လက်ရှိ မြန်မာနိုင်ငံ၏ အခြေအနေအရ ပေါ်တာဆွဲခံရခြင်း သို့မဟုတ် ထိုသို့ဖြစ်ရပ်မျိုးနှင့် ကြုံတွေ့ရပါက
၁။ ကြိုတင်ကာကွယ်ခြင်း (အရေးအကြီးဆုံးအချက်)
အကောင်းဆုံးမှာ ဖမ်းဆီးခံရမည့်အခြေအနေမျိုးကို ရှောင်ရှားခြင်း ဖြစ်ပါတယ်။
ညဘက် သွားလာမှု လျှော့ချပါ - ဖြစ်နိုင်ပါက ညနေ/ညဘက်များတွင် အပြင်ထွက်ခြင်း၊ လမ်းသွားလမ်းလာခြင်းကို တတ်နိုင်သမျှ ရှောင်ကြဉ်ပါ။
သတိရှိပါ - မိမိနေထိုင်ရာ ရပ်ကွက်၊ မြို့နယ်အတွင်း ပေါ်တာဆွဲခြင်းများ ဖြစ်ပွားနေပါက အမြဲသတိဝီရိယရှိပါ။ တစ်ဦးတည်းသွားလာခြင်းထက် လူစုလူဝေး သို့မဟုတ် ယုံကြည်ရသူများနှင့်သာ သွားလာပါ။
၂။ ဖမ်းဆီးခံရသည့်အခါ သတိပြုရမည့်အချက်များ
အကယ်၍ မမျှော်လင့်ဘဲ ပေါ်တာဆွဲခြင်း ခံလိုက်ရပါက -
အလွန်အန္တရာယ်များသည့် အခြေအနေဖြစ်ပါတယ်။ ထိုအချိန်တွင် စစ်တပ်၏ လက်နက်ကိုင်ထားသည့် အခြေအနေဖြစ်သောကြောင့် မိမိ၏ ဘေးကင်းလုံခြုံရေးသည် အရေးကြီးဆုံးပါ။
အခြေအနေကို ဆန်းစစ်ပါ - အတင်းအဓမ္မခုခံခြင်းသည် အသက်အန္တရာယ်ကို ပိုမိုထိခိုက်စေနိုင်သည် (ဥပမာ- ရိုက်နှက်ခံရခြင်း၊ ပစ်ခတ်ခံရခြင်း)။ ထို့ကြောင့် မိမိ၏ လုံခြုံရေးကို ဦးစားပေး၍ အခြေအနေကို စောင့်ကြည့်ပါ။
အဆက်အသွယ်ရအောင် ကြိုးစားပါ - အကယ်၍ အခွင့်အရေးရပါက မိမိ၏ မိသားစု သို့မဟုတ် ယုံကြည်ရသူများထံ မိမိရောက်ရှိနေသည့် နေရာ သို့မဟုတ် အခြေအနေကို အမြန်ဆုံး အကြောင်းကြားပါ။
၃။ အကူအညီတောင်းခံခြင်း
မိသားစုဝင်များမှ မြန်မာနိုင်ငံ စက်မှုလက်မှုနှင့် ဝန်ဆောင်မှုလုပ်ငန်းပေါင်းစုံ အလုပ်သမားသမဂ္ဂများအဖွဲ့ချုပ် ရဲ့ Hot Line နံပတ်တွေဖြစ်တဲ့ +၉၅ ၉ ၉၈၀၂၅၅ ၅၁၇ ၊ +၉၅ ၉ ၇၆၅ ၈၇၇ ၅၅၉ တို့ကို ဆက်သွယ် သတင်းပေး တိုင်ကြားနိုင်မှာဖြစ်ပါတယ်။
အထက်ပါ နံပတ်တွေကို Viber မှတဆင့်လည်း တိုင်ကြားလို့ရပါတယ်။
လူပုဂ္ဂိုလ်များအား ၎င်းတို့၏ ဆန္ဒမပါဘဲ ဖမ်းဆီးခေါ်ဆောင်ခြင်း၊ အလုပ်လုပ်ရန် သို့မဟုတ် စစ်မှုထမ်းရန်အတွက် အတင်းအကျပ်စေခိုင်းခြင်း၊ ငြင်းဆန်ပါက ဖမ်းဆီးခြင်း၊ ထောင်ချခြင်း သို့မဟုတ် အခြားသော အပြစ်ပေးမှုများဖြင့် ခြိမ်းခြောက်ခြင်းများ က အဓမ္မခိုင်းစေမှုဖြစ်ပါတယ်။
နိုင်ငံတကာသဘောတူစာချုပ်များ အရ ILO ၏ အဓမ္မခိုင်းစေမှုဆိုင်ရာ ပြဌာန်းချက် (Convention No. 29) အရ အဓမ္မခိုင်းစေမှုအားလုံးကို ပပျောက်အောင် ဆောင်ရွက်ရန် အဖွဲ့ဝင်နိုင်ငံများတွင် တာဝန်ရှိပါတယ်။
အပြည်ပြည်ဆိုင်ရာ အလုပ်သမားရေးရာအဖွဲ့ (ILO) ၏ သတ်မှတ်ချက်နှင့် နိုင်ငံတကာဥပဒေစံနှုန်းများအရ "ပေါ်တာဆွဲခြင်း" သည် အဓမ္မခိုင်းစေမှု (Forced Labour) မြောက်ပါတယ်။
စစ်မှုထမ်းဥပဒေအရ တရားဝင်ခေါ်ယူခြင်းသည် ချွင်းချက်တစ်ခုအဖြစ် ပါဝင်သော်လည်း၊ ယင်းသည် ဥပဒေနှင့်အညီ မှန်ကန်စွာ ဆောင်ရွက်မှသာလျှင် ခွင့်ပြုနိုင်တာပါ။
လမ်းပေါ်တွင် လူငယ်များကို ဖမ်းဆီးခြင်း၊ ငွေညှစ်ခြင်းနှင့် အတင်းအဓမ္မစစ်ထဲသွင်းခြင်းတို့မှာ တရားဝင်သော စစ်မှုထမ်းဆင့်ခေါ်မှု လုပ်ငန်းစဉ်မဟုတ်ဘဲ အဓမ္မခိုင်းစေမှုနှင့် လူ့အခွင့်အရေးချိုးဖောက်မှုများသာ ဖြစ်ပါတယ်။
