တရုတ်နိုင်ငံသားပိုင် Star Sandar Garment စက်ရုံ လုပ်ငန်းခွင်တွင်းမှာ ဥပဒေပါ ခွင့်ခံစားခွင့်တွေကို မပေးသလို နေ့စားဝန်ထမ်းတွေကို အတည်ပြုဝန်ထမ်းခန့်အပ်ရာမှာ ခွဲခြားဆက်ဆံတာတွေ လုပ်ဆောင်နေတယ်လို့ စက်ရုံ အလုပ်သမားတွေက ပြောပါတယ်။
ဒီစက်ရုံကိုတော့ အင်းစိန်မြို့နယ်၊ ဆင်းငူရပ်ကွက်၊ ရွှေကြာလမ်းထဲမှာ ဖွင့်လှစ်ထားတာဖြစ်ပြီး လုပ်သားအင်အား (၈၀၀) ကျော်နဲ့ လုပ်ငန်းလည်ပတ်နေတာ ဖြစ်ပါတယ်။
စက်ရုံမှာ နေ့စားဝန်ထမ်း (၂၀) ကျော်ကိုလည်း ထပ်မံအသုံးပြုနေပြီး ဂျာကင်ထည်တွေကို ချုပ်လုပ်နေတာ ဖြစ်ပါတယ်။
“ဆေးခွင့်ကော၊ ရှောင်တခင်ခွင့်ကော မရပါဘူး။ နေမကောင်းဖြစ်လည်း ခွင့်မပေးဘူး။ မိဘနာရေးတောင် ခွင့်မရပါဘူး။ နေမကောင်းတာ မသက်သာလို့ အလုပ်မလာနိုင်ရင်လည်း ခွင့်မဲ့ဆက်တိုက်ပျက်တယ်ဆိုပြီး အလုပ်ထုတ်ပါတယ်။ ခွင့်တိုင်လည်း ခွင့်မပေးဘူး။ အလုပ်သမားလစာထဲက ဒေးကြေး+ထောက်ပံ့ကြေး (၇၂၀၀)၊ ရက်မှန်ကြေး (၃၀၀၀၀)ကျပ်နဲ့ ကျွမ်းကျင်ကြေးကိုပါ အချိုးကျဖြတ်တောက်ပါတယ်။ အဲဒါကြောင် အလုပ် တစ်ရက်ပျက်ရင် (၄၀၀၀၀)ကျပ် ဖြတ်တောက်ခံရပါတယ်”လို့ စက်ရုံ အလုပ်သမားတစ်ဦးက ပြောပါတယ်၊
စက်ရုံတွင်းမှာလည်း လုပ်ငန်းခွင် ဘေးအန္တရာယ်ကင်းရှင်းရေး လုပ်ဆောင်မှု အားနည်းနေပြီး သောက်သုံးရေး မသန့်ရှင်းတာ၊ ရေစင်တွေလည်း ညစ်ပတ်တာ၊ အိမ်သာတွေ ညစ်ပတ်တာတွေလည်း ရှိနေပါတယ်။
လုပ်ငန်းခွင် ထဲမှာ လုပ်သက်သုံးလပြည့်ပြီးတဲ့ နေ့စားဝန်ထမ်းတွေကို အလုပ်ခန့်ထားရာမှာလည်း အလုပ်ရှင် သဘောကျသာ ရွေးချယ်တာဖြစ်ပြီး ဥပဒေနဲ့အညီ လုပ်ဆောင်မှု မရှိဘူးလို့ သိရပါတယ်။
“အလုပ်ရှင် သဘောကျရင် အမြဲတမ်းဝန်ထမ်းခန့်တယ်။ သူမကြိုက်ရင် နေ့စားပဲ ဆက်ထားတယ်။ နောက်အလုပ်ရှင်က စံချိန်တွေကိုလည်း မတရားတောင်းတယ်။ စက်လိုင်းတလိုင်းကို အောစူပါ၊ စူပါ၊ စာရေးမ၊ ဟက်ပါ အပါမှ လူ(၆၀)ထားပြီး လိုက်ပေါက်အထည်(၃၀)ပေးရတယ်၊ ချုပ်ရတဲ့အထည်က ဂျာကင်ထည်၊ အပါးသားတွေ ချုပ်ရတော့ လက်ဝင်တယ်၊ ခက်ခဲတယ်။ အဲဒီတော့ စံချိန်ပြည့်ဖို့ ခက်တယ်။ အောစူပါ၊ စူပါတွေကလည်း စံချိန်တောင်းရင် အလုပ်သမားတွေကို အော်ဟစ်ဆဲဆိုတယ်”လို့ အလုပ်သမားတစ်ဦးက ပြောပါတယ်။
