NEWS

တရုတ်နိုင်ငံ မန််စီရဲစခန်းမှာ  ဖမ်းဆီးခံထားရတဲ့ မြန်မာ အလုပ်သမားကို ပြန်လွှတ်ပေးရေး လုပ်ငန်းခွင်ထဲက အလုပ်သမားတွေ တောင်းဆို

CoverLogo
309 Views
တရုတ်နိုင်ငံ မန််စီမြို့ ကျင့်မိန်အထည်ချုပ်စက်ရုံမှာ မြန်မာအလုပ်သမားတစ်ယောက်ကို ရဲစခန်းမှာဖမ်းဆီးထားတာကို ပြန်လွှတ်ပေးဖို့ လုပ်ငန်းခွင်အတွင်းက အလုပ်သမားတွေတောင်းဆိုနေကြပါတယ်။ 
 
အဲ့ဒီစက်ရုံမှာ အလုပ်သမား ၄၀၀ ကျော်နဲ့ macondo အမှတ်တံဆိပ်အထည်တွေချုပ်လုပ်တာလို့ သိရပါတယ်။ 
 
"ဧပြီလ ၄ ရက်နေ့က စက်ရုံရဲ့လုပ်ငန်းခွင်ချိုးဖောက်မှုတွေကို သတင်းဖော်ပြခံရပြီးနောက် စက်ရုံရဲ့ စီစီတီဗွီကို ပြန်ကြည့်တော့ ဓါတ်ပုံရိုက်နေတဲ့အလုပ်သမားတယောက်ကို တွေ့ပြီး အလုပ်ရှင်ကနေ ထောင်ချမယ်ဆိုပြီး ရဲစခန်းမှာဖမ်းဆီးထားပါတယ်"လို့ အလုပ်သမားကပြောပါတယ်။
 
လုပ်ငန်းခွင်အတွင်းမှာ ချိုးဖောက်မှုတွေ အမှန်တကယ်လုပ်ဆောင်နေတာဖြစ်ပြီး အစားအသောက်ကို ဖြစ်သလိုကျွေးတာ အချိန်ပိုအလွန်အကျွံခေါ်တာ ၊ ဆေးပေးခန်းမရှိတာ ၊ ကျန်းမာရေးကြောင့် ရက်ပျက်ပါက ဆူပူပြောဆိုပြီး ဝမ်တိန်လက်မှတ်ထိုးခိုင်းတာ တွေ ပြုလုပ်နေတာကြောင့် အလုပ်လုပ်ကိုင်ရတာ အခက်အခဲတွေ ကြုံနေရတယ်လို့ အဲ့ဒီစက်ရုံက အလုပ်သမားတွေကပြောပါတယ်။
 
"ဧပြီ ၈ ရက်နေ့က တရုတ်ရဲ တယောက်နဲ့ စက်ရုံမှူးက အလုပ်သမားတွေကို မီတင်ခေါ်ပြီး စက်ရုံမှာ အလုပ်မလုပ်ချင်ရင် မြန်မာနိုင်ငံပြန်မယ်ဆိုရင် ၁၀ ယောက််တဖွဲ့ပြန််ဆိုပြီးပြောတယ် အကြွေးမကျေသေးရင် ပြန်လို့မရဘူး အကြွေးကျေ အောင်လုပ်ပေးပြီးမှပြန်လို့ရမယ်ပြောတယ် အခုဆိုရင် CCTV ကနေ ကြည့်ပြီး မသင်္ကာရင် ရဲလက်အပ်မယ်ဆိုပြီး ခြိမ်းခြောက်နေတယ်"လို့ အမည်မဖော်လိုတဲ့ အလုပ်သမားကပြောပါတယ်။
 
လက်ရှိမှာတော့ အဖမ်းခံထားရတဲ့အလုပ်သမားကို ပြန်လွှတ်ပေးဖို့ စက်ရုံက အလုပ်သမားတွေ တောင်းဆိုနေပါတယ်။
 
ဖမ်းဆီးခံထားရတဲ့အလုပ်သမားကို စက်ရုံအလုပ်သမားတွေနဲ့ တွေ့ခွင့်မပေးတဲ့အပေါ်  စိုးရိမ်နေရတယ်လို့ လည်း ကျန်အလုပ်သမားတွေကပြောပါတယ်။
 
"ရိုက််နှက်ထားမှာလည်း စိုးရိမ်တယ်" လို့ အမည်မဖော်လိုတဲ့ မြန်မာအလုပ်သမားတစ်ဦးကပြောပါတယ်။
 

Related posts

Cover
လုပ်ခလစာမပေးဘဲ အလုပ်ကနေထုတ်ပယ်လို့ အလုပ်သမားတွေအခက်တွေ့နေရ
Aug 25, 2025
Cover
Sunrise အထည်ချုပ်စက်ရုံ နေ့စဉ် အချိန်ပိုတွေအပြင် နားရက်မရှိ လုပ်ကိုင်နေရ
Aug 24, 2025
Cover
LAT WAR (3) အထည်ချုပ် အချိန်ပို အလွန်အကျွံခေါ်၊ စစ်ဆေးရေးအဖွဲ့ ရုံးခန်းဝင်ပြီး ပြန်
Aug 23, 2025
Cover
Teng Hui Myanmar Knitting သိုးမွှေးထည်စက်ရုံ အလုပ်သမားများ အလုပ်ပျက်ဆိုပြီး အထုတ်ခံရ
Aug 23, 2025
Cover
ဖူးခက် လ၀က အချုပ်ခန်းတွင် မြန်မာအမျိုးသမီးတစ်ဦး ကြိုးဆွဲချသေဆုံး
Aug 22, 2025
Cover
ပြည်ပရောက်မြန်မာနိုင်ငံသားတွေ ကြိုတင်မဲ ပေးလိုပါက ကိုယ်ရေးအချက်အလက် အပြည့်စုံ ဖေါ်ပြပြီး မြန်မာသံရုံး ကိုပေးပို့ တောင်းဆိုနိုင်ဟုဆို
Aug 22, 2025
Cover
SHWE MYINN ရေလျှော်စက်ရုံ အချိန်ပို ညလုံးပေါက် လုပ်ကိုင်ခိုင်း
Aug 22, 2025
Cover
Chi Mei အထည်ချုပ် အချိန်ပို အတင်းအကျပ် ခိုင်းစေ
Aug 22, 2025