အိမ်သုံးဆေး တလုံးကို ကျပ် ၈၀၀ အထိ ပေးဝယ်ခဲ့ရတယ်လို့ အလုပ်သမားတွေက Myanmar Labour News ကို ပြောဆိုပါတယ်။ လူသုံးများတဲ့ ဆေးဝါးတွေဖြစ်တဲ့ ဒီဂိုဂျင်၊ ပါရာစီတမောနဲ့ အအေးမိပျောက်ဆေးတွေရဲ့ ဈေးနှုန်းတွေလည်း မြင့်တက်နေတယ်လို့ အလုပ်သမားတဦးက ပြောပါတယ်။
“ဒီကိုဂျင် တလုံး ၈၀၀ ဆိုတော့ ၊ ကျွန်မတို့ တနေ့ ၄၈၀၀ ပဲရတာနဲ့ဆို ဆေးတလုံးကို လုပ်ခရဲ့ ၆ ပုံ ၁ ပုံလောက် ကျနေပြီ” လို့ အလုပ်သမား အမျိုးသမီးက ပြောပါတယ်။
လက်ရှိ ဘိုင်အိုဂျပ်ဆစ် ၊ ပါရာစီတမောနဲ့ အအေးမိပျောက်ဆေး ဆေးအုပ်စုတွေကတော့ အရင်က ကျပ် ၁၀၀ သာရှိပေမဲ့ လက်ရှိ ဆေး တလုံးကို ကျပ် ၂၀၀ ကနေ ကျပ် ၃၀၀ အထိ ပေးဝယ်နေရတာလို့ ပြောပါတယ်။ အလုပ်သမားတွေ အသုံးများတဲ့ digene လို လေဆေးက အရင် တလုံး ကျပ် ၅၀ ကနေ လက်ရှိ ကျပ် ၁၀၀ အထိ ဝယ်ယူနေရတယ်လို့ အလုပ်သမားတွေက ပြောပါတယ်။
“ဘိုင်အိုဂျပ်ဆစ်က နှစ်မျိုးရှိ၊ အဝိုင်းပုံစံနဲ့ အတောင့်ပုံစံ၊ အတောင့်ကတော့ ဈေးများတယ်။ Air- X(အဲအေ့) ဆို ၃၅၀- ၄၀၀ ၊ အမျိုးသမီးသောက်တဲ့ သွေးဆေး (အားဆေး) တွေဆို တလုံး ၆၀၀ လောက်ပေး ဝယ်ရ တယ်။ အဲ ဆေးကို မရောင်း နိုင်တော့ဘူး ။ ဝယ်သူတွေကို အားနာနေရပြီ။ ရောင်းလို့လည်း အဆင်မပြေဘူး ” လို့ စက်မှုဇုန်အနီးဖွင့်လှစ်ထားတဲ့ အိမ်ဆိုင်ပိုင်ရှင် အမျိုးသမီးက ပြောပါတယ်။
ဆေးပြတ်လပ်မှု နဲ့ နိုင်ငံခြားငွေလဲလှယ်ဈေးနှုန်းတွေမူတည်ပြီး ဆေးဈေးနှုန်း ပြောင်းလဲမှု ဖြစ်ပေါ်လေ့ရှိတယ်လို့ ဆေးသီးသန့်ရောင်းချသူ တဦးက ပြောပါတယ်။
စက်ရုံအတွင်း ကျန်းမာရေးစောင့်ရှောက်မှုနဲ့ ပတ်သက်ပြီးအုပ်ချုပ်ရေး တာဝန်ရှိ သူတွေ စီမံမှုတွေ ညံ့ဖျင်းမှုတွေ ကြောင့် အလုပ်သမားတွေမှာ ကိုယ်ပိုင်ဆေးတွေ ဆောင်ထားရတာ လို့ ရွှေသံလွင်စက်မှုဇုန်မှာ လုပ်ကိုင်နေတဲ့ အထည် အမျိုးသမီးလုပ်သားတဦးက ပြောပါတယ်။
“စက်လိုင်းထဲက ကလေး(အလုပ်သမားတဦး) လုံးဝ မေ့လဲသွားတယ်။ သူနာပြုခေါ်တော့ ဆေးခန်းမှာ မရှိဘူး။ သူနာပြုကိုတော့ စက်ရုံက သူနဲ့ မဆိုင်တာတွေခိုင်းတယ်။ ရုံးအလုပ်တွေကို ခေါ်ခိုင်းထားတယ်။ ကု ဆိုတော့ စက်ရုံမှာက ရှုဆေးတောင် မရှိဘူး။ “ လို့ အလုပ်သမားတဦးက ပြောပါတယ်။
