NEWS

အလုပ်သမားခေါင်းဆောင် ကိုသက်နှင်းအောင်ထောင်တွင်းနှိပ်စက်ခံရမှုကြောင့် ဦးခေါင်းဒဏ်ရာရရှိထား

CoverLogo
307 Views

မြန်မာနိုင်ငံ စက်မှုလက်မှုနှင့် ဝန်ဆောင်မှုလုပ်ငန်းပေါင်းစုံ အလုပ်သမားသမဂ္ဂများ အဖွဲ့ချုပ် MICS - TUsF  Myanmar အထွေထွေအတွင်းရေးမှူးချုပ် ကိုသက်နှင်းအောင်ဟာ ထောင်တွင်းနှိပ်စက်ခံရမှုကြောင့် ဦး ခေါင်းဒဏ်ရာရရှိထားတယ်လို့ သိရပါတယ်။ 

 

ပြီးခဲ့တဲ့ရက်ပိုင်းက  အကျဉ်းသားတွေရဲ့အခွင့်အရေးဆုံးရှုံးမှုတွေနဲ့ပတ်သက်ပြီး အဖွဲ့အစည်းတစ်ခုက  ထောင်တွင်းသို့ဝင်ရောက်စစ်ဆေးစဉ် ထုတ်ဖော်ပြောဆိုမှုကြောင့် အလုပ်သမားရေးဆောင်ရွက်သူ အလုပ်သမားခေါင်းဆောင် သက်နှင်းအောင်အပါအဝင်နိုင်ငံရေးအရ မတရားအကြမ်းဖက်ဖမ်းဆီးခံထားရတဲ့ အကျဉ်းသား ၃ ဦးကို ထောင်တွင်းရိုက်နှက် နှိပ်စက်ပြီး တိုက်ပိတ်ထားတယ်လို့ သိရပါတယ်။ 

 

“ဦးခေါင်းမှာ ဒဏ်ရာရထားတယ်လို့ ကြားထားပေမဲ့ ဒဏ်ရာရဲ့အခြေအနေကိုတော့  အတိအကျမသိရသေးပါဘူး။ ထောင်တွင်းမှာ  အကျဉ်းသားတွေရဲ့  အခွင့်အရေးဆုံးရှုံးမှုတွေကို ဝင်စစ်ဆေးတဲ့ အဖွဲ့တစ်ခုကိုပြောလို့ဆိုပြီး  နှိပ်စက်ခံရတာလို့ သိရပါတယ်။

ကျွန်တော်တို့ဒီလိုဆိုးရွားတဲ့ လုပ်ရပ်ကိုလုံးဝလက်ခံဖို့လည်း မရှိပါဘူး။ ပြီးတော့ ကျွန်တော်တို့ရဲ့ပြည်တွင်းပြည်ပမိတ်ဖက်အဖွဲ့အစည်းတွေကိုလည်း  အကြောင်းကြားထားပြီးဖြစ်ပါတယ်။ စစ်တပ်အနေနဲ့လည်း အခုလိုအခွင့်အရေးချိုးဖောက်မှုတွေကြောင့်  အရေးယူပိတ်ဆို့မှုတွေကို  ဆက်လက်ရင်ဆိုင်လာရလိမ့်မယ်ထင်ပါတယ်” လို့ MICS မှ အဖွဲ့ဝင်တစ်ဦးက ဆိုပါတယ်။ 

 

၂၀၂၁ ခုနှစ်၊ ဇွန်လထဲမှာ စစ်ကောင်စီက ကိုသက်နှင်းအောင်ကို ဖမ်းဆီးပြီး မတရားအသင်း ဆက်သွယ်မှု ပုဒ်မ ၁၇(၁)နဲ့ တရားစွဲဆိုကာ အလုပ်ကြမ်းနဲ့ ထောင် ၂ နှစ် ချခဲ့တာဖြစ်ပါတယ်။ 

 

