ထိုင်းနိုင်ငံ ချွန်ပူရီ ရှိအထပ်သားပြားစက်ရုံတစ်ခုမှ ကြိုတင်အကြောင်းမကြားဘဲ အလုပ်ထုတ်ခံလိုက်ရသည့် မြန်မာလုပ်သား ၅၅ဦး အတွက် ရသင့်တဲ့ရပိုင်ခွင့်နဲ့ နစ်နာကြေး ဘတ်၃သိန်းခွဲကျော် ရရှိခဲ့တယ်လို့ ၎င်းအမှု ကို ကူညီပေးခဲ့တဲ့ MHAC မဟာမိတ်အဖွဲ့ ထံမှ သိရပါတယ်။
၎င်းစက်ရုံ မှ မြန်မာလုပ်သား ၂၀၀ခန့် ကို စက်ရုံ ဘက်မှ အလုပ်သမားအခွင့်ရေးချိုးဖောက်ကာ အထောက်အထားရှိပေမယ့် ရဲကြေးအဖြစ်လစဉ်ကြေး ဘတ် ၁၀၀၀ ဖြတ်တောက်ခံရသလို စက်ရုံ HRရဲ့ ညွှန်ကြားချက်ဖြင့် ကြားခံ အေဂျင်စီများ မှ လုပ်အားခ များ မပေးဘဲ အလုပ်မှ ထုတ်ပယ်လိုက်တယ်လို့ သိရပါတယ်။
စက်ရုံမှ မြန်မာလုပ်သား ၂၀၀ ခန့်အလုပ်မှထုတ်ပယ် ခံလိုက်ရပေမယ့် အကြောင်းအမျိုးမျိုး ကြောင့် သက်သေအထောက်ထား ခိုင်မာစွာဖြင့် MHAC မဟာမိတ်အဖွဲ့ ထံ အကူညီတောင်းလာတဲ့ မြန်မာလုပ်သား၅၅ဦးနဲ့အတူ မတ်လလ ၁၈ မှာ နယ်မြေခံ အလုပ်သမားကာကွယ် ရုံးသို့ သွားရောက် တိုင်ကြားခဲ့တယ်လို့ သိရပါတယ်။
ဒါကြောင့် မတ်လ၂၄ရက်မှာ တော့ မြန်မာလုပ်သား ၅၅ဦး အတွက် ရသင့်ရထိုက်တဲ့ ဘတ်ငွေ၃သိန်းကျော်နဲ့ နေထိုင် အလုပ်လုပ်ကိုင်ခွင့် အထောက်အထားများ ရရှိခဲ့တယ်လို့ သိရပါတယ်။
