုစက်ရုံ မှာ ထိုင်းနိုင်ငံသားနဲ့ နိုင်ငံခြားသား အလုပ်သမား ၂၃၂ ဦးရှိပြီး အများစုမှာ မြန်မာအလုပ်သမားတွေ ဖြစ်တယ်လို့ သိရပေမယ့် ဒဏ်ရာရရှိသူထဲမှာ မြန်မာနိုင်ငံသား မည်မျှပါရှိတယ်ကိုတော့ ဖေါ်ပြရေးသားထားတာမတွေ့ရှိရသေးပါဘူး။
ထိခိုက်သူ ၁၀ ဦးကျော်မှာလည်း အနီရောင်အဆင့် လူနာများတယ်လို့သိရပြီး၊ ဓါတုငွေ့များကြောင့် အသက်ရှူလမ်းကြောင်း အန္တရာယ်
ဖြစ်နိုင်တယ်လို့ သိရကာ ၎င်းစက်ရုံ အနီး ကို လည်း သွားလာမှု မပြုဖို့ ထိုင်းအာဏာပိုင်တွေက ညွှန်ကြားထားတယ်လို့ သိရပါတယ်။
