NEWS

တစ်လလုံး ပိတ်ရက်မရှိ ခိုင်းစေနေလို့ မြန်မာအလုပ်သမားတွေအခက်အခဲဖြစ်နေ

CoverLogo
442 Views
 
တရုတ်နိုင်ငံသားပိုင် ကျင်မိန်အထည်ချုပ်စက်ရုံမှာ အထည်အရေးကြီးပါက အောလင်း၊ အောနိုက်များ ခေါ်ယူတဲ့ အပြင် တစ်လလုံးအတွက် သတ်မှတ်ထားတဲ့ ပိတ်ရက် (၂) ရက်ကိုပါ ပိတ်မပေးဘဲ အလုပ်ခိုင်းစေနေတယ်လို့ စက်ရုံ အလုပ်သမားတွေက MLN ကို ပြောပါတယ်။
ဒီစက်ရုံကိုတော့ တရုတ်နိုင်ငံ ၊ မန်စီမြို့မှာ ဖွင့်လှစ်ထားတာဖြစ်ပြီး အလုပ်သမားအင်အား (၄၀၀) ကျော်နဲ့ လုပ် ငန်း လည်ပတ်နေတာဖြစ်ပါတယ်။
လုပ်ငန်းခွင်တွင်းမှာ သမဂ္ဂဖွဲ့စည်းထားတာမရှိဘဲ ချိုးဖောက်မှုတွေ လုပ်ဆောင် နေကာ Macondo အမှတ်တံဆိပ်ကို ချုပ်လုပ်နေတာ ဖြစ်ပါတယ်။
“မြန်မာနိုင်ငံက အလုပ်လာလုပ်တဲ့ အလုပ်သမားတွေကို အထည်စံချိန်တွေ မတရားတောင်းခံပါတယ်။ စက်လိုင်း တစ်လိုင်းမှာ လူက(၄၈) ယောက်ကနေ (၅၀) လောက်ထိ ရှိပါတယ်။ အဲဒါကို တစ်နာရီ အထည်စံချိန်က လိုင်းပေါက် အထည် (၃၀) ကနေ (၃၅) ထိ တောင်းပါတယ်။ ချုပ်ရတာက အနွေးထည်အပါးသားတွေဖြစ်ပြီး လက်ဝင်ပါတယ်။ ချုပ်ရတာခက်တော့ အလုပ်ရှင်တောင်းတဲ့စံချိန် မရပါဘူး။ အလုပ်ရှသက် စံချိန်မပြည့်ရင် ပြန်မလွှတ်ပါဘူး။ အောလင်း၊ အောနိုက်တွေ ဆက်ဆင်းပြီး စံချိန်မပြည့်မချင်း ချုပ်ရပါတယ်။ စက်ရုံက တစ်လမှာ (၂) ရက်ပိတ်ပေ မယ့် အထည်အရေးကြီးရင် ပိတ်ရက် (၂) ရက်ကို မနားရဘဲ အချိန်ပိုအိုတီ ဆင်းရပါတယ်။ အလုပ်သမားတွေက ပိတ် ရက်ကမရှိ၊ နေ့တွေ၊ညတွေဆိုလည်း အောလင်း၊ အောနိုက်တွေ ဆင်းနေရတော့ အိပ်ရေးပျက်ပြီး ကျန်းမာရေး ထိခိုက်တဲ့အထိ ဖြစ်လာပါတယ်”လို့ စက်ရုံအလုပ်သမားတစ်ဦးက ပြောပါတယ်။
လုပ်ခလစာအနေနဲ့ တရုတ်ငွေ ၁၆၄၀ ယွမ်ပေးချေပြီးမြန်မာငွေနဲ့ တွက်ချက်ပါက လစာကျပ် (၁၀) သိန်း ရက်မှန် ကြေး (၁၂၀၀၀၀)ကျပ်၊ A အဆင့်ကို (၁၈၀၀၀၀) ကျပ်၊ B အဆင့်ကို (၁၂၀၀၀၀) ကျပ်နဲ့ C အဆင့်ကို (၆၀၀၀၀) ကျပ် ပေးချေနေတာ ဖြစ်ပါတယ်။
“တစ်လလုံးနားရက်မရှိဘဲ အချိန်ပိုအိုတီတွေ မတရားဆင်းမှာ လစာက (၁၅) သိန်းလောက်ပဲ ရတယ်။ ထမင်းကို တော့ အလုပ်ရှင်က ကျွေးပါတယ်။ သူတို့ကျွေးတဲ့ထမင်းက အဆင်မပြေပါဘူး။ ဟင်းချက်တာက အသီးအရွက်ပဲ ချက်ပြီး ဆီမပါဘဲချက်ကျွေးပါတယ်။ ပြောမယ်ဆို ထမင်းစားသောက်ရတာလည်း အဆင်မပြေပါဘူး။ လုပ်ခလစာ ကလည်း လုပ်သလောက် မှန်မှန်ကန်ကန် မရပါဘူး” လို့ အလုပ်သမားတစ်ဦးက ပြောပါတယ်။
စက်ရုံအလုပ်သမားတွေအနေနဲ့ နစ်နာမှုတွေကို ကူညီဖြေရှင်းပေးဖို့ မြန်မာနိုင်ငံ ကုန်ထုတ်နှင့်စက်မှုလက်မှု အလုပ်သမားများအဖွဲ့ချုပ် (IWFM) ကို ဆက်သွယ် အကူအညီ တောင်းခံထားတာ ဖြစ်ပါတယ်။
အလုပ်သမားတွေ အနေနဲ့ အလုပ်သမားတွေ ချုပ်လုပ်နိုင်တဲ့ အထည်စံချိန်ကို တောင်းခံဖို့၊ အချိန်ပိုအိုတီတွေကို အောလင်း၊ အောနိုက် မခေါ်ဖို့၊ အလုပ်ပိတ်ရက်တွေကို ပိတ်ပေးဖို့နဲ့ လုပ်ခလစာတွေကို မှန်ကန်စွာ တွက်ချက်ပေးဖို့ လိုလားနေတာပဲ ဖြစ်ပါတယ်။

