ထိုင်းနိုင်ငံ၊ ချွန်ဘူရီခရိုင်ရှိ ဝရိန်လုပ်ငန်း၌ဝင်ရောက်လုပ်ကိုင်ဖို့ နှစ်နိုင်ငံသဘောတူစာချုပ် MoUဖြင့် စာချုပ်ချုပ်ဆိုပြီးဝင်ရောက်လာတဲ့ MoU မြန်မာအလုပ်သမား၈၀ ကျော် လုပ်ငန်းခွင်မှာ၃ရက်သာ ဝင်ရောက်ခဲ့ရလို့ အခက်အခဲကြုံတွေ့နေရတယ်လို့ သိရပါတယ်။

အဆိုပါအလုပ်သမား၈၀ ကျော်ဟာ ပြည်ပကိုအလုပ်သမားစေလွှတ်နေတဲ့ အောင်ဘုဏ်းမြတ်ဟိန်း အေဂျင်စီမှ စာချုပ်ဖြင့် စေလွှတ်ခဲ့သူများဖြစ်ပြီး  စာချုပ်ပါလုပ်ငန်းခွင်၌ ၃ရက်တည်းသာလျှင်အလုပ်ဆင်းရပြီး  တစ်လခန့်ကြာအလုပ်မဆင်းရတာကြောင့် နေရေးစားရေး အ ခက်များကြုံတွေ့နေရလို့ ထိုင်းရောက်မြန်မာအလုပ်သမားကိုကူညီဆောင်ရွက်ပေးနေတဲ့ MHAC မဟာမိတ်အဖွဲ့သို့ အကူညီတောင်းခံလာခြင်းဖြစ်တယ်လို့ သိရပါတယ်။

" MOU အလုပ်သမား ၂၀၀ ကျော်ကိုဝန်ဆောင် ခတွေအဆမတန်ယူပြီးပို့ထားတဲ့ Aung Phone Myat Hein အေဂျင်စီမှတာဂန်ရှိသူများအမြန်ဆုံးတာဝန်ယူဖြေရှင်းပေးပါ။ ထိုင်းနိုင်ငံချွန်ဘူရီတွင် ရောက်ရှိနေသောMOUအလုပ်သမား
ပထမတစ်သုတ် ၄၀ ဦးနှင့်ဒုတိယတစ်သုတ် ၄၅ဦး စာချုပ်ပါစည်းကမ်းများချိုးဖောက်ခံရသဖြင့်ထပ်မံပြီးကိုရဲမင်းဦးဆောင်သော MHAC မဟာမိတ်အဖွဲ့ထံအကူအညီတောင်းခံလာ" တယ်လို့ ၎င်းအဖွဲ့က ထုတ်ပြန်ထားပါတယ်။

အဆိုပါ အလုပ်သမား​တွေဟာ အခြားမြန်မာ MoU အလုပ်သမား ၁၆၆ ဦးနှင့်အတူ ချွန်ဘူရီခရိုင်ရှိ ဝရိန်လုပ်ငန်း၌ အ လုပ်လုပ်ကိုင်ရန် အောင်ဘုဏ်းမြတ်ဟိန်း အေဂျင်စီနှင့် ၂၀၂၃ ခုနှစ်၊ ဖေဖော် ဝါရီ ၆ ရက်က ပုသိမ်မြို့တွင် စာချုပ်ချုပ်ဆိုခဲ့ကြတာဖြစ်ပြီး အေဂျင်စီအား ဝန်ဆောင်ခအဖြစ်တစ်ဦးလျင်ငွေကျပ် ၂၆ သိန်းမှ သိန်း ၃၀ အထိပေးချေကာ  မေ ၉ ရက်မှာ စမတ်ကတ်ရိုက်ပြီး မေလ ၁၂ ရက်မှာတော့  ထိုင်းနိုင်ငံသို့ ရောက်ရှိခဲ့ပြီး မေ၁၆ ရက်မှစ၍ ၃ရက်သာ အလုပ်ဆင်းခဲ့ရတယ်လို့ ဆိုထားပါတယ်။

အဲ့ဒီအလုပ်သမား ၈၀ ကျော်က အလုပ်မဆင်းရတာ တစ်လခန့်အထိရှိလာလို့ အခက်အခဲအခဲများကြုံတွေ့နေတဲ့အ​ပေါ်  အောင်ဘုဏ်းမြတ်ဟိန်း အေဂျင်စီထံ ဆက်သွယ် ပြောဆိုခဲ့ပေမဲ့ ဖြေရှင်း ပေးခြင်းမရှိလို့ ယခုလို အလုပ်သမားရေးကူညီသူများထံသို့ အကူညီတောင်းခံရခြင်းဖြစ်တယ်လို့ သိရပါတယ်။

#MyanmarLabourNews