NEWS

ဆန်ကို သတ်မှတ်ဈေးထက်ပိုရောင်းပါက  အရေးကြီးကုန်စည်နှင့် ဝန်ဆောင်မှုဥပဒေ ပုဒ်ပ -၅ အရ တရားစွဲဆိုမယ်ဟုဆို

CoverLogo
57 Views

စစ်ကောင်စီရဲ့ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာနက လစဉ်ထုတ်ပြန်ထားတဲ့ ဆန်ဈေးနှုန်းရည်ညွှန်ဈေးတွေထက် ပိုရောင်းနေသူတွေကို အရေးကြီးကုန်စည်နှင့် ဝန်ဆောင်မှုဥပဒေ ပုဒ်မ-၅ အရ တရားစွဲဆိုမယ်လို့ မြန်မာနိုင်ငံဆန်စပါးအသင်းချုပ်က စက်တင်ဘာလ ၁၀ ရက်နေ့မှာ အသိပေးလိုက်ပါတယ်။

၂၀၂၄ ခုနှစ်၊ စက်တင်ဘာလအတွက် သင့်တင့်မျှတသော ဈေးကွက်ဈေးနှုန်း (Reasonable Market Price) ထုတ်ပြန်ချက် (ဆန် ရည်ညွှန်းဈေးနှုန်းများ) ကို သိရှိလိုက်နာနိုင်ဖို့သတ်မှတ်ဈေးနှုန်းတွေကိုထည့်သွင်း ထုတ်ပြန်လိုက်တာဖြစ်တယ်လို့ဆိုထားပြီး  ရောင်းချရမဲ့ဆန်ဈေးနှုန်းကိုပါသတ်မှတ်ထုတ်ပြန်လိုက်တာဖြစ်ပါ တယ်။ 

အဲ့ဒီလိုမျိုးသတ်မှတ်တာတွေနဲ့ ဆန်လုပ်ငန်းရှင်တွေကိုဖမ်းဆီးတာတွေ စစ်ဆေးတာတွေရှိခဲ့ပေမဲ့ အောက်ခြေက တစ်ကယ့်ဆန်ဆိုင်ကြီးတွေနဲ့လက်လီဆိုင်တွေမှာတော့ စစ်ကောင်စီရဲ့သတ်မှတ်ဈေး နဲ့၀ယ်ယူလို့မရလို့ ၎င်းကြေငြာချက်တွေသတ်မှတ်ဈေးနှုန်းတွေအတိုင်း ရောင်းချမပေးနိုင်တာတွေ ဖြစ်ပေါ်နေပါတယ်။

"ဆန်ကရွှေဘိုနဲ့မန္တလေးဘက်ကထွက်တဲ့ဆန်ကို သူတို့သတ်မှတ်ထားတဲ့နှုန်းက တစ်အိတ် ၂၄့ ပြည်ပါကို  ၁၃၅၀၀၀ ဆိုရင် အခြားဆိုင်တွေသွားမေး ၁၈၅၀၀၀ ဆိုတာချည်းပဲ။ အနိမ့်ဆုံး ၁၈၀၀၀၀ ပဲလိုက်မေးပြီးပြီ။ ဒီမှာဒီဈေးရောင်းရမယ်လို့သတ်မှတ်ထားတာလို့ပြကြည့် အဲ့ဒီမှာသွား၀ယ်ပါလို့ပြောတယ်။ ဘယ်လိုလုပ်ရမလဲ သူတို့သတ်မှတ်ဈေးကသူတို့ရဲ့အာဘော်ပဲရှိတယ်။ တစ်ကယ်အရေးယူမှာလား တစ်ကယ်ဖမ်းမှာလား ရပ်ကွက်တွေထဲလိုက်၀ယ်ကြည့်။ လူမှုကွန်ရက်စက်မျက်နှာက online ရောင်းချသူတွေလိုက်မေး ဆန်ဈေးမပြောထားဘူး cb လာဆိုပြီးပြလိုက်မဲ့ဈေး နှစ်သိန်းနားကပ်နေပြီဆန်ဈေးက မကျသွားဘူး"လို့ ရန်ကုန်မြို့က အခြေခံပြည်သူတစ်ဦးက ဆိုပါတယ်။  

စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာနက လစဉ်ထုတ်ပြန်ထားတဲ့ ဆန်ဈေးနှုန်းရည်ညွှန်ဈေးတွေကို  ဆန်စက်တွေ ၊ ဆန်အရောင်းဆိုင်တွေ၊ ဆန်ကုန်သည်တွေနဲ့ ဆန်လုပ်ငန်းရှင်တွေ အနေနဲ့ အေလးအနက်ထားလိုက်နာဆောင်ရွက်ရန် ဆိုပေမယ့် တစ်ကယ့်လက်တွေ့မှာတော့ သတ်မှတ်ဈေးနှုန်း တွေထက် ကျပ် ၃ သောင်းကနေ ကျပ် ၅ သောင်းအထိ ပိုမိုမြှင့်တင်ရောင်းချနေတာကို ဆန်ဆိုင်အများစုမှာကြုံတွေ့နေရတာပဲဖြစ်ပါတယ်။  

