NEWS

ပျော်ဘွယ် KBZ ဘဏ် ဝန်ထမ်း ၁၀ဦးသေဆုံး

CoverLogo
127 Views
 
ငလျင်ကြောင့် ဆိုးရွားစွာ ပြိုကျပျက်ဆီးခဲ့တဲ့ ပျော်ဘွယ် KBZ ဘဏ်က ဝန်ထမ်း ၁၀ဦး အဆောက်အအုံအတွင်းမှာ သေဆုံးခဲ့တယ်လို့ ပျော်ဘွယ်မီးသတ်တပ်ဖွဲ့က ထုတ်ပြန်ထားပါတယ်။ ဘဏ်အတွင်း သေဆုံးသူ ၂၀ အထိရှိပြီး ဘဏ်ဝန်ထမ်း ၁၀ ယောက်၊ အာမခံဝန်ထမ်း ၁ ယောက်နဲ့ ဘဏ်ဖောက်သည် ၉ ယောက် ပါဝင်တယ်လို့ ဧပြီလ ၅ ရက်ထုတ်ပြန်ထားပါတယ်။
 
“ဘဏ်ထဲက လွတ်လာတော့ ကယ်ဆယ်ရေးအဖွဲတွေနဲ့ တွေ့တယ်။ ဆေးရုံမှာ ဆေးကုခံပြီး လွတ်လာတာပါ။ ဘဏ်ထဲက လွတ်လာတော့ ဘဏ်ထဲမှာ အသက်ရှင်သူတွေ အများကြီးရှိနေတယ်” လို့ ဘဏ်အတွင်းပိတ်မိခဲ့သူ တဦးက လူမှုကွန်ရက်ဖေ့ဘွတ်မှာ ရေးသားထားပါတယ်။
 
ပြိုကျတဲ့ ဘဏ်အဆောက်အဦးထဲက ရုပ်အလောင်း ၁၇ဦး ဖော်ထုတ်ထားနိုင်ခဲ့သလို အသက်ရှင်သူ ၁၆ ဦးထဲက ဆေးရုံပို့ဆောင်စဉ် ၃ ဦးသေဆုံးခဲ့တယ်လို့ သိရပါတယ်။ ငလျင်လှုပ်ခတ်စဉ် ပျော်ဘွယ် KBZ ဘဏ်က အဝင်တံခါးကို ပိတ်ချတယ်ဆိုပြီး စွပ်စွဲပြောဆိုမှုတွေကို တာဝန်ရှိသူတွေက ငြင်းဆိုထားပါတယ်။
 
ဘဏ်အဆောက်အဦး အပျက်အစီးတွေကို ဖယ်ရှားစဉ် ပိတ်မိသူတွေကို ရှာဖွေဖို့ထက် ဘဏ်ငွေကြေးတွေကို ဦးစားပေး ရှာဖွေနေတဲ့ ရုပ်သံဖိုင်တွေ လူမှုကွန်ရက်မှု ပျံနှံနေတာကြောင့် ဒေသတွင်းကယ်ဆယ်ရေးနဲ့ မီးသတ်တပ်ဖွဲ့ကိုပါ ဒေသခံတွေက ဝေဖန်ခဲ့တာ ဖြစ်ပါတယ်။
 
ဘဏ်အတွင်း သေဆုံးသူတွေထဲက တွေ့ရှိပြီး ရုပ်အလောင်းတွေကိုတော့ မိဘဆွေမျိုးတွေနဲ့ မျက်မြင်ကြည့်ရှု စစ်ဆေး အတည်ပြုပြီး လွှဲအပ်ခဲ့ပြီးဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။

Related posts

Cover
ငလျင်ဘေးသင့် လူမှုဖူလုံရေးအာမခံ လုပ်သားများ သဘာဝ ဘေးအန္တရာယ်ကျရောက်မှုဆိုင်ရာ မိသားစုထောက်ပံ့မှုအကျိုးခံစားခွင့် လျှောက်ထားနိုင်
May 09, 2025
Cover
Myanmar Jiale Fashion စက်ရုံ လစာပြန်ပေး၊ အလုပ်သမားများ လစာအတွက် စိုးရိမ်မှု ရှိနေ
May 09, 2025
Cover
Myanmar Handsome အထည်ချုပ်စက်ရုံ တပတ် နာရီ ၂၀ ကျော် အချိန်ပို လုပ်ခိုင်း
May 09, 2025
Cover
ကျောင်းသူအရွယ် မိန်းကလေးငယ်ကို တရုတ်မယား ပြုလုပ်ရန် စည်းရုံးတဲ့ တရုတ်နိုင်ငံသားအပါ ၃ ဦး ကို အလုပ်နှင့်ထောင်ဒဏ် ၁၀ နှစ်စီချ
May 09, 2025
Cover
ငလျင်ဒဏ်သင့် အလုပ်သမားအပေါ် ချိုးဖောက်မှုတွေ ရှိနေ
May 09, 2025
Cover
LITA MYANMAR အထည်ချုပ် သန့်စင်ခန်းသွားခွင့် အတင်းအကျပ် ပိတ်ပင်ပြီး သတိပေး လက်မှတ်ထိုးခိုင်း
May 08, 2025
Cover
အထောက်အထားမဲ့ နယ်စပ်ဖြတ်ကျော်တဲ့ မြန်မာလုပ်သား ၈၀ ကျော် အဖမ်းခံရ
May 07, 2025