ထိုင်းနိုင်ငံ၊လယောင်မြို့က အီလက်ထရောနစ်စက်ရုံတစ်ခုမှာ အလုပ်လုပ်နေတဲ့ မြန်မာလုပ်သား အမျိုးသမီး တစ်ဦးဟာ အလုပ်က အပြန် ဆိုက်ကယ်တိုက်မိမှုဖြစ်ပွားကာ ဆေးရုံ တွင် ဆေးကုသမှုခံယူရင်း သေဆုံးသွားတယ်လို့ ၄င်းအမှု ကို ကူညီပေးနေတဲ့ WAGအလုပ်သမားမဟာမိတ်အဖွဲ့ မှ သိရပါတယ်။
ဖြစ်စဉ်မှာ အသက်၄၀နှစ်ခန့် မြန်မာအလုပ်သမား မသင်းသင်းခိုင်ဟာ ဒီဇင်ဘာ ၁၆ရက် ည၉နာရီခွဲ လောက် က အလုပ်က အပြန် ကားပေါ်မှဆင်း၍ လမ်းဖြတ်ကူးချိန် ဆိုင်ကယ် အတိုက်ခံရပြီး ဒဏ်ရာများ ရကာ သတိလစ် သွားတယ်လို့ သိရပါတယ်။
အခင်းဖြစ်ပြီးနောက် လူနာကို လယောင်ဆေးရုံကြီးကို ပို့ဆောင် ပြီး ဆေးကုသမှုခံယူနေရင်း ၁၁ရက်မြောက်နေ့ ဒီဇင်ဘာ၂၆ရက် မှာဆိုင်ကယ်တိုက်မိတဲ့ဒဏ်ရာတွေကြောင့် သေဆုံးသွားတယ်လို့ ဆိုပါတယ်။
ထိုနောက် သေဆုံးသူရဲ့ ရုပ်အလောင်း ကို ဆေးရုံက ထုတ်ယူဖို့ ပြောတဲ့ အတွက် သေဆုံးသူရဲ့ မိသားစုဝင်တွေက သေမှုသေခင်းနဲ့ ပက်သက်ပြီး လုပ်ဆောင်ရမှာတွေကို နားမလည်တာကြောင့် သေဆုံးသူအတွက် တရားမျှတမှုနဲ့ရသင့်ရထိုက်တဲ့ ထော်လော်ဘော် နစ်နာကြေးပြန်လည်ရရှိဖို့ WAGအလုပ်သမားမဟာမိတ်အဖွဲ့ ထံ အကူညီတောင်းခံခဲ့တယ်လို့ သိရပါတယ်။
သေဆုံးသူ မြန်မာလုပ်သား အမျိုးသမီးဟာ မြန်မာနိုင်ငံ၊ဧရာဝတီတိုင်းဒေသကြီး၊လပွတ္တာမြို့နယ်၊ကျောက်တန်းကြီးအုပ်စု၊နေရာပျံချီကျေးရွာ ကနေ လာရောက် အလုပ်လုပ်ကိုင်သူ ဖြစ်ကာ ၎င်းတွင် အသက် ၁၃နှစ်အရွယ်သမီးတစ်ယောက် ကျန်ရစ်ခဲ့ကြောင်း သိရပါတယ်။
ယခုရက်ပိုင်းတွင် ထိုင်းရောက်မြန်မာ အမျိုးသမီး လုပ်သား များ ယာဉ်မတော်တဆမှု ကြောင့် သေဆုံးမှု တွေ ဖြစ်ပေါ်လျက်ရှိရာ ဒီဇင်ဘာ ၂၅ရက် ည ကလည်း ညဆိုင်းအလုပ်ဆင်းရန် ဆိုင်ကယ် ဖြင့်သွားတဲ့ မြန်မာအလုပ်သမားအမျိုးသမီး ဆယ်ဘီးကားဖြင့် တိုက်မိပြီး သေဆုံးမှုဖြစ်ပွားခဲ့ကြောင်း သိရပါတယ်။
