မြန်မာနိုင်ငံမှာကိုဗစ်-19 ကူးစက်ရောဂါစဖြစ် ကတည်းကချမှတ်ထားတဲ့ကိုဗစ်ရောဂါကာကွယ်ရေးစည်းမျည်းစမ်းကမ်းများကိုအကြောင်းပြပြီး အလုပ်သမားတွေအပေါ်လစာများဖြတ်တောက်နေတဲ့အတွက် Alpha ECC Myanmar Private Limited စက်ရုံမှ အလုပ်သမားတွေအနေနဲ့စားဝတ်နေရေးအတွက်အဆင်မပြေဖြစ်နေကြရတယ်လို့သိရပါတယ်။

Alpha ECC Myanmar Private Limited စက်ရုံဟာရန်ကုန်တိုင်း၊ ဒဂုံဆိပ်ကမ်းမြို့နယ်၊ စက်မှု့ဇုန်ထဲက ကွမ်းအစ်မင်းသားကြီးလမ်းမှာလုပ်သားဦးရေ ၁၀၀ နီးပါးနဲ့လည်ပတ်လုပ်ကိုင်နေတဲ့ဗီယက်နမ်နိုင်ငံသားပိုင်စက်ရုံတခုလဲဖြစ်ပါတယ်။

"ကိုဗစ်ပြသနာစဖြစ်ထဲကဖြတ်တာထားတော့ခုကိုဗစ်စည်းကမ်းလဲဖျက်ထားပြီ အဲ့ဒါကိုရည်ရွယ်ချက်ရှိရှိနဲ့ လစဥ် stay at home ထားပြီး၇၀ ရာခိုင်နှုန်းလောက်ဖြတ်နေတာ ဥပမာဗျာတလကိုဒေါ်လာသုံးရာရတဲ့ဝန်ထမ်းကို သူတို့ကနှစ်ရာလောက်ပဲပေးချင်ရင်အဲ့လကိုခုနှစ်ရက်လောက်အိမ်ကနေအလုပ်လုပ်ခိုင်းပြီးဖြတ်တာ ပိုဆိုးတာကအခြေခံဝန်ထမ်းတွေကိုခြောက်လခုနှစ်လလောက်လုပ်မခေါ်ပဲလစာသုံးဆယ်ရာခိုင်နှုန်းပေးတာ"လို့အဆိုပါစက်ရုံမှဝန်ထမ်းတဦးကပြောပါတယ်။

၄င်းစက်ရုံမှာ ဗီယက်နမ် ၄၀% ၊ အိန္ဒိယ ၂၀%  ၊ မြန်မာ ၂၀% ဖြင့် တည်ထောင် ဖွဲ့စည်းထားပြီး ယခု လက်ရှိ စက်ရုံ တွင် အစစ အရာရာ  ညွှန်ကြားအုပ်ချုပ် စီမံ ခန့်ခွဲ နေသူမှာ ဗီယက်နမ် လူမျိုး GM ဖြစ်တယ်လို့သိရပါတယ်။

"စာချုပ်ထဲမှာတနှစ်ကိုခွင့်၁၂ရက်ခံစားခွင့်ပါတယ် အဲ့ဒါကိုHR/Admin ဆီတင်တယ် ဗီယက်နမ် GM ကမပေးဘူးဆိုပြီးလစာဖြတ်တယ် နှစ်ကုန်ရင်လည်း ခွင့်လက်ကျန်ခံစားခွင့်မပေးဘူးလို့ပြောတယ် ဒီနိုင်ငံရေးမကောင်းတဲ့ကာလမှာအလုပ်သမားတွေအပေါ်ခေါင်းပုံဖြတ်တာပိုဆိုးဝါးလာပြီ"လို့အလုပ်သမားတဦးကထပ်ပြောပါတယ်။

လက်ရှိမှာ Alpha ECC Myanmar Private Limited စက်ရုံမှအလုပ်သမားများအနေနဲ့
လုပ်ခ လစာများကို စာချုပ်ပါအတိုင်း လကုန်ပြီး ၅ ရက်နေ့ နောက်ဆုံး ပေးချေပေးဖို့၊
ခွင့်ခံစားခွင့်နှင့် ပတ်သတ်၍ တည်ဆဲ ဥပဒေနှင့်အညီ အလုပ်သမား စာချုပ်ပါ အတိုင်း ခံစားခွင့်ပေးဖို့နဲ့
ကိုဗစ်အားအကြောင်းပြ၍ ၀န်ထမ်းများအပေါ် နှိပ်ကွပ်ထားသော stay at home/ work from home အစီအစဥ်အား အစိုးရ သတ်မှတ်ထားသော ဥပဒေနှင့်အညီ ပယ်ဖျက်ပေးသွားဖို့ကိုလိုလားတောင်းဆိုနေကြပါတယ်။