အမေရိကန်ဘူမိဆိုင်ရာ သုတေသနအဖွဲ့(UDGS)ရဲ့ ဧပြီ ၄ ရက် နေ့ခန့်မှန်းချက်အရ လာမယ့် ဧပြီ ၁၁ ရက်အထိ နောက်ဆက်တွဲ ငလျင်ငယ် တွေ လှုပ်ခတ်နိုင်တယ်လို့ အမျိုးသားညီညွတ်ရေးအစိုးရ လူသားချင်းစာနာထောက်ထားရေးနှင့်ဘေးအန္တရာယ် ဆိုင်ရာစီမံခန့်ခွဲရေးဝန်ကြီးဌာနက ဧပြီ ၅ရက် နေ့မှာ ထုတ်ပြန်ထားပါတယ်။
မတ်လ ၂၈ ရက်က မန္တလေးမြို့အနီး ရစ်ချ်တာစကေး ၇.၇ အင်အားရှိသော မြေငလျင်ကြီး လှုပ်ခတ်ခဲ့တဲ့ အတွက် ထိခိုက်မှုကြီးမားပြီး လူသေဆုံးမှုနှင့် ဒဏ်ရာရရှိမှုများလည်း များပြားခဲ့ပါတယ်။
စစ်ကိုင်းပြတ်ရွေ့အနီး ဖြစ်ပေါ်ခဲ့တဲ့ အဆိုပါ ငလျင်ကြီးကြောင့် စစ်ကိုင်းပြတ်ရွေ့ပေါ်တွင် မြေလွှာ ရွေ့လျားမှု ဟာ အလျား ၄၆၀ ကီလိုမီတာနှင့် အကျယ် ၁၅ ကီလိုမီတာခန့်ရှိခဲ့ကြောင်း ခန့်မှန်းထားကြပါတယ်။
အမေရိကန်ဘူမိဆိုင်ရာ သုတေသနအဖွဲ့ (USGS) ခန့်မှန်းချက်အရ ဧပြီ ၁၁ ရက်နေ့အထိ နောက်ဆက်တွဲ ငလျင်ငယ် ဖြစ်ပေါ်နိုင်ခြေတွေကတော့အင်အား ၃ နှင့် အထက်ရှိတဲ့ နောက်ဆက်တွဲ ငလျင်ငယ် ဖြစ်ပေါ်နိုင်ခြေ ၉၉ ရာခိုင်နှုန်း ရှိပြီး ၂ ကြိမ်မှ ၂၂ ကြိမ်ထိ ဖြစ်နိုင်ကြောင်း၊
အင်အား၄နှင့်အထက် ရှိတဲ့ နောက်ဆက်တွဲငလျင်ငယ် ဖြစ်ပေါ်နိုင်ခြေ ၉၉ရာခိုင်နှုန်းရှိပြီး ၂ကြိမ်မှ၂၂ကြိမ်ထိဖြစ်နိုင်ကြောင်း၊ အင်အား ၅ နှင့် အထက်ရှိတဲ့ နောက်ဆက်တွဲ ငလျင်ငယ် ဖြစ်ပေါ်နိုင်ခြေ ၅၄ ရာခိုင်နှုန်းရှိပြီး ၀ ကြိမ် မှ ၄ ကြိမ် အထိ ဖြစ်နိုင်ကြောင်း၊ အင်အား ၆ နှင့် အထက်ရှိသည့် နောက်ဆက်တွဲငလျင်ငယ် ဖြစ်ပေါ်နိုင်ခြေ ၈ ရာခိုင်နှုန်းရှိပြီး ၀ ကြိမ် မှ ၁ ကြိမ်အထိ ဖြစ်ပေါ်နိုင်ကြောင်း၊ အင်အား ၇ နှင့် အထက်ရှိ နောက်ဆက်တွဲ ငလျင်ငယ် ဖြစ်ပေါ်နိုင်ခြေ ၀.၇ ရာခိုင်နှုန်းနှင့် ၁ ရာခိုင်နှုန်းသာ အလားအလာရှိကြောင်း သိရှိရပါတယ်။
ယခင်လှုပ်ခတ်ခဲ့တဲ့ အင်အား ၇.၇ နဲ့ အထက်ရှိ မြေငလျင်ကြီးကတော့ လှုပ်ခတ်နိုင်ခြေ အလွန်နည်းတယ်လို့ ဆိုပါတယ်။
မတ်လ၂၈ ရက်နေ့ အင်အားပြင်း ငလျင်ကြီး လှုပ်ခတ်ပြီးနောက် နေ့စဉ်ငလျင်ငယ်တွေ လှုပ်ခတ်မှု ဖြစ်ပေါ်ခဲ့တာမှာဧပြီ ၅ရက် ည ၇နာရီ အထိ ၈၆ ကြိမ် အထိ လှုပ်ခတ်ခဲ့တယ်လို့ မိုးလေဝသနှငိ့ဇလဗေဒညွှန်ကြားမှုဦးစီးဌာနရဲ့ ထုတ်ပြန်ချက်အရ ့သိရပါတယ်။
