ထိုင်းနိုင်ငံ၊ စမူဆာခွန်းမြို့နယ်၊ စွန့်ပစ်ပစ္စည်းထုတ်လုပ်တဲ့ စက်ရုံက  မြန်မာအလုပ်သမား ၁၅ ဦးကို စက်ရုံ ပိုင်ရှင်က လုပ်အားခမရှင်းပေးတဲ့ အတွက်  အမျိုးသားညီညွတ်ရေးအစိုးရ ၊(NUG) အလုပ်သမားဝန်ကြီးဌာန ၊ တိုင်ကြားရေးယန္တရားက ဝင်ရောက်ကူညီဖြေရှင်းပေးခဲ့တယ်လို့ သိရပါတယ်။ 

၎င်း အလုပ်သမား ၁၅ ဦး  မှာ MOU အလုပ်သမားတွေ ဖြစ် ကြပြီး စက်ရုံ သူဌေး ဘက်မှ လုပ်အားခ မရှင်းပေးတာကြောင့် အေဂျင်စီ မှ တစ်ဆင့် မြို့နယ် ဆာဝါဒီကန် ရုံး ကို တိုင်ကြားထားတာ မှာ ၃လ ကျော်ပြီ ဖြစ်တယ်လို့ ဆိုပါတယ်။ 

အခုလို ၃လ ကျော်တဲ့ အထိ လုပ်အားခတွေ မရသေးတဲ့ အတွက် မိတ်ဖက်အဖွဲ့ စည်း ဖြစ်တဲ့  MHAC အဖွဲ့ကိုအလုပ်သမားတွေက  အကူအညီတောင်းခံလာတာဖြစ်တယ်လို့ သိရပါတယ်။ 

အဲဒီလို အကူအညီတောင်းခံလာတဲ့အတွက် MHAC အဖွဲ့က အလုပ်သမားတွေနဲ့ တွေ့ဆုံမေးမြန်းခဲ့ပြီးနောက် စမူဆာခွန်းမြို့နယ် ဆာဝါဒီကန်ရုံးကို သွားရောက်ပြီး အကျိုးကြောင်းမေးမြန်းခဲ့ရာ အမှုအား ပြန်လည်စစ်ဆေးပေးခဲ့ပြီး ပိုင်ရှင်အား အမှုဖွင့်ပြီးနောက် အစိုးရဘဏ်မှ တဆင့် လုပ်အားခများ ကို ပြန်ထုတ် ပေးရေးအတွက် ညှိနှိုင်းသဘောတူညီမှု ရရှိခဲ့တယ်လို့ သိရပါတယ်။