ထိုင်းနိုင်ငံ၊ ချွန်ပူလီခရိုင်၊ ချာချင်ဆောင်ရှိ ဆောက်လုပ်ရေးဆိုက်တခုမှာ မြန်မာရွှေ့ပြောင်း လုပ်သားတွေ ကို ၂နှစ်နီးပါး ထိုင်းသူဌေးက လုပ်အားခမပေးဘဲ ခိုင်းစေမှု ဖြစ်ပေါ်ခဲ့တယ်လို့ WAG အလုပ်သမားကူညီစောင့်ရှောက်ရေးအဖွဲ့ ထံ မှ သိရပါတယ်။
မြန်မာရွှေ့ပြောင်း အလုပ်သမား ၆ ဦးမှာ ၎င်း ဆောက်လုပ်ရေးဆိုက် အတွင်း အလုပ်လုပ်နေတာ နှစ်နှစ်နီးပါးရှိပြီ ဖြစ်ပေမယ့် သူဌေးဖြစ်သူက အလုပ်သမား တွေရဲ့ လုပ်အားခ တွေ ကို မရှင်းပေးဘဲ ချေးငွေသာ ထုတ်ပေးခဲ့တယ်လို့ သိရပါတယ်။
ဒါ့အပြင် အလုပ်သမားတွေရဲ့ စာရွက်စာတမ်း တွေကိုပါ သူဌေးဆိုသူက သိမ်းဆည်းထားခဲ့တဲ့ အတွက်အခြားနေရာ ကို အလုပ်ပြောင်းလို့ မရဘဲ အခက်ခဲ ဖြစ်နေတယ်လို့ ဆိုပါတယ်။
ဒါကြောင့် မြန်မာရွှေ့ပြောင်းအလုပ်သမားတွေက ထိုင်းရောက်မြန်မာအလုပ်သမားအရေး ကူညီပေးနေတဲ့ WAG အလုပ်သမားကူညီစောင့်ရှောက်ရေး အဖွဲ့ ထံ အကူညီလာရောက် တောင်းခံခဲ့တယ်လို့ သိရပါတယ်။
အခုလို အလုပ်သမားတွေရဲ့ အကူညီတောင်းခံမှုကြောင့် WAG အလုပ်သမားကူညီစောင့်ရှောက်ရေး အဖွဲ့အနေနဲ့ ဖေဖေါ်ဝါရီ ၂၅ရက်နေ့က အလုပ်သမားတွေနဲ့ အတူ နယ်မြေခံ မြို့နယ် ဆဝါဒီကန်ရုံး ကို သွားရောက် ခဲ့ပြီး ဆောက်လုပ်ရေးလုပ်ငန်းမှ သူဌေး ကိုတိုင်ကြားခဲ့တယ်လို့ သိရပါတယ်။
