ထိုင်းနိုင်ငံ၊ ချွန်ပူလီခရိုင်၊ ဘန်ဘိုမြို့ရှိ ကားရေဆေးတဲ့ အလုပ်ရုံမှာ လုပ်ကိုင်နေတဲ့ PJ ပတ်စပို့ကိုင်ဆောင်ထားသော မြန်မာအလုပ်သမားကိုစည်သူအောင် အသက်(၂၇)ဟာ စက်တင်ဘာ ၂၉ ရက်နေ့ နေ့လည်(၁၁နာရီ )အချိန်တွင်လုပ်ငန်းခွင်အတွင်းမတော်တဆဖြစ်ကာသေဆုံးသွားတဲ့ အတွက်နစ်နာကြေးရရှိရန်ကူညီဆောင်ရွက်ပေးနေကြောင်း WAG အလုပ်သမားမဟာမိတ်အဖွဲ့ခေါင်းဆောင်ကိုမုန်တိုင်းက Myanmar Labour News ကိုပြောပါတယ်။
ကိုစည်သူအောင်သည်စက်တင်ဘာ၂၉ ရက် နေ့လယ်၁၁နာရီက ကားရေဆေးရန်အတွက် ကားကိုခုံပေါ်သို့နေရာမကျသေးသဖြင့် လမ်းပြရာမှ ကားမောင်းသူလုပ်ဖော်ကိုင်ဖက်မြန်မာနိုင်ငံသား မှာ လီဗာနှင့်ဘရိတ်မှားနှင်းမိပြီး ကိုစည်သူအောင်အားဝင်တိုက်မိကာ ကားခေါင်းနှင့် အုတ်နံရံကြားညှပ်ကာမေ့မျောသွားခဲ့ခြင်းဖြစ်ကာ မွန်းလွဲနှစ်နာရီခန့်တွင်ချွန်ပူလီဆေးရုံသို့ပို့ဆောင် ဆေးကုသမှုခံယူခဲ့သော်လည်း မွန်းလွဲနှစ်နာရီခွဲခန့် မှာ သေဆုံးသွားခဲ့တာပါ။
အဆိုပါမတော်တဆမှုအတွက်ရဲစခန်းမှ စကားပြန်မှစက်တင်ဘာ ၃၀ ရက်နေ့လယ် ၁၁ နာရီခန့်တွင်ကိုစည်သူအောင်၏ ညီအရင်းဖြစ်သူ ကိုနိုင်လွင်ဦးအား ကားထော်လော်ဘော်မှ နစ်နာကြေး(၅၀၀၀၀၀ )ဘတ်ပေး မည်ဖြစ်ကာအလုပ်ရှင်သူဌေးမှလည်း သင်္ဂြိုလ်ရန်နှင့်နစ်နာကြေးအတွတ် (၄၀၀၀၀ )ဘတ်ပေးမည်ပြောကာ အဆိုပါ နစ်နာကြေးအား မကျေနပ်ပါက ယာဥ်မောင်း ကျူးလွန်သူအား အမှုဖွင့်တိုင်ကြား တောင်းဆိုနိုင်သည်ဟုသူဌေးဖြစ်သူမှပြောကြားခဲ့ကြောင်းသိရပါတယ်။
"သူဌေးနဲ့ညှိတာသူဌေးကလက်မခံသေးဘူး။အဲ့ဒီအတွက်မြို့နယ်ရုံးတွေကိုတော့အကူအညီတောင်းနေရတုန်းဘဲ။သူဌေးကတော့ကရုဏာကြေးဘဲပေါ့ လုပ်မယ်ဆိုရင်မင်းတို့မြန်မာပြည်သားဖြစ်တယ် သူ့ကိုအမှုစွဲ ပြောတော့ လက်ရှိသက်ဆိုင်ရာအဖွဲ့အစည်းတွေကိုကျွန်တော်တို့ဆက်သွယ်အကူအညီတောင်းခံနေတယ်။"လို့ ကိုမုန်တိုင်းကပြောပါတယ်။
WAG အလုပ်သမားမဟာမိတ်အဖွဲ့မှ အလောင်းသင်္ဂြိုလ်ရန်နှင့် နစ်နာကြေးပြန်လည်ရရှိရန်အတွက် သေဆုံးသူ၏ညီဖြစ်သူနှင့် သွားရောက်တွေ့ဆုံပြီး ကူညီဆောင်ရွက်ပေးနေကြောင်းသိရပါတယ်။
