ထိုင်းနိုင်ငံ၊ချွန်ဘူလီခရိုင်၊နောင်ခမ်း ကျလင်စီပင်ထောင် အဆောင် မှာ နေထိုင်ကျတဲ့ မြန်မာအလုပ်သမား၆၃ဦး ကို ပွဲစားတစ်ဦးက အလုပ်သွင်းပေးမယ်ဆိုကာ စမတ်ကြေး ဘတ်၅သိန်း ကျော်ကို လိမ်လည်သွားတယ်လိို့ ၎င်းအမှု ကို ကူညီပေးနေတဲ့ WAG အလုပ်သမား မဟာမိတ်အဖွဲ့ထံမှ သိရပါတယ်။
ထိုင်းနိုင်ငံ၊ချွန်ဘူလီ၊ဘောဝင်း (C)တိုက် မှာ နေထိုင် တဲ့ ပွဲစားအမည် Pyae Phyo Paing (Facebook)အမည် Min Min Paingနဲ့ ဇနီးဖြစ်သူ Phoo Zin တို့လင်မယားက မြန်မာအလုပ်သမား ၆၃ဦး ကို အီလက်ထရောနစ် စက်ရုံတွင် အလုပ်သွင်းပေးမည်ဟုဆိုကာ အလုပ်သမား (၁)ဦးလျှင် စမတ်ကြေး (၈၅၀၀)ဘတ်နှုန်း နဲ့ ကောက်ခံ ထားတယ်လို့ ဆိုပါတယ်။
အလုပ်သမား (၆၃)ဦးစာ ထိုင်းဘတ်ငွေ (၅၃၅၅၀၀)ဘတ် ကို ကောက်ခံထားပြီးအလုပ်မသွင်းပေးဘဲ နေ့ည ရွေ့နေတဲ့ အတွက် ဖေဖေါ်ဝါရီ ၁၁ရက် မှာ ပွဲစားအခန်းသို့ အလုပ်သမားတွေက လိုက်သွားကြရာ ပွဲစားလင်မယားဟာ အခန်းတွင်မရှိတော့ဘဲထွက်ပြေးသွားကြတယ်လို့ သိရပါတယ်။
ဒါကြောင့်အလုပ်သမားတွေက စမတ်ကြေးများပြန်လည်ရရှိရန် နဲ့ ပွဲစားအားအရေးယူနိုင်ရန်ကူညီဆောင်ရွက်ပေး ဖို့
WAG အလုပ်သမားမဟာမိတ်အဖွဲ့ထံဖေဖေါ်ဝါရီ ၁၃ရက်မှာ အကူအညီတောင်းခံလာကြောင်း သိရပါတယ်။
မြန်မာအလုပ်သမားတွေထံမှ လိမ်လည် သွားတဲ့ ပွဲစား ဆိုသူဟာ မြန်မာနိုင်ငံ ပဲခူးတိုင်း၊ဒိုက်ဦးမြို့နယ်၊ပုကိုင်ကျေးရွာ ကနေ ထိုင်းနိုင်ငံကို လာရောက် သူ ဖြစ်တယ်လို့ သိရပါတယ်။
