NEWS

Tha Shu (Myanmar) Glory Fashion ထမင်းစားဆောင် ကျပ်တည်း၊ စံချိန်မရလို့ တာဝန်ရှိသူများ ဆဲဆိုနေ

CoverLogo
600 Views
 
အကူညီ တောင်းပါတယ် ရှင့် ။
ကျွန်မက Tha Shu (Myanmar) Glory Fashion အထည်ချုပ်စက်ရုံက ဝန်ထမ်းအလုပ်သမားတဦးပါ။
စက်ရုံထဲက ထမင်းစားဆောင် လုံလောက်မှုမရှိလို့ ပါ။ ဓါတ်ပုံပါ ပေးပို့လိုက်ပါတယ်။ စက်ရုံမှာ စက်လိုင်း ၁၅ လိုင်းရှိပါတယ်။ တလိုင်းကို စက်ချုပ်လုပ်သား ၇၀ ဝန်းကျင်ရှိတော့၊ စက်ရုံမှာ လုပ်သား ၁၄၀၀ နီးပါးလောက် ရှိပါတယ်။
 
နဂိုကတည်းက ထမင်းစားဆောင်က စက်ရုံလုပ်သားတွေအတွက် အလုံအလောက်မှု မရှိပါဘူး။ အခုလည်း စက်ရုံပစ္စည်းတွေ ထပ်ထည့်ထားတော့ ပိုပြီးကျပ်ကျပ်တည်းတည်း စားသောက်နေရပါတယ်။ စက်ရုံထဲက သမံတလင်းမှာ နေ့လယ်စာကို ချစားသူတွေလည်း ရှိပါတယ်။ တချို့နေရာတွေက ထမင်းစားလို့ မသင့်တော်တဲ့ နေရာတွေမှား စားနေရတာပါရှင့် ။
 
သောက်သုံးရေတွေကလည်း သန့်ရှင်းမှုမရှိပါဘူးရှင့် ။ ရုံထဲက စက်တွင်းရေကို ပုံးတွေထဲထည့်ပြီး ပိုက်လိုင်းကနေ တဆင့် သောက်ရတာပါ။ အနည်တွေ ပါတာနဲ့ အောက်နံ ရတာ အဲလို မသန့်ရှင်းတဲ့ ရေကို သောက်နေရပါတယ်။ အိမ်ကနေ ရေယူလာပြီးသောက်ပါတယ်။ ဒါပေမဲ့ စက်ရုံထဲကို ရေယူခွင့်မရပါဘူး။ ဒါကြောင့် ယူလာတဲ့ ရေကို အပြင်ထွက် သောက်ခိုင်းပါတယ်။
 
စက်ရုံအပြင်ထွက်ပြီး ရေသောက်လို့ ကြာရင်လည်း လိုင်းမန်နေဂျာ၊ အောစူပါနဲ့ ဆူပါတွေက ဆဲဆိုပါတယ်။ စံချိန်မပြည့်တာတွေနဲ့ ရောပြီး ပြောဆိုပါတယ်။ ဆဲရင် အများရှေ့မှာ အရှက်ရအောင် ခန္ဓာကိုယ် အစိတ်ပိုင်းတွေ၊ -ာ စကားနဲ့ ေ-ာက် စကားလုံးတွေ နဲ့ ဆဲဆိုပါတယ်။ တခါတရံ စက်ရုံပိုင်ရှင်ကိုယ်တိုင် ဆူပြောတာတွေ ရှိပါတယ် ရှင့်။
 
“ဝယ်လွန်”လို အင်္ကျီကို တနေ့ အထည်လေးဆယ် စံချိန်တောင်း ချုပ်ခိုင်းတာပါရှင့် ။ အာဏာမသိမ်းမီကဆို တနေ့ ၂၅ ထည်လောက် ချုပ်ရတဲ့ အမျိုးအစားပါ။ မမျှမတနဲ့ ချုပ်ပေးနေရတာပါ ရှင့်။
 
စက်ရုံမှာ အလုပ်ချိန်စတာနဲ့ တခါးအားလုံးပိတ်ထားပါတယ်။ အပေါက် တပေါက်ပဲ ဖွင့်ထားပေးတာပါ။ ဒါကြောင့် စက်ချုပ်လုပ်သားတွေ အားလုံး ပူလောင်တဲ့ဒဏ်ကို ခံရပါတယ်။ ပန်ကာတွေလည်း မရှိပါဘူး။
 
စက်ရုံက ရွှေသံလွင်စက်မှုဇုန်၊ သံလွင်လမ်းမှာပါရှင့်။ တရုတ်နိုင်ငံသား ပိုင်ပါတယ် ရှင့်။
လာရောက် ဖြေရှင်းပေးစေလို ပါတယ်။

Related posts

Cover
ပဲခူး Sudey စက်ရုံ လုပ်ငန်းခွင် ထိခိုက်မှုများအား တာဝန်ယူမှုမရှိဘဲ လုပ်ခ ဖြတ်ယူ
Aug 04, 2025
Cover
Peak Outdoor (Yangon) အထည်ချုပ် ကိုယ်ဝန်ဆောင်များအား အောလင်းအချိန်ပို ဆင်းခိုင်း
Jul 23, 2025
Cover
မြန်မာမျိုး ရေသန့်စက်ရုံ အချိန်ပိုကြေး ကျပ်တစ်ထောင်ပဲ ပေး
Jul 22, 2025
Cover
Chi Mei အထည်ချုပ်စက်ရုံ အချိန်ပိုကြေးမပေးဘဲ လုပ်ကိုင်ခိုင်း
Jul 14, 2025
Cover
တနင်္ဂနွေနဲ့ နေ့စဉ် အချိန်ပိုတွေကို လုပ်ခမရဘဲ လုပ်ကိုင်ပေးရ
Jul 13, 2025
Cover
New Plus အထည်ချုပ်စက်ရုံအတွင်း ခွဲခြားမှုတွေ
Jul 13, 2025
Cover
VHT အထည်ချုပ် စက်ရုံ လစာ ထုတ် မပေးနိုင်
Jul 07, 2025
Cover
Skytex Myanmar နေ့စဉ် ညနက် အချိန်ပိုနှင့် စနေနေ့မှာ အော်လင်း ဆင်းခိုင်း
Jul 04, 2025