၂၀၂၅ ခုနှစ် ဒီဇင်ဘာမှာ ပြုလုပ်ကျင်းပမယ့် ဂျပန်ဘာသာအရည်အချင်းစစ်စာမေးပွဲ(JLPT)အတွက် ဖြေဆိုခွင့်ကတ်ပြား(Online Test Voucher) နိုဝင်ဘာ ၁ ရက်မှစပြီး ထုတ်ယူနိုင်ပြီ လို့ JLPT စာမေးပွဲကျင်းပရေးကော်မတီ မြန်မာနိုင်ငံဂျပန်ပြန်ပညာသင်ဟောင်းအသင်းက အသိပေးထုတ်ပြန်ထားပါတယ်။
၄င်းဖြေဆိုခွင့်ကတ်ပြား(Online Test Voucher) ကို နိုဝင်ဘာ၁ရက်မှစစတင်ကာ စာမေးပွဲဖြေဆိုတဲ့နေ့အထိ ထုတ်ယူနိုင်ကာ ဖြေဆ်ိုခွင့်ကတ်ပြား ထုတ်ယူနိုင်မယ့် website Link များ ကို မြန်မာနိုင်ငံဂျပန်ပြန်ပညာသင်ဟောင်းအသင်း(MAJA) page မှာ ကြေညာပေးထားပါတယ်။
စာမေးပွဲ ဖြေဆိုတဲ့ နေ့တွင် ဖြေဆိုခွင့်ကတ်ပြား ( Online Test Voucher)ကို Colour print ထုတ်ယူ၍ ယူဆောင်လာရမှာ ဖြစ်ပြီး ဖုန်းဖြင့် ပြသတာမျိုး မရရှိကြောင်း အသိပေးထားပါတယ်။
Online Test Voucher မှာ စာမျက်နှာ ၃ မျက်နှာပါရှိ တဲ့ အတွက် ၎င်းစာမျက်နှာအားလုံးကို Colour print ထုတ်ယူကာ စာမေးပွဲဖြေဆိုတဲ့နေ့မှာ ယူဆောင်လာရမှာ ဖြစ်သလို မှတ်ပုံတင်သို့မဟုတ် နိုင်ငံကူးလက်မှတ်၊ သက်တမ်းရှိယာဉ်မောင်းလိုင်စင် စတဲ့ သက်သေခံကတ် တစ်ခုခု ပါရှိမှသာ ဖြေဆိုခွင့်ရရှိမယ်လို့ဆိုပါတယ်။
၂၀၂၅ ခုနှစ် ဒီဇင်ဘာလ စာမေးပွဲအတွက် တစ်ဦးချင်းလျှောက်ထားသူတွေကို ဩဂုတ် ၄ ရက်မှ ဩဂုတ် ၁၄ ရက်အထိ လက်ခံခဲ့ပြီး စာဖြေဌာနများမှ ခုံနေရာ တိုးမြင့်နေရာချထားနိုင်တာကြောင့် တစ်ဦးချင်းအလိုက် လျှောက်ထားမှုအတွက် ဩဂုတ် ၂၁ ရက်နှင့် ၂၂ ရက် အထိ တိုးမြှင့်သက်မှတ်လက်ခံခဲ့တယ်လို့ သိရပါတယ်။