မြန်မာအလုပ်သမားဥပဒေတွေမှာတော့ လုပ်ငန်းခွင်အတွင်း ဆေးခန်းနဲ့ သူနာပြုတွေ ထားရှိဖို့ သတ်မှတ်ထား ပေမဲ့ အထည်ချုပ်စက်ရုံအတော်များများမှာ ဆေးခန်းကို ဟန်ပြဖွင့်တာ၊ ဆေးခန်းလုံးဝမရှိ ၊ ဆေးမရှိတာ၊ သူနာပြုခန့်ထားခြင်းမရှိတာ၊ သူနာပြုခန့်ထားပေမဲ့ တခြားလုပ်ငန်းကို ခိုင်းစေတာ၊ ဆေးပစ္စည်းကို HR ဌာနက ထိန်းချုပ်ထားတာ၊ ဆေးရဖို့ ခက်ခဲအောင် ဆောင်ရွက်ထားတာ၊ ရှိတဲ့ဆေးကို ခွဲဝေသုံးစွဲရပြီး လုံလောက်မှုမရှိတာ၊ ကိုယ်ပိုင် ဆေးယူဆောင်ခွင့်မပေးတာ ဖြစ်ပေါ်နေတာကိုလည်း Myanmar Labour News က လေ့လာ တွေ့ရှိ ထားပါတယ်။ အလုပ်သမားတွေ ကိုယ်တိုင် ဆေးဝယ်ဆောင် ထားရတယ်လို့ အဲဒီ အမျိုးသမီး အလုပ်သမားက ပြောပါတယ်။
လက်ရှိ ရာသီဥတု အခြေအနေရတာ တုတ်ကွေး၊ ဖျားနာမှုတွေ အများအပြားဖြစ်ပွားနေပြီး ကြိုတင်ကာကွယ် ဆေးတွေ ထိုးနှံကြဖို့လည်း ကျန်းမာရေးပညာရှင်တွေက တိုက်တွန်းနေပါတယ်။
ဒါပေမဲ့ အထည်ချုပ်လုပ်ငန်းတွေမှာ အချိန် အလွန်အကျွံခိုင်းစေမှုတွေကြောင့် လုပ်ငန်းခွင်အတွင်းက အလုပ်သမားတွေမှာ သာမန် ဖျားနာမှုတွေကနေ နာတာရှည်ရောဂါရတဲ့အထိ ထိခိုက်မှုတွေ ရှိနေတယ်လို့လည်း အလုပ်သမားရေး လှုပ်ရှားသူတဦးက ပြောကြားထားပါတယ်။
Photo- Credit
NEWS
အိမ်သုံးဆေးတလုံးတန်ဖိုး တနေ့လုပ်ခ၏ ၆ ပုံ ၁ အထိ ရှိနေ
277 Views
Related posts
အလုပ်သမားဥပဒေပါ အခွင့်အရေးတွေချိုးဖောက်နေလို့ ဖြေရှင်းပေးဖို့ အလုပ်သမားတွေတောင်းဆို
Sep 27, 2024
Tai Hong အထည်ချုပ်စက်ရုံအလုပ်သမားများနဲ့လုပ်ငန်းရှင် အငြင်းပွားမှု ညှိနှိုင်းရာ ပြေလည်မှုရဟုဆို
Sep 27, 2024
လုပ်ငန်းခွင်ဆိုင်ရာအခွင့်အရေးချိုးဖောက်မှုတွေ ဖြေရှင်းပေးစေလိုဟုဆို
Sep 27, 2024
ဝမ်တိမ် လက်မှတ်ထိုးရန်ငြင်းဆိုတဲ့ အလုပ်သမားကို Golden Colour Fashion Myanmar စက်ရုံမှအလုပ်ထုတ်
Sep 26, 2024
ပန်းရောင်ဘတ်ပြုလုပ်ပေးမယ့်ရက်ချိန်း အတိအကျမကြေညာသေးဘဲ ပွဲစားနဲ့အေဂျင်စီ တွေကို ငွေကြိုလွှဲတွေတာတွေ မပြုလုပ်ဖို့ အလုပ်သမားရေးကူညီသူတွေ သတိပေး
Sep 26, 2024
လုံခြုံရေးကုမ္ပဏီက အလုပ်သမားအား ဖမ်းချုပ် ငွေညှစ်ရန်ကြိုးပမ်း
Sep 26, 2024
MENGYUE GARMENT စက်ရုံ EC စာချုပ်မချုပ်ဘဲ ခိုင်းစေ အလုပ်ထွက်ပါက ငွေကြေးဖြတ်တောက်ဟုဆို
Sep 25, 2024
29 ရွှေဆိုင်မှာ စရံငွေ ၂ သိန်းပေး အလုပ်လုပ်ရပြီး စရံပြန်တောင်းလျှင်ခြိမ်းခြောက်ခံရဟုဆို
Sep 25, 2024