ထိုင်းနိုင်ငံမှာ ဝင်ရောက်လုပ်ကိုင်နေကြတဲ့ မြန်မာအလုပ်သမားတွေကို ထုတ်ပေးနေတဲ့
မည်သူမည်ဝါဖြစ်ကြောင်း သက်သေခံ အထောက်အထားလက်မှတ် (Certificate of Identity = CI)) စာအုပ်ထုတ်ပေးရေးရုံး ၈ ခုအနက်မြန်မာစခန်းနှစ်ခုကို ပိတ်သိမ်းလိုက်တယ်လို့ သိရပါတယ်။
"CI ထဲထည့်ပေးမဲ့ဗီဇာ သက်တမ်းနဲ့ ပန်းရောင်ဘတ် သက်တမ်းကအတူတူပဲပိုက်ဆံနည်းနည်းပိုကုန်မယ်အရင်က အနီးစပ်ဆုံး CI စခန်းကိုသွားရမဲ့စျေးကို ပွဲစားကတွက်ယူထားပြီးသား။ အခုက နည်းနည်းပိုဝေးမဲ့မြို့ကိုသွားလုပ်ရရင် လမ်းစရိတ်နည်းနည်းပိုတက်လာမယ်လေရတဲ့မြို့ကို တက်လုပ်ကြမှာပဲ။ မလုပ်ဘဲနေကြသူလည်းအများကြီး။ ပွဲစားစျေးက ၆၅၀၀၊ ၇၀၀၀လောက်ကျတယ်။ မလုပ်ရင်အခြားနယ်မြေ သွားရခက်တယ်အခုအချိန်အထိ CI မလုပ်ပဲ နေသူတွေလည်းရှိတယ်။ CIက ပြည်တွင်းပြန်ဝင်ဖို့ ထိုင်းကအခြားမြို့နယ်သွားဖို့ပဲရတာ"လို့ ထိုင်းရောက်မြန်မာအလုပ်သမားရေးဆောင်ရွက်သူက ဆိုပါတယ်။
လက်ရှိမှာ CI စခန်းနှစ်ခုကိုပိတ်သိမ်းလိုက်လို့ အလုပိသမားတွေအတွက် ကြီးကြီးမားမားပြဿနာမရှိပေမဲ့လည်း CI ပြုလုပ်မဲ့သူတွေက အခြားမြို့နယ်တွေကိုသွားရောက်လုပ်ရာမှ ခရီးစရိတ်ပိုမိုကုန်ကျတာကြောင့် ယခင်ထက်ကုန်ကျစရိတ်ပိုမိုများလာနိုင်တယ်လို့ သိရပါတယ်။
ထိုင်းနိုင်ငံအစိုးရက CI စခန်းတွေကိုပိတ်သိမ်းဖို့ ဇွန် ၁၆ ရက်က ညွှန်ကြားလာတာကြောင့်
ဆုန်ခလာခရိုင်နဲ့ နခွန်စဝမ်ခရိုင်မှာရှိတဲ့ CI စခန်းတွေကို ပိတ်သိမ်းလိုက်တာဖြစ်ပြီး အခြားမြို့နယ်တွေမှာရှိနေတဲ့ စခန်း၆ခုကိုတော့ ဇွန် ၁၉ ရက်ကစပြီး ပုံမှန်အတိုင်း ပြန်လည်ဖွင့်လှစ်ပေးထားတယ်လို့သိရပါတယ်။
"CI က တရားဝင် ဗီဇာထုတ်ပေးမယ်။ သွားလို့ လာလို့ ရမယ်။ အချိန်မရွှေး ဘယ်သွားသွား သွားလို့ရတယ်။ နောက် တခုက အိမ်ပြန်မယ်ဆိုရင်လည်း ရတယ်”လို့ ထိုင်းရောက်မြန်မာအလုပ်သမားတစ်ဦးကဆိုပါတယ်။
ထိုင်းရောက်မြန်မာအလုပ်သမားတွေကို ပန်းရောင်ကတ်ထုတ်ပေးတာကြောင့် CI စာအုပ်ဆက်လက်ထုတ်ပေးမှုကို ၂၀၁၆ ခုနစ် နိုဝင်ဘာလလယ်က စတင်ဆောင်ရွက်ခဲ့တာဖြစ်ပါတယ်။