အနိမ့်ဆုံးလုပ်ခလစာနဲ့ မလောက်ငှတဲ့ ပြည်တွင်း အခြေခံကုန်စည် ဈေးနှုန်းများ စုစည်းမှု
ဖေဖော်ဝါရီ ၂၊ ၂၀၂၅
ပြည်တွင်းမှာ အခြေခံစားသောက်ကုန်ဈေးနှုန်းတွေဟာ ကျဆင်းမှုမရှိဘဲ စံချိန်တင် အမြင့်ဆုံးဈေးနှုန်းတွေ နဲ့သာဆက်ရှိနေပါတယ်။
ဒီလိုအမြင့်ဈေးမှာရှိနေတဲ့အတွက် ကြောင့် ဝင်ငွေနည်းပါးတဲ့အခြေခံပြည်သူတွေ စားဝတ်နေရေး ပိုမိုအခက်တွေ့လာရပါတယ်။
ပြည်တွင်းက ဈေးတွေမှာ ပြည်ပထုတ်ကုန်အချို့ပစ္စည်းပြတ်တာ၊ ဝယ်ယူမရတာအထိ ရှိနေပြီး ပြည်တွင်း ထုတ်ကုန်တွေ အစားထိုးဝင်ရောက်နေပေမယ့် ဈေးနှုန်းကတော့ အမြင့်မှာသာရှိနေတာပါ။
အခုလို မြင့်တက်နေတဲ့ ကုန်ဈေးနှုန်းအခြေအနေကို နှိုင်းယှဉ်သိရှိနိုင်ဖို့ ဇန္နဝါရီ ၂၇ ရက်နေ့ ကနေ ဖေဖော်ဝါရီ ၂ရက်နေ့အတွင်း ပြောင်းလဲဖြစ်ပေါ်ခဲ့တဲ့ ရွှေဈေး ငွေဈေးနဲ့ အခြေခံကုန်ဈေးနှုန်းတွေကို Myanmar Labour News က စုစည်းဖော်ပြပေးလိုက်ပါတယ်။
ဇန္နဝါရီ ၂၇ရက်နေ့ကနေ ဖေဖော်ဝါရီ ၂ရက်အထိ စက်သုံးဆီဆိုင်များတွင် ရောင်းချလျက်ရှိတဲ့ဈေးနှုန်းများဟာ ၉၂ တစ်လီတာလျှင် ၃၁၃၀ကျပ် ၉၅ တလီတာ ၃၂၀၀ကျပ်၊ ရိုးရိုးဒီဇယ် တလီတာ ၂၈၆၅ ကျပ်၊ ပရီမီယံဒီဇယ်တလီလီတာ ၃၅၂၅ ကျပ်အဖြစ်သတ်မှတ်ထားတာဖြစ်ပါတယ်။
ဇန္နဝါရီ ၃၁ ရက် ကနေ ဖေဖော်ဝါရီ ၂ရက်အထိသတ်မှတ်ဈေးနှုန်းကတော့ ၉၂တစ်လီတာလျှင် ၃၁၈၀ကျပ် ၉၅ တလီတာ ၃၂၆၀ကျပ်၊ ရိုးရိုးဒီဇယ် တလီတာ ၂၈၂၀ ကျပ်၊ ပရီမီယံဒီဇယ် တလီတာ ၃၄၈၅ ကျပ်အဖြစ်သတ်မှတ်ထားပြီး ဈေးနှုန်းကတော့ ယခင်ကထက်အနည်းငယ်မြင့်တက်လာတာတွေ့ရပါတယ်။
စက်သုံးဆီဈေးနှုန်းဟာအပတ်စဉ် သောကြာနေ့တိုင်းမှာ ပြောင်းလဲမှုရှိနေတာပဲဖြစ်ပြီး စက်သုံးဆီပြင်ပပေါက် ဈေးကတော့ ၉၂ တလီတာ ၃၂၀၀ ကျပ်နဲ့အရောင်းဝယ်ဖြစ်နေတာတွေ့ရပါတယ်။
