NEWS

ချင်းနှင့်ရခိုင်ပြည်နယ် တွင် ၂၄ နာရီ အတွင်း မိုးရွာသွန်းမှုများပြီး တောင်ပြို မြေပြိုခြင်းများအတွက် ကြိုတင်ရှောင်ရှားနိုင်ရန် သတိပေး

CoverLogo
263 Views

မိုးလေဝသနှင့်ဇလဗေဒညွှန်ကြားမှုဦးစီးဌာန ရဲ့ စက်တင်ဘာ ၁၃ ရက် မနက်၁၁နာရီ ထုတ်ပြန်ချက်အရ စက်တင်ဘာ ၁၃  မှ စက်တင်ဘာ ၁၅ ရက်အတွင်း ချင်းပြည်နယ်နှင့် ရခိုင်ပြည်နယ်တို့ မှာ နေရာအနှံ့အပြား မိုးထစ်ချုန်းရွာပြီး၊ ဒေသအလိုက် နေရာကွက်၍ မိုးကြီးနိုင်တာကြောင့် နောက်ဆက်တွဲ အန္တရာယ်တွေဖြစ်တဲ့ တောင်ပြို မြေပြိုခြင်းများသတိပြုဖို့ ထုတ်ပြန်ထားပါတယ်။


ချင်းပြည်နယ်နှင့်  ရခိုင်ပြည်နယ် အပြင် နေပြည်တော်၊ စစ်ကိုင်းတိုင်း၊ မကွေးတိုင်း၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ တနင်္သာရီတိုင်း၊ ကရင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်မှ နေရာအနှံ့အပြား  မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်းများ ဖြစ်ပေါ်နိုင်တယ်လို့ ထုတ်ပြန်ထားပါတယ်။


မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ လျှပ်တပြက်ရေကြီးခြင်း၊ မြေပြိုခြင်းစသည့် သဘာဝဘေးအန္တရာယ်များဖြစ်ပေါ်နိုင်ပါသဖြင့် ကုန်းမြင့်ဒေသအနီး နေထိုင် ကြသူများအနေနဲ့  မြေပြိုမှုအန္တရာယ်နှင့် မြစ်ငယ်၊ ချောင်းငယ်များအနီး နေထိုင်ကြသူတွေလည်း ရေကြီး ရေလျှံမှုများကို ကြိုတင်သတိပြုကြရန်၊ ပြည်တွင်း ရေကြောင်းသွားလာရေးနှင့် လေကြောင်းပျံသန်းရေးအနေဖြင့်လည်း ကြိုတင်သတိပြုနိုင်ရန် အသိပေးနှိုးဆော်ထားပါတယ်။


ဒါ့အပြင် ချင်းပြည်နယ်နဲ့ရခိုင်ပြည်နယ်တို့မှာ ၂၄နာရီ အတွင်း (စက်တင်ဘာ၁၃နံနက်၁၁နာရီမှ စက်တင်ဘာ၁၄ရက် နံနက်၁၁နာရီအထိ) မိုးရွာသွန်းမှု များကာ တောင်ကျချောင်းရေ ရုတ်တရက်ကျဆင်းခြင်း၊ တောင်ပြို၊မြေပြို ခြင်းတွေ ဖြစ်တတ်တာမို့ သတိပြုရန် အတွက် ပုဂ္ဂလိက မိုးလေဝသပညာစောင့်ကြည့်သူ ဦးဝင်းနိုင်က အသိပေးထားပါတယ်။


Photo-MMWeather


Related posts

Cover
ဝေဖန်မှုများစွာရှိသည့် ပျော်ဘွယ်KBZ bank ဖြေရှင်းချက်ထုတ်ပြန်
Apr 11, 2025
Cover
SMS (စာတို)ပို့ပြီး လိမ်လည်ရန်ကြိုးပမ်းမှုများလာ
Apr 09, 2025
Cover
မြန်မာ့ငလျင်ဘေး အပြင်းထန်ဆုံးကြုံရသူ ၉ ဒသမ ၁ သန်းရှိကြောင်း ကုလဖော်ပြ
Apr 09, 2025
Cover
ပြည်တွင်း အလည်အပတ် ဗီဇာ လျှောက်ထားမှုကို ယာယီရပ်ဆိုင်း
Apr 07, 2025
Cover
ပျော်ဘွယ် KBZ ဘဏ် ဝန်ထမ်း ၁၀ဦးသေဆုံး
Apr 07, 2025
Cover
ရာအိမ်မှူးများမှ တဆင့် အကျဉ်းသားမိသားစုဝင်များအား ငွေကြေးလိမ်လည်မှုများရှိနေ
Apr 07, 2025
Cover
ငလျင်ကြောင့် သေဆုံးခဲ့ရသူ ၁ ဦး လျင်ကျပ် ၁၀ သိန်းစီ ထောက်ပံ့မည်ဟု ဆို
Apr 06, 2025
Cover
ဧပြီ ၁၁ ရက်အထိ နောက်ဆက်တွဲငလျင်ငယ် တွေ လှုပ်ခတ်နိုင်ဟု ခန့်မှန်း
Apr 06, 2025