စက်ရုံအလုပ်သမားတွေက ဥပဒေပါ ခွင့်ခံစားခွင့်များ ရရှိရေး၊ အထည်စံချိန်တောင်းခံရာမှာ အလုပ်သမား ချုပ်လုပ်နိုင်တဲ့ စံချိန်ကိုတောင်းခံရေး၊ (၃)လပြည့်ပြီးတဲ့ နေ့စားအလုပ်သမားတွေကို အတည်ပြုဝန်ထမ်းခန့်အပ်ဖို့နဲ့ ခွဲခြားပြီး ခန့်အပ်တာ မလုပ်ရေး၊ အောစူပါ၊ စူပါတွေကလည်း စံချိန်တောင်းခံရာမှာ အလုပ်သမားတွေကို အော်ဟစ်ဆဲဆိုတာ မလုပ်ဖို့နဲ့ အလုပ်သမားတွေ အသုံးပြုတဲ့ အိမ်သာ၊ သောက်ရေတို့ကို ကောင်းမွန်စွာစီစဥ်ပေးရေးကို လိုလားနေတာ ဖြစ်တယ်လို့ သိရပါတယ်။
NEWS
Star Sandar Garment စက်ရုံ လုပ်ငန်းခွင်အတွင်း ခွင့်ခံစားခွင့်တွေ မပေးသလို နေ့စားဝန်ထမ်းများကို ခွဲခြား ဆက်ဆံနေဟုဆို
85 Views
Related posts
အလုပ်သမားသဘောဆန္ဒမပါဘဲ သီတင်းကျွတ်ကန်တော့ရန် ငွေကြေးဖြတ်တောက်တာတွေ မလုပ်ဖို့တောင်းဆို
Oct 11, 2024
မြန်မာရွှေ့ပြောင်းလုပ်သား အရေး NUG အလုပ်သမားဝန်ကြီးဌာနထံ မေးမြန်းချက်
Oct 11, 2024
Textile Palace 2 စက်ရုံ လုပ်သက်နှစ်ကြေး သုံးနှစ်ပြည့်မှ ပေး
Oct 11, 2024
လုပ်ငန်းခွင် စိတ်ကျန်းမာရေး ပံ့ပိုးမှုတွေရှိဖို့အတွက် ကုလသမဂ္ဂ အသိပေးချက်ထုတ်ပြန်
Oct 10, 2024
Tainjin Fashion Milestone စက်ရုံတွင် ဖူလုံရေးကြေး လစဉ်ထည့်သွင်းရပေမဲ့ အကျိုးခံစားခွင့်များ ဆုံးရှုံးနေရ
Oct 10, 2024
MRTV 4 (Forever Group) မှ အလုပ်သမား ရာနဲ့ချီ အလုပ်ထုတ်၊ ဥပဒေပါ နစ်နာကြေးအား တလချင်း ပေးချေပြီး စေတနာကြေးဟု ပြောဆို
Oct 10, 2024
Kingsrich Myanmar အိပ်ချုပ်စက်ရုံတွင် ၃ ရက်မြောက် တောင်းဆိုမှု ပြုလုပ်နေ
Oct 10, 2024
Vince Myanmar ဖိနပ်စက်ရုံတွင် တောင်းဆိုမှု ပြုလုပ်၊ ညှိနှိုင်းပြီး အဆင်ပြေ
Oct 10, 2024