တစ်ပတ်အတွင်းပြည်တွင်း ရွှေဈေးနှုန်းတွေကတော့ ဇန္နဝါရီ ၂၇ရက်နေ့ရဲ့ကမ္ဘာ့ ရွှေဈေးတစ်အောင်စလျှင် အမေရိကန်ဒေါ်လာ၂၇၀၃ ရှိပါတယ်။
ရန်ကုန်တိုင်းဒေသကြီးရွှေလုပ်ငန်းရှင်များအသင်းကသတ်မှတ်တဲ့ အခေါက်ရွှေပေါက်ဈေးဟာကျပ် ဇန္နဝါရီ ၂၇ရက်နဲ့ ၂၈ရက်မှာ အခေါက်ရွှေတစ်ကျပ်သားလျှင် ၅၄သိန်း၅သောင်းနဲ့ ဇန္နဝါရီ ၂၉ရက်မှာ ၅၄သိန်းဖြစ်တကာ ဇန္နဝါရီ ၃၁ ရက်ကနေ ဖေဖော်ဝါရီ ၂ရက်နေ့အထိမှာတော့ ၅၄သိန်း၅သောင်း သတ်မှတ်ထားတယ်လို့ရွှေလုပ်ငန်းရှင်များအသင်းရဲ့ သတ်မှတ်ဈေးနှုန်းအရ သိရပါတယ်။
ပြင်ပရွှေဈေးကွက်မှာတော့ ဇန္နဝါရီ ၂၇ရက်မှာ ၆၅သိန်းဖြစ်ပြီး ဇန္နဝါရီ ၂၈ရက်မှာ ၆၄ သိန်းဖြစ်ခဲ့ပြီး ဇန္နဝါရီ ၂၉ရက်မှာ ၆၄သိန်း၈သောင်း၊ ဇန္နဝါရီ ၃၀ရက်မှာတော့ ၆၄သိန်း၅သောင်းဖြစ်ပြီး ဇန္နဝါရီ ၃၁ ရက် ကနေ ဖေဖော်ဝါရီ ၂ရက်နေ့အထိမှာတော့ ၆၄ သိန်း၅သောင်းဖြစ်တယ်လို့ ပြင်ဈေးကွက်ပေါက်ဈေးအရ သိရပါတယ်။
ပြင်ပဈေးကွက်ပေါက်ဈေးသိရှိချက်အရ ပြီးခဲ့တဲ့တစ်ပတ်တာဈေးနှုန်းမှာတော့ ပြင်ပရွှေပေါက် ဈေးဟာ ၆၇ သိန်းအထိ မြင့်တက်ခဲ့တာဖြစ်ပြီး ယခုတစ်ပတ်တာမှာတော့ ပြန်လည်ကျဆင်းလာတာတွေ့ရသလို ဈေးကွက်မငြိမ်ဘဲ အတက်အကျမြန်နေတာလည်း တွေ့ရပါတယ်။
ယခုတစ်ပတ်အတွင်း နိုင်ငံခြားငွေလဲလှယ်နှုန်းတွေဟာ စစ်ကောင်စီက တစ်ဒေါ်လာလျှင်၂၁၀၀ ကျပ်အဖြစ် သတ်မှတ်ထားပေမဲ့ ပြင်ပပေါက်ဈေးများမှာ ဇန္နဝါရီ ၂၇ရက်မှ ဖေဖော်ဝါရီ ၂ရက်အထိ တပတ်တာလုံးမှာ တစ်ဒေါ်လာလျှင် ၄၅၅၀ ကျပ်နှုန်းဖြင့်ပေါက်ဈေး အနည်းငယ်ဈေးတက်လာတာလည်းဖြစ်ပါတယ်။
နိုင်ငံခြားငွေပြင်ပပေါက်ဈေးတွေဟာ အကောင့်အချင်းချင်းလွှဲပြောင်းမှုနဲ့အရွက်ရောင်းဝယ်မှုအရ ပေါက်ဈေးကွာဟမှုအနည်းငယ်ရှိနိုင်ပါတယ်။
