ထိုင်းနိုင်ငံ ချွန်ဘူလီ စီလချာ မြို့တွင် အထောက်အထားမပြည့်စုံတဲ့ မြန်မာအလုပ်သမားတွေ ကို အထောက်အထားစာရွက်စာတမ်းတွေပြုလုပ်ပေးမယ် ဆိုကာ ငွေကြေး လိမ်လည်သွားတဲ့ ပွဲစားကို မြို့နယ်ရဲစခန်းမှာ အမှုဖွင့်တိုင်ကြားထားတယ်လို့အလုပ်သမားအရေးဆောင်ရွက်ပေးနေတဲ့ WAG မဟာမိတ်အဖွဲ့ ထံ မှ သိရပါတယ်။
ပွဲစားဆိုသူ မြန်မာနိုင်ငံသားက မြန်မာအလုပ်သမား ၁၀ ဦး ထံမှ ဘတ်၁၃၀၀၀ နဲ့အတူ ပါတ်စပို့စာအုပ်တွေကို ယူသွားပြီး စာရွက်စာတမ်း ကိစ္စ ဆက်မလုပ်ပေးဘဲ နေ့ည ရွှေ့နေတဲ့ အတွက် အလုပ်သမားတွေက WAG အလုပ်သမားမဟာမိတ်အဖွဲ့ ကိုဖြေရှင်းပေးဖို့ အကူညီတောင်းခံခဲ့ရာ ဩဂုတ် ၁၄ ရက်က အလုပ်သမားတွေနဲ့အတူ စီလချာ နောင်ခမ်း ပုလိပ်ရုံး တွင် ပွဲစားရဲ့ ပတ်စပို့နဲ့ ဘဏ်စာအုပ် နံပတ်အချက်အလက် ကိုယူဆောင်ကာ သွားရောက် အမှုဖွင့်ခဲ့တယ်လို့ သိရပါတယ်။
အခုလို အမှု ဖွင့်ခဲ့တဲ့ အတွက်ဩဂုတ်လ ၁၉ ရက်မှာ ယင်းပွဲစားက ပလိပ်ရုံးကို လာရောက်ပြီး အလုပ်သမားတွေရဲ့ ပတ်စပို့ ကိုပြန်လည်ပေးကြောင်းသိရပါတယ်။
"ပိုက်ဆံ ပြန်မပေးသေးတဲ့ အတွက် အမှုကိုတော့ ပြန်မပိတ်သွားသေးဘူး နောက်ဆို ပွဲစားနဲ့ အလုပ်စမတ် မယ်ဆိုရင် အရင်ဆုံး ပွဲစားရဲ့ ပါတ်စပို့ ဘဏ်နံပတ် အချက်အလက်အရင်တောင်းပါ ဘဏ်နံပါတ်ထဲက နာမည်နဲ့ ပတ်စပို့ ထဲက နာမည်တူ မှ ငွေလွှဲပေးကြပါ ပွဲစားရဲ့ အချက်အလက်အပြည့်စုံယူထားမှ ငွေလိမ်လည်ခံရတဲ့ အခါ အခုလိုမျိုး အမှုဖွင့်တိုင်ကြားရတာ လွယ်ကူပါတယ်""လို့ WAG မဟာမိတ်အဖွဲ့ မှတာဝန်ရှိသူကပြောပါတယ်။
ယခုကဲ့သို့ ထိုင်းရောက် အထောက်ထားမပြည့်စုံတဲ့ မြန်မာအလုပ်သမားတွေကိုပွဲစားတွေ က စာရွက်စာတမ်းပြုလုပ်ပေးမယ်ဆိုကာ လိမ်လည်တာ တွေ မကြာခဏ ဖြစ်ပွားလျက်ရှိတယ်လို့ သိရပါတယ်။