Related posts

Cover
အာမခံလုပ်သား သားသမီး ပညာသင်စရိတ်ထောက်ပံ့ငွေ စက်တင်ဘာ ၁၆ ရက်နောက်ဆုံးထားလျှောက်ရမည်ဟုဆို
Aug 26, 2025
Cover
ပုလိပ်ဖြင့်ဖမ်းခိုင်းမည်ဟုခြိမ်းခြောက်ပြီး လုပ်အားခမပေးဘဲ အလုပ်လုပ်ခိုင်း
Aug 26, 2025
Cover
နယ်စပ်ဖြတ်ကျော်လာပြီး တောထဲတွင် ပုန်းအောင်းနေသည့် မြန်မာလုပ်သား ၁၀၀ ဦးအဖမ်းခံရ
Aug 26, 2025
Cover
လုပ်ခလစာမပေးဘဲ အလုပ်ကနေထုတ်ပယ်လို့ အလုပ်သမားတွေအခက်တွေ့နေရ
Aug 25, 2025
Cover
Sunrise အထည်ချုပ်စက်ရုံ နေ့စဉ် အချိန်ပိုတွေအပြင် နားရက်မရှိ လုပ်ကိုင်နေရ
Aug 24, 2025
Cover
LAT WAR (3) အထည်ချုပ် အချိန်ပို အလွန်အကျွံခေါ်၊ စစ်ဆေးရေးအဖွဲ့ ရုံးခန်းဝင်ပြီး ပြန်
Aug 23, 2025
Cover
Teng Hui Myanmar Knitting သိုးမွှေးထည်စက်ရုံ အလုပ်သမားများ အလုပ်ပျက်ဆိုပြီး အထုတ်ခံရ
Aug 23, 2025
Cover
ဖူးခက် လ၀က အချုပ်ခန်းတွင် မြန်မာအမျိုးသမီးတစ်ဦး ကြိုးဆွဲချသေဆုံး
Aug 22, 2025