ဇူလိုင် ၁၃၊ ၂၀၂၆

စစ်အစိုးရလက်အောက် ဝန်ကြီးဌာနတွေ မှာ တာဝန်ထမ်းဆောင်နေတဲ့ အစိုးရဝန်ထမ်းတွေ ကို သာမန်နိုင်ငံကူးလက်မှတ် ပြုလုပ်ထားပါက သက်ဆိုင်ရာဌာနတွေထံ ပြန်လည်အပ်နှံဖို့ ညွှန်ကြားထားကြောင်း သိရပါတယ်။

\

ဘဏ္ဍာရေးနှင့် အခွန်ဝန်ကြီးဌာနက ၂၀၂၆ ခုနှစ် ဇူလိုင် ၃ ရက် ရက်စွဲဖြင့် ပြည်ထောင်စုဝန်ကြီးရုံး၏ ညွှန်ကြားချက် ရုံးစာတွင် ဌာနမှ ဝန်ထမ်းတွေအနေဖြင့် ကိုင်ဆောင်ထားတဲ့ သာမန်နိုင်ငံကူးလက်မှတ်များကို သက်ဆိုင်ရာ ဌာနအကြီးအကဲများထံ အမြန်ဆုံး ပြန်လည်အပ်နှံရန်နှင့် အပ်နှံထားသည့် နိုင်ငံကူးလက်မှတ်စာရင်းများကို သတ်မှတ်ပုံစံဖြင့် ပြုစုကာ သတ်မှတ်ထားသော အီးမေးလ်လိပ်စာသို့ ပေးပို့ရန် ညွှန်ကြားထားတာ တွေ့ရပါတယ်။

 

""အစိုးရဝန်ထမ်းတွေက နိုင်ငံကူးလက်မှတ် အနီ ကိုင်လို့ မရဘူး တချို့ကတော့ ခိုးလုပ်ထားတာတွေရှိလို့ အခုလို ပြန်အပ်ခိုင်းတာ ပြည်ပထွက်မယ်ဆိုရင် ဌာနဆိုင်ရာခွင့်ပြုချက်လိုမယ် အစိုးရဝန်ထမ်း အတွက်က အစိမ်းရောင်စာအုပ်(နိုင်ငံကူးလက်မှတ်)နဲ့ သွားလို့ရမယ် ဒါကလည်း ဌာနရဲ့ ခွင့်ပြုချက်ပါမှ စာအုပ်လုပ်ခွင့်ရမှာ""လို့ အစိုးရဝန်ထမ်းတစ်ဦးကပြောပါတယ်။

 

လက်ရှိမှာဌာနဆိုင်ရာခွင့်ပြုချက်မပါဘဲ နိုင်ငံကူးလက်မှတ်ပြုလုပ် ထားသူတွေကို ပြန်လည်အပ်နှံခိုင်းထားပြီး အပ်နှံမှုမရှိဘဲ လက်ဝယ်ကိုင်ဆောင်ထားတာကို စစ်ဆေးတွေ့ရှိပါက စုံခုံပြုလုပ်ပြီး အရေးယူခံရမယ်လို့ စစ်အစိုးရက အမိန့်ထုတ်ထားကြောင်း သိရပါတယ်။

 

ဒါ့အပြင် အစိုးရဝန်ထမ်းတွေရဲ့ ခင်ပွန်း၊ဇနီး၊သား၊သမီးစတဲ့ မိသားစုဝင်တွေ ကိုလည်း နိုင်ငံကူးလက်မှတိပြုလုပ်ခွင့် အတွက် ဌာနရဲ့ ထောက်ခံချက် ပါရှိမှသာ ပြုလုပ်ရမယ်လို့ ထုတ်ပြန်ထားကြောင်း သိရပါတယ်။

 

ယခုလို အစိုးရဝန်ထမ်းတွေ နဲ့ မိသားစုဝင်တွေ နိုင်ငံကူးလက်မှတ်ပြုလုပ်ခွင့်၊ ပြည်ပထွက်ခွင့် ကန့်သတ် ပိတ်ပင်ခံရတဲ့ အတွက် ပြည်သူတွေအကြား ဝေဖန်ပြောဆိုမှုတွေ ထွက်ပေါ်နေပါတယ်။

HTH