ကျွန်တော်က Alpine သောက်ရေသန့်က ဝန်ထမ်းပါ။

သင်္ကြန်ငါးရက်(အကြို၊အကျ၊အကြတ်၊အတက်၊နှစ်ဆန်းတရက်)ကို ဖိအားပေးပြီး အချိန်ပို ဆင်းခိုင်းနေလို့ပါ။

ဘယ်ကို အကူအညီတောင်းလို့ ရနိုင်လဲ ။

ဒီ ဧပြီလ ရဲ့ တနင်္ဂနွေနေ့ကလဲ အချိန်ပိုဆင်းပေးထားပါတယ်။

သင်္ကြန်ငါးရက်ကိုလဲ အချိန်ပိုဆင်းဖို့ဖိအားပေးနေတာပါ။

အချိန်ပိုမဆင်းရင် နောက်ပိုင်း လစာတိုးတာ ရာထူးတိုးတာတွေကို ခံစားခွင့်မရှိဘူးလို့ ဖိအားပေး နေတာပါ။

ဝန်ထမ်းတွေက နယ်ကလူတွေများတော့ တချို့ဆို ပိတ်ရက်ပြန်ဖို့ ကားလက်မှတ်တွေတောင်

ဝယ်ပြီးနေပါပြီ။

ဝန်ထမ်းတွေတော်တော် အခက်တွေ့ နေလို့ပါ။

အချိန်ပို OT ဆင်းဖို့ အလုပ်သမားရုံးကို အလုပ်ဆင်းပေးဖို့လက်မှတ် တင်တော့လည်း

ဧပြီ ၁၈၊ ၀၁၉၊ ၂၀၊ ၂၁ ရက်တွေနဲ့ ရောပြီး သင်္ကြန်ပိတ်ရက်ဆိုပြီး ခေါင်းစဉ်နဲ့ လက်မှတ်ထိုး ခိုင်းခဲ့ပါတယ်။

OT မဆင်းရင် အလုပ်ပြုတ်မှာကြောက်လို့ ဝန်ထမ်းများ အခက်အခဲတွေ့ နေလို့ပါ။

မြန်မာအလုပ်သမား အားလုံးရဲ့အိပ်မက်ဟာ သင်္ကြန်ပိတ်ရက်ပါပဲ။

တနှစ်လုံးပင်ပန်းသမျှ ဒီပိတ်ရက်ရှည်မှာပဲ ပြည့်ပြည့်ဝဝ အနားယူရတာ ပါ။ ကျေးဇူးပြုပြီး ကူညီပေးပါ။

အဓိကဖိအားပေးနေတာတော့ သူဌေးပါပဲ။

သူ့ကို မလွန်ဆန်နိုင်တဲ့ မန်နေဂျာ၊စက်ရုံမှူးများကလဲ အလုပ်ဆင်းဖို့ ထက်အောက် ဖိအားပေးနေတာပါ။

မြန်မာပြည်သူဝန်ထမ်းများ အခက်အခဲတွေ့နေချိန်မှာ အလုပ်သမားများဘက်မှ ထောက်ခံတဲ့ Media တခုမလို့ Myanmar Labour News ကို ယုံကြည်ပါတယ်။