ထိုင်းနိုင်ငံ မဟာချိုင် အုန်းရိုင် ကို MOU နဲ့ စာချုပ်ချုပ်ဆိုပြီး ရောက်ရှိနေတဲ့ မြန်မာ အလုပ်သမား ၅၀ မှာ တစ်လ ကျော် ကြာသည်အထိ အလုပ် မလုပ်ရတဲ့ အတွက် အခက်ခဲဒုက္ခ ဖြစ်နေတယ်လို့ ထိုင်းရောက်မြန်မာအလုပ်သမားရေးကူညီပေးနေတဲ့ MHAC မဟာမိတ်အဖွဲ့ ထံက သိရပါတယ်။
အမျိုးသမီး (၂၅) ယောက်နဲ့ အမျိုးသား (၂၅) ယောက် စုစုပေါင်း အယောက် (၅၀)ဟာ အေဂျင်စီတစ်ခုနဲ့ ဆောက်လုပ်ရေး အလုပ်တစ်ခုဖြင့် မြန်မာငွေကျပ် (၃၅)သိန်း လေယာဥ်ခ (၈) သိန်း ကျပ်တို့ပေးဆောင်ပြီး ၂၀၂၄ ခုနှစ် မတ်လ ၁၁ရက် တွင် Rချုပ် စာချုပ် ချုပ်ဆိုပြီး စက်တင်ဘာ ၁၉ ရက်က မြန်မာနိုင်ငံမှ ထွက်ခွာခဲ့ကာ စက်တင်ဘာ၂၀ရက် တွင် ပထုံဌာနီသို့ ရောက်ရှိပေမယ့် ဆောက်လုပ်ရေး အလုပ်မရတဲ့ အတွက် ငါးသေတ္တာရုံ ထည့်ပေးမယ်လို့ အေဂျင်စီ မှ ပြောဆိုခေါ်ဆောင်လာတဲ့ အတွက် မဟာချိုင်အုန်းရိုင် သို့ စက်တင်ဘာ၂၁ ရက် မှာ ရောက်ရှိခဲ့တာလို့ ဆိုပါတယ်။
မဟာချိုင်ကို ရောက်ရှိ ချိန်မှာ အလုပ်သမား တွေဟာ မိမိတို့ ပိုက်ဆံဖြင့် အခန်းများ ငှားရပြီး အေဂျင်စီ ကထည့်ပေးမယ့် အလုပ်ကို စောင့်လာခဲ့သည်မှာ( ၁ ) လအထိ့ အချိန် ကြာမြင်လာသော်လည်း အလုပ်များမလုပ်ရတဲ့ အတွက် ကိုရဲမင်းဦးဆောင်သော (MHAC) မဟာမိတ်အဖွဲ့သို့ အောက်တိုဘာ ၁ရက်က တိုင်းကြားအကူအညီတောင်းခံလာတယ်လို့ သိရပါတယ်။
အလုပ်သမားများ တိုင်ကြားလာတာနဲ့ပက်သက်ပြီး အောက်တိုဘာ၂၀ရက် နေ့လည် ၂ နာရီတွင် အမ်ယူဂျီ(NUG) အလုပ်သမားဝန်ကြီးဌာနမှ တာဝန်ရှိသူတွေနဲ့ အတူ အလုပ်သမားများနှင့် သွားရောက်တွေ့ဆုံမေးမြန်း စကားပြောနေချိန်တွင် အေဂျင်စီဘက်မှ ကိုယ်စားလှယ် များ ရောက်လာကာ အလုပ်သမားများကို (၁၄)ရက်အတွင်း မဟာချိုင်ရှိ ငါးသေတ္တာစက်ရုံ တစ်ရုံတွင် အလုပ်သွင်းပေးမှာ ဖြစ်ကြောင်းနှင့် သတ်မှတ်ရက်အတွင်း အလုပ်မဆင်းရပါက စမက်ကြေးငွေနှင့် ဘိုင်ကျန့်အော့ကို ပြန်ထုတ်ပေးပြီးဟု အာမခံညှိနှိုင်းပြောဆိုခဲ့တယ်လို့ သိရပါတယ်။
