မြန်မာအလုပ်သမား ၁၅၀၀ ခန့် သွားရောက်လုပ်ကိုင်နိုင်မည့် ဂျပန်နိုင်ငံရှိ ကုမ္ပဏီ ၃၆၉ ခုမှ အလုပ်ကမ်းလှမ်းစာ တွေကို စိစစ်ထားတယ်လို့ မြန်မာသံရုံး၊ တိုကျိုက ဇွန် ၁၄ ရက်မှာ ထုတ်ပြန်ထားပါတယ်။
ဂျပန်ကုမ္ပဏီ ၃၆၉ ခုမှ မြန်မာအလုပ်သမား အမျိုးသား ၅၀၀ ကျော် အမျိုးသမီး ၁၀၀၀ ကျော် စုစုပေါင်း ၁၅၀၀ ကျော်ခေါ်ယူသွားမည်ဖြစ်ပြီး မြန်မာသံရုံး၊ တိုကျိုမြို့အနေဖြင့် အလုပ်သမားဝန်ကြီးဌာနက နိုင်ငံခြားရေးဝန်ကြီးဌာနမှတစ်ဆင့် ပေးပို့လာသည့် အလုပ်ကမ်းလှမ်းစာ ( Demand Letter ) များကို စိစစ်ဆောင်ရွက်ရာတွင် ဂျပန်နိုင်ငံရှိ အလုပ်သမားကြီးကြပ်ရေးကုမ္ပဏီနှင့် အလုပ်ခေါ်ယူသည့် စက်ရုံ/ ကုမ္ပဏီများသည် ဂျပန်နိုင်ငံတွင် တရားဝင်တည်ထောင်ထားခြင်း ရှိ/ မရှိ စာရွက်စာတမ်း အထောက်အထားများစိစစ်ပြီး စိစစ်တွေ့ရှိချက်များ၊ သဘောထားမှတ်ချက်များကို နိုင်ငံခြားရေးဝန်ကြီး ဌာန မှတစ်ဆင့် အလုပ်သမားဝန်ကြီးဌာနသို့ ပြန်လည်ပေးပို့ထားတယ်လို့ ဆိုပါတယ်။