NEWS

YUN NANXIN JLAHAO အထည်ချုပ် အချိန်ပိုကြေးများ ဖြတ်တောက်နေ

CoverLogo
375 Views
 
တရုတ်နိုင်ငံ၊ ရန်ကျန်းမြို့ အခြေစိုက် YUN NANXIN JLAHAO Garment စက်ရုံက အချိန်ပိုလုပ်ကိုင်ခိုင်းပြီး အချိန်ပိုကြေးတွေ ဖြတ်ယူနေတယ်လို့ အလုပ်သမားတွေက ပြောပါတယ်။ တောင်းခံထားတဲ့ အထည်စံချိန် မပြည့်လို့ဆိုပြီး အချိန်ပိုကြေး တဝတ်ကို ဖြတ်တောက်နေတာလို့ အလုပ်သမားတွေက ပြောပါတယ်။
 
“အလုပ်ချိန် ည၈ နာရီအထိ အလုပ်ဆင်းရတယ်။ အချိန်ပို အိုတီကြေးကို တောင်းထားတဲ့ စံချိန်ပြည့်မှ ၅ ယွမ် ရပါတယ်။ ၊ စံချိန်မပြည့်ရင် ၂ ယွမ်ခွဲ ပဲ ရတာပါ။” လို့ ပြောပါတယ်။
 
စက်ရုံရဲ့ အလုပ်ဆင်းချိန် တက်ချိန်က မနက် ၈နာရီကနေ ည ၈နာရီအထိ နေ့စဥ်လုပ်ကိုင်ရတယ်လို့ အလုပ်သမားတွေကပြောပါတယ်။ စူပါ၊ စာရေးမအပါ လုပ်သား ၃၀ကျော်ရှိတဲ့ စက်လိုင်းတစ်လိုင်းကို အထည်စံချိန် တစ်နာရီ လိုင်းပေါက် အထည် ဂျာကင် ၃၅၀ အထိ တောင်းတယ်၊ အဲ့ဒီ အထည်အရေအတွက် မပြည့်တာနဲ့ အချိန်ပို လုပ်ကိုင်ခိုင်းတာ။" လို့
အလုပ်သမားတွေက ပြောပါတယ်။
 
အလုပ်သမားတွေ ခွင့်ရက် နားရက် မရသလို နေထိုင်မကောင်းလို့ စက်ရုံဆေးခန်းမှာ ပြသပါကလည်း ယွမ် ၂၀၀ အထိ ဖြတ်တောက်တယ်လို့ အလုပ်သမားတွေက ပြောပါတယ်။ အိုတီ နေစဉ်လုပ်ကိုင်ရလို့ အလုပ်သမားတွေ ပင်ပန်းတင့်အပြင် ကျွေးမွေးတဲ့ အစားအသောက်တွေလည်း အဆင်မပြေတာကြောင့် မကြာခဏ ဖျားနေတာတွေ ဖြစ်နေတယ်လို့ အလုပ်သမားတွေက ပြောပါတယ်။
 
“ ခွင့်လည်းမရဘူး၊ နေမကောင်းလို့ စက်ရုံဝန်းထဲက ဆေးခန်းကို စကားပြန်နဲ့ ဆေးခန်းပြရင်တောင် ယွမ် ၂၀၀ဖြတ်တယ်။ စက်ရုံမှာ ထမင်းကို ဂေါ်ဖီကြော်၊ ကြက်သား၊ ဝက်သား၊ ငါးပိချက် လို ဟင်းတွေကျွေးပါတယ်။ ဒါတွေကျွေးတယ်ဆိုပေမဲ့ အလုပ်သမားတွေ မစားနိုင်ကြဘူး။ တရိစ္ဆာန် အစာလို ဖြစ်နေတယ်။ မစားနိုင်တော့ အပြင်က ကိုယ့်ဘာသာ ဝယ်စားရတယ်။ ဒီလို နေတိုင်းဆို ဘယ်လိုမှ အဆင်မပြေဘူး။ ရေသောက်ရတာလည်း အဆင်မပြေဘူး။” လို့ ပြောပါတယ်။
 