ပြည်တွင်းဘဏ်တွေကတော့ တစ်ဒေါ်လာလျှင် ၃၅၉၇ ကျပ်လို့သာ အတိအလင်းပြသထားပေမဲ့ တစ်ဒေါ်လာလျှင် ၄၀၀၀ ကျော်နှုန်းအထိဖြတ်ခဲ့ကြသလို လက်ရှိမှာတော့ ၄၅၀၀ ကျော်နဲ့ဖြတ်နေတာလို့ သိရပါတယ်။
စစ်ကောင်စီလက်အောက်ခံ စားအုန်းဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက ယခုတပတ်တာ ဇန္နဝါရီ ၂၇ရက်မှ ဖေဖော်ဝါရီ ၂ရက်အထိ ရန်ကုန်အထိုင်ဈေး အခြေခံလက်ကားရည်ညွှန်း ဈေးနှုန်းမှာ စားအုန်းဆီတစ်ပိဿာလျှင် ငွေကျပ် ၇၂၄၅ ကျပ် ဖြစ်တယ်လို့ ထုတ်ပြန်ကြေညာထားတာကြောင့် ယခင်ကနှုန်းထားထက် ၁၀ ကျပ်ကျဆင်းလာတာ တွေ့ရပါတယ်။
ရည်ညွှန်းဈေးအနိမ့်ဆုံးသက်သားသောနှုန်းထားဖြင့် သမဝါယမစနစ်နဲ့ စားဆီဝယ်ယူနိုင်ဖို့စီစဉ်ထားပေ မဲ့လည်းစားဆီ ပြင်ပဈေးကွက်တွင်လည်း တစ်ပိဿာ ၁၂၀၀၀ ကျပ်အမြင့်ဈေးမှာသာ ဆက်လက်တည်ရှိ နေပြီး ရပ်ကွက်တွေရဲ့ လက်လီဈေးနှုန်းကတော့ ၁၂၆၀၀ အထိပေါက်ဈေးရှိနေတယ်လို့ သိရပါတယ်။
စားဆီကုန်သည်များကလည်းဖုန်းကြိုတင်ဆက်မှာယူခြင်းဖြင့် ရောင်းချပေးနေတာတွေပြု လုပ်နေတာဖြစ် ပေမဲ့လည်း စားအုန်းဆီပြင်ပပေါက်ဈေးဟာ အမြင့်ဈေးသာဆက်လက်ရှိနေတာပဲဖြစ်ပါတယ်။
ဆန်ဈေးနှုန်းတွေကတော့ ရွှေဘိုပေါ်ဆန်းမွှေးတစ်ပြည် ၈၅၀၀၊မဂျမ်းတော တစ်ပြည် ၇၅၀၀၊ တောင်ပျံရှယ် တစ်ပြည် ၇၅၀၀၊ မြောင်းမြပေါ် ဆန်းတစ်ပြည် ၆၅၀၀၊ ဆင်းသွယ်တစ်ပြည် ၅၅၀၀၊ ရက် ၉၀ တစ်ပြည် ၅၀၀၀၊ မနောသုခတစ်ပြည် ၄၅၀၀ စသဖြင့်အစားစားရှိရာ အခြေခံ အလုပ်သမားတွေနဲ့အများစု၀ယ်ယူစားသုံးတာ ကတော့ မြောင်းမြပေါ်ဆန်းနဲ့တောင်ပျံရှယ်၀ယ်ယူတာဖြစ်သလို ရွှေဘိုပေါ်ဆန်းနဲ့ ဆန်ကြမ်းနဲ့ရာနှော၀ယ်ယူကြတယ်လို့လည်း သိရပါတယ်။
အခြေခံဟင်းသီးဟင်းရွက်ဈေးနှုန်းတွေကတော့ချဉ်ပေါင်ရွက်တစ်စီး ၅၀၀မှ တစ်ထောင်ဖိုး ၃ စီး၊ ဗူးရွက်တစ်စီး ၁၀၀၀ ကျပ်၊ ကန်စွန်းရွက်တစ်စီး ၈၀၀ ကျပ်၊ ဆူးပုတ်ရွက်အနုတစ်စီး ၁၀၀၀ကျပ်၊ မျှစ်အနည်းဆုံး ၁၀၀၀ကျပ်၊ ၊ ငြုပ်သီးစိမ်း အနည်းဆုံး ၅၀၀ကျပ်(တစ်ခါခပ်သာ)၊ နံနံပင် တစ္စီး ၅၀၀ကျပ်၊ ကြက်ဥ တလုံး ၅၀၀အလုံးသေး၊ ဘဲဥတလုံး
