ထိုင်း နိုင်ငံ အတွင်းမှာ တရားမဝင် လုပ်ကိုင်နေတဲ့ နိုင်ငံခြားသား အလုပ်သမားတွေ ကို ရက်ပေါင်း ၁၂၀ စီမံချက်နဲ့ ထိုင်းအာဏာပိုင်တွေ က စစ်ဆေးဖမ်းဆီးမှုတွေ လုပ်ဆောင်ရာ မှာ၂၄ ရက်အတွင်း တရားမဝင် မြန်မာ အလုပ်သမား ငါးသောင်းကျော် ဖမ်းမိတယ်လို့ ထိုင်းအလုပ်သမားဝန်ကြီးဌာန၏ သတင်းထုတ်ပြန်ချက်အရသိရပါတယ်။
ယင်းစီမံချက် ကို ၂၀၂၄ ခုနှစ် ဇူလိုင် လ ၅ရက်နေ့မှ စတင်ခဲ့ပြီး ၂၈ ရက်ထိ ၂၄ ရက်အတွင်းမြန်မာအပါအဝင် ဖမ်းဆီးရမိသူ နိုင်ငံခြားသားရွှေ့ပြောင်းလုပ်သားစုစုပေါင်း ရှစ်သောင်းနီးပါးရှိတယ်လို့ သိရပါတယ်။
ဌာနဆိုင်ရာအဖွဲ့များဝင်ရောက် ရှာဖွေဖမ်းဆီးခဲ့သည့်နေရာ တွေ မှာ ဘန်ကောက်မြို့ ဟွေ့ခွာဈေး..ဖာစီကျလိန်တွင်ဈေးဆိုင်များ၊ ဘန်ခယ်မြို့နယ်ရှိ စက်ရုံများ နဲ့ ရတ်ချ်ဘူရီနယ်မြေတွင် အုန်းသီးစက်ရုံ ၊ ဥဒွန်ထာနီတွင် စားသောက်ဆိုင်များနဲ့ ချတ်ချင်စောင်တွင် ဆောက်လုပ်ရေးအပါဝင် နေရာပေါင်း ၂၀၃ ခုတို့မှ တရားမဝင်
ရွှေ့ပြောင်းအလုပ်သမား စုစုပေါင်း ၇၈,၄၉၈ ဦးဖမ်းဆီးရမိတယ်လို့ ဆိုပါတယ်။
ထို့သို့ ဖမ်းဆီးရမိတဲ့ နိုင်ငံအလိုက်အလုပ်သမားများ မြန်မာ အလုပ်သမား ၅၈,၈၆၈ ဦး ၊ ကမ္ဘောဒီးယားအလုပ်သမား ၁၁,၉၁၃ဦး ၊ လာအိုအလုပ်သမား၅,၅၇၁ဦး ၊ ဗီယက်နမ်အလုပ်သမား၂၂ ဦး နှင့် အခြားနိုင်ငံသားအလုပ်သမား၂,၄၂၄ဦးဖြစ်ကြတယ်လို့ သိရပါတယ်။
အဆိုပါ ဖမ်းဆီးရမိတဲ့ အလုပ်သမားတွေထဲ မှ မြန်မာအလုပ်သမား ၃၅၂ ဦး၊ လာအိုအလုပ်သမား ၇၅ ဦး ၊
ကမ္ဘောဒီးယားအလုပ်သမား ၅၃ ဦး ၊ဗီယက်နမ်အလုပ်သမား ၅ဦး၊ အခြားနိုင်ငံ ၄၉ ဦးတို့ကို အရေးယူဆောင်ရွက်ပြီးသွားပြီဖြစ်ကြောင်းသိရပါတယ်။
အထောက်အထားမဲ့ အလုပ်လုပ်ကိုင်ခွင့် ဝေါ့ပါမက်မရှိတဲ့ အလုပ်သမားနှင့် လုပ်ကိုင်ခွင့်မရှိသည့် အလုပ်အမျိုးအစားကို လုပ်ကိုင်သည့်အလုပ်သမားတွေကို တွေ့ရှိပါက ဒဏ်ငွေ ဘတ် ၅,၀၀၀ မှ ၅၀,၀၀၀ ထိအလုပ်သမားမှ ဒဏ်ငွေ
ပေးဆောင်ရမှာဖြစ်ပြီးနေရပ်သို့ပြန်ပို့ခံရခြင်းနှင့်အတူ အလုပ်လုပ်ကိုင်ခွင့် (၂)နှစ်ပိတ်ခံရမှာ ဖြစ်တယ်လို့သိရပါတယ်။
အလုပ်လုပ်ကိုင်ခွင့်မရှိတဲ့ အလုပ်သမားကိုလက်ခံတဲ့ အလုပ်ရှင်ကို တွေ့ရှိပါက အလုပ်သမားတဦးလျှင် ဘတ် ၁၀,၀၀၀ မှ ၁၀၀,၀၀၀ ထိ ဒဏ်ငွေပေးဆောင်ရမှာ ဖြစ်ပြီး ထပ်မံကျူးလွန်မှု တွေ့ရှိပါက ထောင်ဒဏ်အများဆုံး
၁ နှစ် နှင့် ဘတ်ငွေ ၅၀,၀၀၀ မှ ၂၀၀,၀၀၀ ထိ ပေးဆောင်ရမှာ ဖြစ်သလို ရွှေ့ပြောင်း အလုပ်သမားငှားရမ်းခွင့် ၃ နှစ် ပိတ်ခံရမည်ဖြစ်ကြောင်းကို အလုပ်သမားဦးစီးဌာန ညွှန်ကြားရေးမှုးချုပ်က သတိပေး ပြောသွားတယ်"လို့ အလုပ်သမားဦးစီးဌာန ဖေ့ဘုတ်စာမျက်နှာ မှာ ဖော်ပြခဲ့တယ်လို့ သိရပါတယ်။