အဲဒီနောက် ၂၀၂၃ ခုနှစ်၊ ဇွန်(၂၆)ရက်မှာ ကိုသက်နှင်းအောင် ထောင်က လွတ်မြောက်ခဲ့ပေမဲ့ အဲဒီလွတ်မြောက်ခဲ့တဲ့နေ့မှာတင်ပဲ  စစ်ကောင်စီက  ပြန်လည်ဖမ်းဆီးခဲ့ပြီး ကိုသက်နှင်းအောင်ကို  စစ်ကောင်စီက ၅၂/က နဲ့ တရားစွဲဆိုပြီး အလုပ်ကြမ်းနဲ့ ထောင်ဒဏ် ၇ နှစ်ထပ်မံချမှတ်ခဲ့တာလို့ နီးစပ်သူတွေဆီက သိရပါတယ်။ 

 

"သိပ်မကြာခင် အပြည်ပြည်ဆိုင်ရာအလုပ်သမားညီလာခံမှာ မြန်မာကိုအရေးယူဖို့လုပ်နေတဲ့  ကိစ္စရပ်တွေရှိနေတာဖြစ်လို့  ယခုလိုအလုပ်သမားခေါင်းဆောင်ကို နှိပ်စက်မှုတွေကြောင့် နိုင်ငံတကာရဲ့ အရေးယူပိတ်ဆို့မှုတွေကို  စစ်ကောင်စီအနေနဲ့  မလွဲမသွေရင်ဆိုင်ရတော့မှာဖြစ်တယ်လို့လည်း MICS  အဖွဲ့ဝင်ကဆိုပါတယ်။  

 

အလုပ်သမားခေါင်းဆောင် ကိုသက်နှင်းအောင်ကို နယ်သာလန်နိုင်ငံကလည်း  လူထုထောက်ခံတဲ့ လှုပ်ရှားမှုပြုလုပ်ခဲ့ပြီး ချွင်းချက်မရှိပြန်လည်လွှတ်ပေးဖို့ တောင်းဆိုမှုကမ်ပိန်းတွေပြုလုပ်ခဲ့တယ်လို့လည်း သိရပါတယ်။ 

 


Related posts

Cover
လွတ်ရက်စေ့ နိုင်ငံရေး အကျဉ်းသား၅ ဦး ထောင်ဘူး၀ရှေ့ ပြန်လည်ဖမ်းဆီးခံရ
Oct 03, 2025
Cover
“ညည်းချင်း ၂၀၂၅”
Oct 02, 2025
Cover
အိန္ဒိယ_မြန်မာ နယ်စပ်တလျှောက် ပြန့်ကျဲနေသော လူသားချင်းစာနာမှု အကူအညီများနှင့် ခုခံတော်လှန်မှု အစီရင်ခံစာထွက်ရှိ
Sep 11, 2025
Cover
အလုပ်ရှာနေသည့် လူငယ်များကို ပစ်မှတ်ထားလိမ်လည်ပြီး စစ်မှုထမ်းအတွက် ရောင်းစားမှုများလာ
Sep 05, 2025
Cover
ပြည်ပရောက်မြန်မာနိုင်ငံသားတွေ ကြိုတင်မဲ ပေးလိုပါက ကိုယ်ရေးအချက်အလက် အပြည့်စုံ ဖေါ်ပြပြီး မြန်မာသံရုံး ကိုပေးပို့ တောင်းဆိုနိုင်ဟုဆို
Aug 22, 2025
Cover
စစ်မှုထမ်းပြီးသူများ အလုပ်အကိုင်ရရှိရေး ဟုဆိုကာ စီမံခန့်ခွဲမှုကော်မတီ စစ်ကောင်စီ ဖွဲ့စည်း
Jul 22, 2025
Cover
မြန်မာနိုင်ငံကို ILO အရေးယူမှု ဘာတွေဆက်ဖြစ်မလဲ အပိုင်း ၂
Jun 07, 2025
Cover
မြန်မာနိုင်ငံကို ILO အရေးယူမှု ဘာတွေဆက်ဖြစ်မလဲ။ အပိုင်း ၁
Jun 07, 2025