၇၀၀၊ မုံလာဥတစ္စီး ၁၀၀၀၊ ခဝဲသီးတစ်တောင့် ၈၀၀၊ ဂေါ်ရခါးညွန့် တစ္စီး ၁၃၀၀ကျပ်၊ ဂေါ်ရခါးသီး တ လုံး ၅၀၀၊ ပဲသီးတစ္စီး ၁၀၀၀၊ အာလူး တစ်ပိဿာ ၆၀၀၀ ကျပ်၊ ကြက်သွန်နီ တစ်ပိဿာ ၅၀၀၀၊ ပဲပင်ပေါက် အနည်းဆုံး ၁၀၀၀ ဖိုးသာ၊ ဂေါ်ဖီတစ်ထုပ် ၂၀၀၀၊ ဂေါ်ဖီပန်း တစ်ပွင့် ၁၀၀၀၊ ခရမ်းချဉ်သီး တစ်ပိဿာ ၂၅၀၀ ကျပ်၊ ကြက်သွန်ဖြူ တစ်ပိဿာ ၂၅၀၀၀၊ ဂျင်းအနည်းဆုံး ၁၀၀၀ ကျပ် ဖြစ်ပါတယ်။
ယခုနှစ်ဆောင်းတွင်းပိုင်းမှာ ဆောင်းသီးနှံပေါများချိန်ရောက်လို့ ဈေးနှုန်းအနည်းငယ်ကျဆင်းလာတာ တွေ့ရပါတယ်။
အသားဈေးနှုန်းတွေအနေနဲ့ ကြက်သားတစ်ပိဿာ ၁၇၀၀၀ကျပ်(စီပီကြက်)၊ ကြက်နီမတစ်ပိဿာ ၂၀၀၀၀ နဲ့ ဗမာကြက်တစ်ပိဿာ ၂၃၀၀၀၊ အမဲသား တစ်ပိဿာ ၂၅၀၀၀၊ ဝက်သား ၁ ပိဿာ ၃၀၀၀၀ ကျပ်နဲ့ ဝက်သား၊ ဆိတ်သား၊ ဘဲသား ၊ ငါးအနည်းဆုံး ၅၀၀၀ ကျပ်ဖိုးသာ၀ယ်ယူရတယ်လို့ ဈေးကွက်အရ သိရပါတယ်။
ဆေးဈေးနှုန်းတွေထဲမှာတော့ အသုံးများတဲ့ ပါရာစီတမော တစ်ကတ် ၁၃၀၀ ( တလုံး ၁၅၀) ၊ချောင်းဆိုးပျောက်ငုံဆေးတစ်လုံး ၅၀၀၊ သားဆက်ခြားဆေး တစ်ကတ် ၄၀၀၀ ကျပ် ၊ သွေးပေါင်ကျဆေးတစ်ကတ် ၂၇၀၀ ၊ အစာကြေဆေး တစ်ကတ် ၃၀၀၀ ၊ အမျိုးသမီးသုံးပစ္စည်း တစ်ထုတ် ၂၇၀၀ ကျပ်ဖြစ်နေပါတယ်။
လက်ရှိမြန်မာနိုင်ငံရဲ့ အခြေခံလုပ်ခလစာဟာ တရက်( ၈ နာရီ) ၄၈၀၀ ကျပ် ၊ အပိုထောက်ပံ့ကြေး ၂၀၀၀ ကျပ် သာ သတ်မှတ်ထားတာကြာင့် အဆမတန် ကွာဟနေတဲ့ကုန်ဈေးနှုန်း အခြေအနေကြောင့် ဖူလုံမှုမရှိတဲ့ အခြေအနေကို အခြေခံပြည်သူတွေ ရင်ဆိုင်နေရပါတယ်။
တပတ်တာကုန်ဈေးနှုန်းတွေကို ယွန်းဆက်က စုစည်းပေးထားတာပါ။
#MyanmarLabourNews
#weeklyhighlights
#minimumwages
