တောင်ကိုရီးယားသို့ သွားရောက်လုပ်ကိုင်နိုင်မည့် အလုပ်အကိုင်(EPS)စာမေးပွဲ ဖြေဆိုဖို့လျှောက်ထားသူ ဦးရေဟာ ၃၇,၀၀၀ ကျော်ရှိပြီလို့ ပြည်ပအလုပ်အကိုင်အေဂျင်စီ(POEA) ရဲ့ထုတ်ပြန်ချက်စာရင်းအရ သိရပါတယ်။

'' EPS-TOPIK စာမေးပွဲ online က လျှောက်ထားသူ  Payment No. စာရင်းတွေအရ သုံးသောင်းခုနှစ်ထောင်ကျော်အထိရှိလာပြီ။ ဒီလူတွေက ဒဂုံမြို့သစ်(မြောက်ပိုင်း) ပင်လုံခန်းမ မှာ  စာမေးပွဲမှတ်ပုံတင်ကြေး ၂၄ ဒေါ်လာ သွင်းရမယ် ဒီနေ့ ဇူလိုင် ၃၀ ရက်နောက်ဆုံးကြေငြာထားတယ်''လို့ အစိုးရပြည်ပအလုပ်အကိုင်အေဂျင်စီ နှင့်နီးစပ်သူတစ်ဦးက ဆိုပါတယ်။

စာမေးပွဲဖြေဆိုခွင့်လျှောက်ထားသူတွေအနက်စာမေးပွဲ ေဖြဆိုခွင့်ရရှိသူစာရင်းနဲ့ 
ဖြေဆိုဖို့မှတ်ပုံတင်ကြေးပေးသွင်းရမည့်သူ စာရင်းများကို   POEA က အမည်စာရင်း ဆက်တိုက်ထုတ်ပြန်နေလျက်ရှိပြီး  လျှောက်ထားသူတွေရဲ့  ၃၇,၄၃၈ ဦးရှိပြီလို့ ဖော်ပြထားတာဖြစ်ပါတယ်။

အခုကျင်းပမယ့် EPSစာမေးပွဲကို ၀င်ရောက်ဖြေဆိုရန် ကုန်ထုတ်လုပ်ငန်းအတွက် နှစ်သောင်းခွဲကျော်ခန့် ဖောင်တင်ထားပြီး  ဆောက်လုပ်ရေးလုပ်ငန်းအတွက် ငါးထောင်ကျော်ခန့်  စိုက်ပျိုးရေးနဲ့မွေးမြူရေးလုပ်ငန်းအတွက် လေး​ထောင်ကျော်ခန့် လျှောက်လွှာတင်ထားတယ်လို့  အဲဒီစာမေးပွဲဖြေဖို့စောင့်ဆိုင်းနေသူတွေက ပြောပါတယ်။

တောင်ကိုရီးယားနိုင်ငံအနေဖြင့် EPS စာမေးပွဲဖြေဆိုစေပြီး ကုန်ထုတ်လုပ်ငန်းကဏ္ဍအတွက် အလုပ်သမားဦးရေ ၇၀၄၅ ဦးနှင့် ဆောက်လုပ်ရေးနဲ့စိုက်ပျိုးရေးလုပ်ငန်းကဏ္ဍအတွက် ၂၀၈၀ ဦးခေါ်ယူသွားမည်ဖြစ်ရာအဲဒီစာမေးပွဲမှာ အောင်မြင်မှုပေးမယ့်အရေအတွက်ဟာ ဦးရေ ၁၀,၀၀၀နီးပါး ရှိမယ်လို့ POEAက ထုတ်ပြန်ထားပါတယ်။

ဒါကြောင့်လက်ရှိဖြေဆိုမဲ့ အရေအတွက်အရ ဖြေဆိုသူ လေးပုံတစ်ပုံလောက်ကသာ အောင်မြင်မှာ ဖြစ်တယ်လို့လည်းသိရပါတယ်။

ဒီစာမေးပွဲတောင်ကိုရီးယားအလုပ်အကိုင်အရည်အချင်းစစ်စာမေးပွဲ (EPS)ဝင်ရောက် ဖြေဆိုမည့်သူများအနေဖြင့် စာမေးပွဲမှတ်ပုံတင်ကြေးတွေကို ဇူလိုင်၃၀ ရက်နောက်ဆုံးထားပေးသွင်းရမယ်လို့လည်း ကြေငြာထားပါတယ်။