ထိုင်းနိုင်ငံ၊ စမူပကန်မြို့က မွှေ့ယာထုပ်လုပ် တဲ့ စက်ရုံတခု မှာ အလုပ်လုပ်နေ တဲ့ မြန်မာရွှေ့ပြောင်း အလုပ်သမားတွေကို အလုပ်ရှင်က စက်ရုံပိတ်တော့မယ်ဆိုကာ နစ်နာကြေးမပေးဘဲ အလုပ်ဖြုတ်ပစ်မယ်ပြောခဲ့တယ်လို့ အလုပ်သမားတွေထံက သိရပါတယ်။
မြန်မာအလုပ်သမား အမျိုးသား( ၁၁ )ဦး ၊ အမျိုးသမီး(၄ )ဦးတို့ဟာ စက်ရုံ မှာ အနည်းဆုံး တစ်နှစ်ခွဲ မှ ၇ နှစ်ခွဲအထိ လုပ်သက်ရှိတယ်လို့ သိရပါတယ်။
မတ်လ ၂၅ရက်နေ့ကစပြီး စက်ရုံ ပိတ်မယ်လို့ဆိုကာ သူဌေးဘက်က ပြောကြားလာပြီး မြန်မာရွှေ့ပြောင်းအလုပ်သမားတွေ ကို နစ်နာကြေးမပေးဘဲ အလုပ်ဖြုတ်မယ်လို့ ပြောလာတဲ့ အတွက် မြန်မာရွှေ့ပြောင်း အလုပ်သမားတွေက WAG အလုပ်သမား မဟာမိတ်အဖွဲ့ကို အကူညီတောင်းခံခဲ့တယ်လို့ ဆိုပါတယ်။
အခုလို နစ်နာကြေးမပေးဘဲ အလုပ်ဖြုတ်တဲ့ အပေါ် မကျေနပ်တဲ့ အတွက် ထိုက်သင့်တဲ့ နစ်နာကြေးရရှိဖို့ အလုပ်သမားတွေနဲ့ အတူ WAG အလုပ်သမားအဖွဲ့ က နယ်မြေခံ မြို့နယ်ဆဝါဒီကန်ရုံး(အလုပ်သမားရုံး)ကို မတ်လ ၁၇ ရက်မှာ သွားရောက်တိုင်ကြားခဲ့တယ်လို့ သိရပါတယ်။
Myanmar Labour News ရဲ့ နောက်ဆုံးရအလုပ်သမားရေးရာ သတင်းတွေကို
