ရန်ကုန်တိုင်း အတွင်း အချို့မြိုနယ်တွေမှာ ဝမ်းပျက်၊ ဝမ်းလျောရောဂါ ဖြစ်ပွား မှု များနေတယ်လို လူမှုကူညီရေးအသင်းတွေထံကသိရပါတယ်။
ရန်ကုန်မြို့က မြို့နယ်တွေဖြစ်တဲ့ သာကေတ ပုဇွန်တောင် ဗိုလ်တထောင် မြို့နယ်တွေနဲ့ ဆက်ခြေဖုံးရပ်ကွက်အများစုမှာ ဝမ်းပျက်ဝမ်းလျောရောဂါ အဖြစ်များနေတယ်လို့ လူမူကူညီရေးအသင်းတွေထံကသိရ ပါတယ်။
သာကေတမြို့နယ် ရှိ ရပ်ကွက်အချို့မှာ ဝမ်းပျက်၊ ဝမ်းလျောခြင်း များ ဖြစ်ပွားလျက်ရှိရာ ကူးစက်သူဦးရေ များပြားလာ တဲ့ အတွက်ကျန်းမာရေးဦးစီးဌာနနဲ့ မြို့နယ် တာဝန်ရှိသူ ဝင်ရောက်စစ်ဆေးနေတယ်လို့ သိရပါတယ်။
"ဝမ်းရောဂါ တွေ အဖြစ်များလို မနေ့က ကျန်းမာရေးဌာနရယ် လူမှုကူညီရေးအသင်း တွေရယ် ရပ်ကွက်တွေ ထဲ လိုက် ကြည့်တယ်၊ ဇူလိုင်၆ရက်နေ့မှာ ရပ်ကွက်ထဲ ကလိုရင်းဆေးဖြန်းမယ်လို သိရတယ်။ မုန့်ဟင်းခါးဆိုင်တွေ အသုတ်ဆိုင်တွေ ကို ဇူလိူင် ၁၂ရက်အထိပိတ် ဖို့ ကိုလည်း ည က အသံချဲ့စက်နဲ့ ရပ်ကွက်တွေထဲ ပတ်ပြီး ကြေညာတယ် ဒီမနက်တော့ ဘယ်ဆိုင်မှ မထွက်ဘူး"လို့ သာကေတမြို့မှာ နေသူတစ်ဦးကပြောပါတယ်။
ဒါ့အပြင် သာကေတမြိုနယ်လူမှုကူညီရေ့းအသင်း မှလည်း သာကေတမြိုနယ်အတွင်း ရပ်ကွက်အချိုတွင် ဝမ်းပျက်၊ဝမ်းလျောခြင်းများ ဖြစ်ပွားလျက်ရှိကာ ကူးစက်သူဦးရေ များပြားလာတဲ့ အတွက် မိဘပြည်သူအနေ နဲ့ "မဖြစ်ခင်က ကြိုတင်ကာကွယ်" ကြရန်နဲ့ မိမိ လမ်း၊ မိမိ ပတ်ဝန်းကျင်တွေမှာ ဝမ်းပျက်ဝမ်းလျော လူနာများ တွေ့ရှိလာပါက သက်ဆိုင်ရာ တာဝန်ရှိသူများထံ (သိုမဟုတ်) သာကေတမြိုနယ်လူမှုကူညီရေးအဖွဲ ဖုန်းနံပါတ် 09-882513311 (၂၄နာရီ) သို့ဆက်သွယ်အကြောင်းကြားပေးဖို့ မေတ္တာရပ်ခံထားပါတယ်။
လက်ရှိမှာ ရန်ကုန်အခြေစိုက် ပရဟိတအဖွဲများ၊ ကျန်းမာရေး ကူညီစောင့်ရှောက်နေတဲ့ စေတနာအဖွဲအစည်းတွေ က ဝမ်းပျက်ဝမ်းလျောရောဂါနှင့်ပတ်သက်ပြီး ပြည်သူများ အထူးသတိပြုကြရေး နှိုးဆော်နေကြတယ်လို့သိရပါတယ်။
