တောင်ကိုရီးယား နိုင်ငံသို့ EPS စနစ်နဲ့ သွားရောက် အလုပ်လုပ်ကိုင်ပြီး ခွင့်ပြန်လာတဲ့ လုပ်သားတွေ အနေနဲ့ POEA ရုံး ကို လူကိုယ်တိုင်လာရောက် ကာ မပျက်မကွက် သတင်းပေးပို့ရမယ်လို့ Safe Migration က အသိပေးပြောလာပါတယ်။

 

ကိုရီးယားနိုင်ငံကနေ ခွင့်နဲ့ ပြန်လည်ရောက်ရှိလာတဲ့ PJ နိုင်ငံကူးလက်မှတ် ကိုင်ဆောင်ထားသူတွေဟာ၊ခွင့်ပြန်အဖြစ် ပြည်လည်ထွက်ခွာမယ့် ဆိုပါက အစီအစဉ်အတိုင်း တင်ပြဆောင်ရွက်ကြဖို့လိုတယ်လို့ဆိုပါတယ်။

 

အစိုးရပြည်ပအလုပ်အကိုင် အေဂျင်စီ (POEA)အစီစဉ်နဲ့ သွားရောက်လုပ်ကိုင်တဲ့ EPS လုပ်သားတွေဟာ POEA ရုံးက သတ်မှတ်ထားတဲ့ အထောက်အထား အပြည့်အစုံနဲ့ လူကိုယ်တိုင်သတင်းပေးပို့ တင်ပြရမယ်လို့ ဆိုပါတယ်။

 

မိမိအစီအစဉ်နဲ့ဖြစ်စေ၊ ပြည်ပအလုပ်အကိုင်အကျိုးဆောင်လိုင်စင်ရအေဂျင်စီတွေရဲ့ အစီအစဉ်နဲ့ဖြစ်စေ၊သွားရောက်လုပ်ကိုင်ခဲ့ကြတဲ့ လုပ်သားတွေအနေနဲ့ ကတော့ gmail ကတစ်ဆင့် သတ်မှတ်အထောက်အထားပြည့်စုံစွာနဲ့ ပေးပို့တင်ပြကြရမှာဖြစ်တယ်လို့သိရပါတယ်။

 

ဒါ့အပြင် POEA အနေနဲ့ ကိုရီးယားရောက် မြန်မာ လုပ်သားတွေ ကို မိသားစု လွှဲပို့ငွေ အထောက် အထားတွေ ကိုလဲ လအလိုက် သတ်မှတ်ရက်အတွင်း ပေးပို့ကြဖို့ သတိပေး ကြေညာချက်တွေ မကြာခဏ ထုတ်ပြန်လျက်ရှိပါတယ်။