Myanmar Sunview(solamoda 2)အထည်ချုပ်စက်ရုံမှ အလုပ်သမားများ၏ အလုပ်ထုတ်နစ်နာကြေးနှင့် ကြားကာလနစ်နာကြေးများ ရရှိရေးအတွက် ဆက်လက်တောင်းဆိုသွားဖို့ရှိနေတယ်လို့ ယင်းအလုပ်သမားတွေကို ကူညီဆောင်ရွက်ပေးနေတဲ့ STUM အလုပ်သမားအဖွဲ့မှ တာ၀န်ရှိသူကပြောဆိုပါတယ်။

''ဆိုလာမိုဒါရဲ့ အလုပ်သမား၁၂၀၀ မှာ  ဒုက္ခတွေအရမ်းရောက်သွားတာတွေအထိရှိတယ်။ကျွန်မတို့တောင်းဆိုထားတဲ့ငွေကြေးကို brandကနေ ညှိလိုက်လို့ ရသွားရင်တော်သေးတယ်။ ခုကလုံးဝမညှိဘဲ တာဝန်ယူမှုမရှိဘဲ  နေတဲ့အတွက် ဒါကိုနောက်ဆုံးအထိ တောင်းဆိုခွင့်ရှိတယ် နောက်ဆုံးသူတို့ဘက်က 50% 75% လုပ်ပေးလိုက်တယ်ဆိုရင် ငါကျေနပ်တယ်ဆိုတော့ သူတို့ဘက်ကလည်း ဒါကိုနောက်ဆုံးအထိတောင်းဆိုမယ်ပြောတယ်'' ဟု ယင်းကပြောပါတယ်။

အလုပ်သမားများတောင်းဆိုထားသည့် ​ တောင်းဆိုချက်များထဲမှ  လတစ်ဝက်စာကို နစ်နာကြေးအဖြစ် ခုံကောင်စီဆုံးဖြတ်ချက်ဖြင့် ရရှိထားကြောင်း၊ ယင်းလဝက်စာကိုပင်  ခုံသမာဓိကောင်စီဆုံးဖြတ်ချက်ဖြင့်သာရရှိထားခြင်းဖြစ်ပြီး Brand အနေဖြင့် ညှိနှိုင်းဖြေရှင်းခြင်းမရှိဘဲ လစ်လျူရှု့ထားခြင်းဖြစ်ကြောင်း၊ စက်ရုံလုပ်သားတစ်ထောင်ကျော်မှာ  ၂၀၂၁ မတ်လက မီးလောင်ပြီး ၈လခန့်အကြာအထိအခက်အခဲများစွာဖြင့်နေလာပြီး 
စက်ရုံမဖွင့်တော့ဘူးဆိုလာသည့်အတွက် အလုပ်ထုတ်နစ်နာကြေးနှင့်  ကြားကာလနစ်နာကြေးတောင်းဆိုရခြင်းဖြစ်ကြောင်း အလုပ်ထုတ်နစ်နာကြေးနှင့်ကြားကာလနစ်နာကြေးမှာ အလုပ်သမားတစ်ဦးချင်းစီ၏ လုပ်သက်ကာလအလိုက် ရရှိရမည်ဖြစ်ကြောင်း နှင့်ယင်းအလုပ်သများ၏ နစ်နာကြေးများကို လုပ်ငန်းရှင်နှင့် brand မှတာဝန်ယူဖြေရှင်းပေးရန် နိုင်ငံတကာအဖွဲ့အစည်းတွေနဲ့လည်း ချိတ်ဆက်ကူညိပေးမည်ဖြစ်ကြောင်း 
သိရပါတယ်။

အဆိုပါစက်ရုံ Solamoda 2 သည် ၂၀၂၁ခု မတ်လက မီးလောင်ခဲ့ခြင်းဖြစ်ပြီး လှိုင်သာယာဆိုလာမိုဒါ ၁ ရွှေပြည်သာ ၂၊ ပဲခူး၃ စသဖြင့် စက်ရုံ၃ရုံရှိကြောင်း သိရပါတယ်။