ထိုင်းနိုင်ငံ မဟာချိုင်မှာ အလုပ်လုပ်ဖို့ ပွဲစား ဆိုသူ ကို ဘတ်တစ်သောင်းခွဲ ပေးပြီး လာတဲ့ အထောက်အထားမဲ့ မြန်မာရွှေ့ပြောင်းလုပ်သား ၄၉ ဦး ကို ထိုင်းရဲတပ်ဖွဲ့က ဖမ်းဆီးခဲ့တယ်လို့ ထိုင်းသတင်းတွေ မှာဖေါ်ပြထားပါတယ်။
ဖေဖေါ်ဝါရီလ ၂၈ရက် ည ၉နာရီ ခန့် က ထိုင်းအာဏာပိုင်တွေ လှည့်ကင်းစစ်ဆေးဆောင်ရွက်နေချိန် ထိုင်းနယ်စပ် စံခလဘူရီမြို့နယ် တောအုပ် တစ်ခု ထဲ မှာ ပုန်းအောင်းနေတဲ့ မြန်မာအလုပ်သမား ၄၉ဦး ကိုတွေ့ရှိခဲ့တာ ဖြစ်တယ်လို့ ဆိုပါတယ်။
ဖမ်းဆီးခံရတဲ့ မြန်မာအလုပ်သမားတွေ ကို စစ်ဆေးမေးမြန်း တဲ့ အခါ နယ်စပ်လမ်းကြောင်းကနေ တစ်ဆင့် ထိုင်း နိုင်ငံ အတွင်း ကို ဝင်ရောက်လာတာ ဖြစ်ကာ စမွတ်စခွန်ခရိုင် မဟာချိုင် မှာ အလုပ်လုပ်ကိုင် ဖို့ အတွက် ပွဲစား ကို တစ်ဦး လျှင် ဘတ်တစ်သောင်းခွဲ ပေးခဲ့ရတယ် လို့ ထွက်ဆိုထားပါတယ်။
၎င်းမြန်မာရွှေ့ပြောင်းအလုပ်သမား ၄၉ဦး ကို ဥပဒေ အရ အရေးယူဖို့ အတွက် Sangkhlaburi ရဲစခန်း ကို ပို့ဆောင်ခဲ့တယ်လို့ သိရပါတယ်။
ဖေဖေါ်ဝါရီ ၂၆ရက် က လည်း ထိုင်းကနေ တစ်ဆင့် မလေးရှားကို သွားရောက် မယ့် အထောက်အထားမဲ့
မြန်မာရွှေ့ပြောင်းအလုပ်သမား ၂၈ဦးဟာ ပွဲစားခ ဘတ်၂သောင်း ပေးခဲ့ရပေမယ့် ထိုင်းနိုင်ငံအတွင်း အဖမ်းခံခဲ့ရတယ်လို့ သိရပါတယ်။
Ref-Matchion Online
