မလေးရှားနိုင်ငံ၊ ဆလန်ဂေါပြည်နယ်၊ စမှုံညှင်းမှာ တရာမဝင်နိုင်ငံခြားသာများ ဖမ်းဆီးရေး (အော်ပရာစီ)အတွင်း နိုင်ငံခြားသား ၅၆၁ ဦးဖမ်းဆီးခံခဲ့ရပြီး အဲဒီအထဲမှာ မြန်မာအလုပ်သမားတွေ ပါဝင်တယ်လို့ မြန်မာအလုပ်သမားတွေက ပြောပါတယ်။
"မြန်မာတွေ ပါတာပေါ့ ။ ဖူးပွင့်ခိုင်တို့၊ အေမီစျာန်တို့အသုတ်က အလုပ်သမား ၃၀ ကျော်တောင် ပြန်မလွတ်လာ ကြသေးဘူး။ ခုကလည်း အော်ပရာစီပဲ ။ အထောက်အထားမပါတဲ့ ၅၀၀ ကျော် အဖမ်းခံရတယ်။ "လို့ မလေးရောက် မြန်မာတဦးကပြောပါတယ်။
လူပုဂ္ဂိုလ် ၇၅၂ ဦး စစ်ဆေးခဲ့ပြီးနောက် ဘင်္ဂလားဒေ့ရှ်၊ မြန်မာ၊ နီပေါ၊ အင်ဒိုနီးရှား၊ ပါကစ္စတန်၊ သီရိလင်္ကာ ၊ အိန္ဒိယ၊ ကမ္ဘောဒီးယား၊ ဆီရာလီယွန်နဲ့ ကင်မရွန်း စတဲ့ နိုင်ငံသား ၅၆၁ ဦးကို ကျူးလွန်မှု အမျိုးမျိုးကြောင့် ထိန်းသိမ်းခဲ့တယ်လို့ မလေးရှား လူဝင်မှုကြီးကြပ်ရေးဌာက ထုတ်ပြန်ထားပါတယ်။
မလေးရှားနိုင်ငံ တနိုင်ငံလုံးမှာ တရားမဝင် နိုင်ငံခြားသားတွေကို ဖမ်းဆီမှုတွေ ဆက်တိုက်ပြုလုပ်နေပြိ ဇန်နဝါရီ ၁၉ ရက် ည ၁၁ နာရီမှာ စမှုံညှင်း၊ ဘိုင်ဒူးရီတိုက်ခန်းတွေနဲ့ ရပ်ကွက်အတွင်းကို မလေးရှား အာဏာပိုင်တွေက ဝင်ရောက်ဖမ်းဆီးခဲ့တာဖြစ်ပါတယ်။
ဖမ်းဆီးခံရသူတွေဟာ ဘင်္ဂလားဒေ့ရှ်၊ မြန်မာ၊ နီပေါ၊ အင်ဒိုနီးရှား၊ ပါကစ္စတန်၊ သီရိလင်္ကာ၊ အိန္ဒိယ၊ ကမ္ဘောဒီးယား ၊ ဆီယာရာလီယွန်နဲ့ ကင်မရွန်းနိုင်ငံသားတွေဖြစ်ပြီး ပတ်ဝန်းကျင်ရဲ့ တိုင်ကြားချက်နဲ့ ဖမ်းဆီးမှုတွေ ပြုလုပ်ခဲ့တာလို့ ဆိုပါတယ်။
ဖမ်းဆီးရရှိခဲ့သူတွေကို အရေးယူဖို့ လူဝင်မှုကြီးကြပ်ရေးဌာန ဘူးကေ့အကျဉ်းထောင်မှာ ထိန်းသိမ်းထားတယ်လို့ သိထားပါတယ်။
