တောင်ကိုရီးယားနိုင်ငံရောက် မြန်မာနိုင်ငံသားတစ်ဦးမှာ အခက်ခဲ ဖြစ်နေ ပြီး မိမိကိုယ်ရေးအချက်အလက်တွေကို မပြောပြနိုင်တဲ့ အတွက်၎င်းကိုသိရှိသူတွေ အနေနဲ့    မြန်မာသံရုံး ကိုဆက်သွယ်ပေးဖို့ ဩဂုတ်လ ၃၀ ရက် နေ့မှာ မြန်မာသံရုံးဆိုလ်းမြို့က မေတ္တာရပ်ခံထားပါတယ်။

ကိုရီးယားနိုင်ငံ ဘူဆန်မြို့ Seobu Police Station ထံမှ ဆက်သွယ်အကြောင်းကြား ချက်အရ မြန်မာနိုင်ငံသား NAN LIN ဆိုသူကို လိုအပ်တာတွေကူညီဆောင်ရွက်ပေးနိုင်ရေးနဲ့  မြန်မာနိုင်ငံရှိ ၎င်းရဲ့  မိသားစုဝင်များထံသို့ ဆက်သွယ်အကြောင်းကြားပေးနိုင်ရေး စီစဉ်ဆောင်ရွက်ပေးဖို့ လုပ်ဆောင်နေတယ်လို့ ဆိုပါတယ်။

အခုလို ဆောင်ရွက်ပေးဖို့ အတွက်  ကာယ ကံရှင် မှာ  ၎င်းနဲ့ ပတ်သက်တဲ့ ကိုယ်ရေးအချက်အလက်တွေ ကို ပြောပြနိုင်ခြင်းမရှိတဲ့ အတွက် အခက်ခဲ ဖြစ်နေတယ်လို့သိရပါတယ်။

ဒါ့ကြောင့်  ကိုရီးယားသမ္မတနိုင်ငံ ကို ရောက်ရှိနေကြ တဲ့  မြန်မာနိုင်ငံသားများ အနက် ၎င်း ကို  သိရှိသူရှိပါက မြန်မာသံရုံးရဲ့  တယ်လီဖုန်းနံပါတ် (02) 790-3814 သို့ ဆက်သွယ်အကြောင်းကြားပေးဖို့ မြန်မာသံရုံး ဆိုလ်းမြို့က  မေတ္တာရပ်ခံထားပါတယ်။

ဖြစ်စဉ်မှာ -ဘူဆန်ရဲစခန်းမှ ဘူဆန်ရထား 부산도시철도 လိမ္မော်ရောင်လိုင်းနံပါတ် ၁  (ထိုဆောင်းန်ဘူတာ)토성역  ထွက်ပေါက် ၃ အရှေ့ ပလက်ဖောင်းတွင် အန်နေသောကြောင့် ဘေးလူများက ဖုန်းဆက်တိုင်ခြင်းကြောင့် ၁၁၉ ကူညီရေးကားရောက်ရှိကူညီပေးခဲ့တယ်လို့ သိရပါတယ်။

ကိုနန်းလင်းရဲ့ ပြောကြား ချက်အရ ဘူဆန်ရောက်တာ မကြာသေးကြောင်း ၊ မိမိကိုင်ဆောင်သော ဖုန်းနံပါတ်အား မမှတ်မိကြောင်း၊ လက်ရှိစက်ရုံလိပ်စာလဲ မမှတ်မိကြောင်း ​၎င်းကိုနန်းလင်းကို ကူညီပေးသူ မြန်မာနိုင်ငံသားတစ်ဦးကပြောပါတယ်။