ထိုင်းနိုင်ငံရောက် မြန်မာ လာအို ကေမ္ဘာဒီးယား ဗီယက်နမ် စတဲ့ ရွှေ့ပြောင်းအလုပ်သမား တွေ အောက်တိုဘာ ၁၃ ရက်နေ့ ကစပြီး "E-Work Permit" အီလက်ထရွန်းနစ်စနစ်ကို စတင်မှာ ဖြစ်တယ်လို့ အလုပ်သမားဝန်ကြီးဌာန ဝန်ကြီး Ms. Trinuch Thienthong ကအောက်တိုဘာ ၆ ရက်တွင်ပြောကြားခဲ့ပါတယ်။
အလုပ်သမားဝန်ကြီးဌာန ထုတ်ပြန်ချက်အရ အလုပ်သမား တွေကိုယ်တိုင် eworkpermit.doe.go.th ဝက်ဘ်ဆိုဒ်မှတစ်ဆင့်မှတ်ပုံတင်နိုင်ပြီဖြစ်ကြောင်း ၊ အီလတ်ထရောနစ်စနစ်မှတစ်ဆင့် လျှောက်လွှာတင်သွင်းခြင်း ၊စစ်ဆေးခြင်း၊ အတည်ပြုခြင်း ၊အလုပ်လုပ်ခွင့်လက်မှတ်ရယူခြင်းတို့ကိုအွန်လိုင်းမှစ်ဆင့်၂၄နာရီပတ်လုံးဆောင်ရွက်နိုင်မှာဖြစ်ကြောင်းသိရပါတယ်။
အလုပ်သမား တွေ အနေနဲ့ အွန်လိုင်းမှတစ်ဆင့်လျှောက်လွှာတင်သွင်းမှုစနစ်ဖြင့်ငွေပေးချေပြီးပါက ၊အွန်လိုင်းမှတစ်ဆင့်ရက်ချိန်းယူကာ မျက်နှာစကန်ဖတ်ခြင်း ၊မျက်လုံးသူငယ်အိမ်စကန်ဖတ်ခြင်း၊လက်ဗွေနှိပ်ခြင်းတို့ကိုဆောင်ရွက်ရမည်ဖြစ်ကြောင်းသိရပါတယ်။
အလုပ်လုပ်ခွင့် လျှောက်ထားခြင်း ဝန်ဆောင်မှုရယူနိုင်ရန် အလုပ်အကိုင်ရှာဖွေရေးဦးစီးဌာနသည် တစ်နိုင်ငံလုံးရှိ အလုပ်လုပ်ခွင့်လက်မှတ် ဝန်ဆောင်မှုစင်တာ စုစုပေါင်း ၅၄ ခု ကိုပြင်ဆင်ထားကြောင်းလည်းသိရပါတယ်။
ရွှေ့ပြောင်းအလုက်သမား တွေ အနေနဲ့ "e-WorkPermit"စနစ်နဲ့ ပတ်သက်ပြီးအသေးစိတ် သိရှိလိုပါက အလုပ်သမားဝန်ကြီးဌာနရဲ့ hotline 1506 ကို ဖုန်းခေါ်ဆိုနိုင်ကြောင်းသိရပါတယ်။
