ထိုင်းနိုင်ငံ လယောင်မြို့ က (မီးသီးစက်ရုံ)မှာ အလုပ်လုပ်ရဖို့ ဘတ်ငါးသန်းပွဲစားရုံးမှာ အလုပ်ရှာပေးခ(အလုပ်စမတ်ခ) တစ်ဦးကို ဘတ် ၇၅၀၀မှ ၈၅၀၀ အထိ ပေးခဲ့ရပေမယ့် အလုပ်ဝင်ပြီး လေးလကျော်မှာ မြန်မာလုပ်သား၁၅၀ ဦး အလုပ်ထုတ်ခံရတယ်လို့ ထိုင်းရောက်မြန်မာအလုပ်သမားအရေးကူညီပေးနေတဲ့ WAG အလုပ်သမားမဟာမိတ်အဖွဲ့ထံမှ သိရပါတယ်။
MOUနဲ့ ပန်းရောင်ကတ်ကိုင်ဆောင်ထားတဲ့ မြန်မာအလုပ်သမား ၁၅၀ ဦးဟာ ၎င်း စက်ရုံမှာ အလုပ်လုပ်ရန်အတွတ် ဘတ်ငါးသန်းပွဲစားရုံးနှင့် စမတ်ခ ဘတ် ၇၅၀၀မှ၈၅၀၀အထိပေးခဲ့ကာ အလုပ်ဝင်ပြီးလေးလကျော် ဖြစ်တဲ့ စက်တင်ဘာ ၂၁ရက်မှာ စက်ရုံသူဌေးကဘတ်ငါးသန်းပွဲစားမှတစ်ဆင့် အလုပ်သမားတွေ ကို ကြိုတင်အကြောင်းကြားခြင်းမရှိဘဲ စက်တင်ဘာ ၂၂ရက်နေ့မှစကာ အလုပ်ဆင်းစရာမလိုတော့ ဘူးလို့ line group ကနေ စာပို့အကြောင်းကြားခဲ့တယ်လို့ အလုပ်သမားတွေ ထံမှသိရပါတယ်။
အခုလိုအကြောင်းမကြားဘဲ အလုပ်ထုတ်တဲ့အပြင် လုပ်အားခ (၁၈)ရက်စာ တစ်ဦးကို ၁၂၇၀၀ ဘတ်နဲ့ စုစုပေါင်း ဘတ်(၂၅)သိန်းကျော် ကိုလည်း သူဌေးဘက်မှ ပေးချေမှုမရှိဘူးလို့ ဆိုပါတယ်။
အလုပ်စဝင် တဲ့ အချိန်တည်းက လုပ်အားခကို လည်း စက်ရုံသူဌေးက ဘတ်ငါးသန်းပွဲစားမှတစ်ဆင့် အလုပ်သမားများကိုပေးတယ်လို့သိရကာ အလုပ်သမားတွေရဲ့ စာရွက်စာတမ်းကိုလည်း စက်ရုံမှာ အပ်နှံထားရတယ်လို့ သိရပါတယ်။
ဒါကြောင့်အလုပ်သမားတွေ ကို ကြိုတင်အကြောင်းမကြားဘဲ အလုပ်မှထုတ်သဖြင့် ရသင့်ရထိုက်သည့် နစ်နာကြေး၊ စာရွက်စာတမ်းများ နဲ့ လုပ်အားခများကိုပြန်လည်ရရှိလိုတဲ့ အတွက် WAGအလုပ်သမားမဟာမိတ်အဖွဲ့ထံ အလုပ်သမားတွေက အကူအညီတောင်းခံခဲ့တယ်လို့ သိရပါတယ်။
WAG အလုပ်သမားမဟာမိတ်အဖွဲ့ မှ လည်း စက်တင်ဘာ၂၄ရက်မှာ မြေပြင်ဆင်းကာ အလုပ်သမားများနှင့် တွေ့ဆုံကာ အမှုကိုလက်ခံခဲ့ကာ ကူညီဆောင်ရွက်ပေးသွားမယ်လို့သိရပါတယ်။