အလုပ်သမားတွေ အလုပ် စဝင်စဉ်က လုပ်သက်တစ်နှစ်ပြည့်လို့ ပြန်လိုပါက မည်သည့် ကုန်ကျစာရိတ် မည်သည့် ငွေကြေးမှ မဖြတ်ဘူးလို့ ပြောထားပေမဲ့ နှစ်ပြည့်လို့ ပြန်မယ်ဆိုပါက ဆေးစစ်ခ၊ မိတ်ဆက်ကြေး၊ စကားပြန်ကြေး၊ ဓာတ်ပုံ ရိုက်ခ၊ အသက်အာမခံကြေး၊ အလုပ်သမားရုံး အတွက်ဆိုပြီး စုစုပေါင်း ယွမ် ၈၆၀ ဖြတ်တောက် ခံရတယ်လို့ အလုပ်သမားတွေက ပြောကြားထားပါတယ်။
 
YUN NANXIN JLAHAO Garment က တရုတ်နိုင်ငံ ရင်ကျန်းမြို့ စက်မှု့ဥယျာဥ် မှာ ဖွင့်လှစ်ထားပြီး အလုပ်သမားနဲ့ ၈၀၀ကျော်နဲ့ YOB YB YOB တံဆိပ်အထည်တွေ ချုပ်လုပ်နေတဲ့ တရုတ်နိုင်ငံသားပိုင် စက်ရုံဖြစ်ပါတယ်။

Related posts

Cover
အထောက်အထားမဲ့ မြန်မာလုပ်သားတင်ဆောင်လာသည့်ယာဉ် ဓါတ်တိုင် ဝင်တိုက်မိပြီး ယာဉ်ပေါ်ပါသူများ အဖမ်းခံရ
Oct 22, 2025
Cover
မလေးရှားတွင် ပြစ်ဒဏ်ကျခံပြီးသည့် မြန်မာလုပ်သား၆၀ကျော် ကို နေရပ်ပြန်ပို့
Oct 22, 2025
Cover
မလေးရှားတွင်ကျင်းပမည့် အာဆီယံထိပ်သီးအစည်းအဝေးကာလအတွင်း အထောက်အထားမဲ့ မြန်မာနိုင်ငံသားများ အသွားဂရုစိုက်ရန်သတိပေး
Oct 22, 2025
Cover
နိုင်ငံကူးလက်မှတ် အတု ဖြင့် ဝင်ရောက်လာသည့် မြန်မာလုပ်သား ၁၃ ဦးကိုထိုင်းရဲဖမ်းဆီး
Oct 21, 2025
Cover
ထိုင်းလဝက တံဆိပ်ခေါင်းအတုများ ပြုလုပ်ရောင်းချနေသောမြန်မာပွဲစားတစ်ဦးအဖမ်းခံရ
Oct 21, 2025
Cover
အယုဒ္ဓယရှိ ကားအပိုပစ္စည်းစက်ရုံမှ အကြောင်းမဲ့ အလုပ်ထုတ်ခံရသော မြန်မာလုပ်သား ၁၈ ဦးအတွက် နစ်နာကြေးတောင်းဆို
Oct 21, 2025
Cover
လုပ်ငန်းခွင်ထိခိုက်မှုကြောင့် လက်ပြတ်သွားသောမြန်မာလုပ်သားနှစ်ဦးလျော်ကြေးငွေရရှိရေးတိုင်ကြား
Oct 21, 2025
Cover
ဂျပန်ကုမ္ပဏီ ၁၀၀ ကျော်မှ မြန်မာလုပ်သား ၁၀၀၀ ခန့်ခေါ်ယူရန် ကမ်းလှမ်း
Oct 21, 2025