"ကျွန်တော်တို့ဆိုရင် သတ်မှတ်ဈေးအတိုင်းရောင်းမပေးနိုင်တဲ့ဆန်ဆိုရင် မရောင်းပေးပါဘူး။  ဖြစ်လာရင်လည်း မရှင်းနိုင်ဘူး။ ဆန်ဆိုင်အများစုက ရည်ညွှန်းဈေး အတိုင်ရောင်းဖို့ ဆိုရင် သူတို့ကိုက်ရင်ရောင်းတယ်။ မကိုက်ရင်ရောပစ်တာ။ အရည်အသွေးမမှန်ဘူးပေါ့။ ဒါပေမဲ့ဘာမှမဖြစ်ရင်တော်သေးတယ်။ ဖြစ်ရင်ဘောင်ချာနဲ့ရှင်းရမှာ ဒါကြောင့် မကိုက်ရင်မရောင်းတော့ဘူး။ တစ်ကယ်ဆန်ကောင်းလိုချင်ရင် တစ်ကယ်ဈေးကောင်းပေးရတယ်။ သတ်မှတ်ဈေးတွေနဲ့ရရင်တော့ အရည်သွေးမီမယ်မထင်ဘူး"လို့ ဆန်အရောင်းကိုယ်စားလှယ်တစ်ဦးက ဆိုပါတယ်။ 

စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာနက လစဉ်ထုတ်ပြန်ထားတဲ့ ဆန်ဈေးနှုန်းရည်ညွှန်ဈေးတွေက စက်တင်ဘာလအတွက် ဆန်ရည်ညွှန်းဈေးတွေကဧည့်မထ ၂၅ မှတ်ဆန်  ၂၄ ပြည် တစ်အိတ် ၇၈၀၀၀ ကျပ် ၊ ရွှေဘိုပေါ်ဆန်း ပထမတန်းစား ၂၄ ပြည် တစ်အိတ် ၁၅၀၀၀၀ ကျပ် ၊ ဧရာဝတီပေါ်ဆန်း ပထမတန်းစား ၂၄ ပြည် တစ်အိတ်ကို ၁၂၅၀၀၀ ကျပ်အသီးသီးသတ်မှတ်ထားတာဖြစ်ပါတယ်။

ပြင်ပပေါက်ဈေးမှာတော့  ရွှေဘိုပေါ်ဆန်း ပထမတန်းစား ၂၄ ပြည် တစ်အိတ် ၁၉၅၀၀၀ ကျပ် ၊ ဧရာဝတီပေါ်ဆန်း ပထမတန်းစား ၂၄ ပြည် တစ်အိတ်ကို ၁၆၀၀၀၀နဲ့  မန္တလေးဘက် မဂျမ်းတော ၂၄ပြည်တစ်အိတ်လျှင် ၁၈၅၀၀၀ ကျပ်ပေါက်ဈေးနဲ့ ရောင်းချနေကြတာပဲဖြစ်ပါတယ်။

 


Related posts

Cover
အွန်လိုင်း​ဘဏ်အကောင့်တွေ အကြောင်းမဲ့အပိတ်ခံနေရတာကြောင့် လုပ်ငန်းအတွက် အသုံးပြုသူတစ်ချို့ စိုးရိမ်​နေရ
Sep 18, 2024
Cover
မြန်မာမှာ လူဦးရေ ၆ သိန်းကျော်ရေဘေးသင့်ခဲ့တယ်လို့ ကုလသမဂ္ဂရုံး OCHA myanmar ထုတ်ပြန်
Sep 17, 2024
Cover
ရန်ကုန်မြစ်အတွင်း ထူးကဲဒီရေ အခြေခံရေစစ်မျဉ်းအထက် ပေ ၂၀ မှ ၂၁ပေ အထိ မြင့်တက်နိုင်တယ်လို့ ဆိပ်ကမ်းအာဏာပိုင်သတိပေးထား
Sep 17, 2024
Cover
လွိုင်ကော်ဒေသ ရေကြီးနစ်မြုပ်မှု သွားရောက်ကူညီမယ့်သူတွေ ထောက်ခံစာပါမှ ဝင်ခွင့်ပြုမယ်လို့ဆို
Sep 16, 2024
Cover
အင်လေးရေကြီးမှု လူသေဆုံးတာအပြင် ဒေသထွက်ကုန် ခရမ်းချဥ်သီး ပိဿာချိန်များစွာဆုံးရှုံး
Sep 16, 2024
Cover
ရမည်းသင်းမြို့နယ်၊ သပြေပင်ကျေးရွာတွင် နယ်ခံ ၂၅ ဦးခန့် အပါဝင်​ရွှေ့​ပြောင်းလုပ်သား ၁၀၀ ဝန်းကျင် ​သေဆုံးတယ်လို့ ​ဒေသခံဆို
Sep 16, 2024
Cover
မြို့နယ် ၅၆ မြို့နယ်မှာရေကြီးမှု​ကြောင့် ပြည်သူရာနဲ့ချီ ​သေဆုံး ၃ သိန်း​ကျော်​​ရေဘေးသင့်
Sep 16, 2024
Cover
တောင်ငူတွင် ရေကြီးနစ်မြုပ်မှုကြောင့် ပိတ်မိနေသည့် ပြည်သူတစ်ထောင်ကျော်ရှိနေ
Sep 14, 2024