ဘင်္ဂလားပင်လယ်အော်အလယ်ပိုင်းမှာ ဖြစ်ပေါ်နေတဲ့ အားကောင်းသော လေဖိအားနည်းရပ်ဝန်းရဲ့ အရှိန်ကြောင့်လည်းကောင်း၊ ဖိလစ်ပိုင် ပင်လယ်ပြင်မှာ ဖြစ်ပေါ်နေတဲ့ အားကောင်းသောအပူပိုင်းမုန်တိုင်း“ဘူအလွိုင်”(BUALOI)မှ ပြတ်ထွက် လာတဲ့ တိမ်တိုက်များကြောင့်လည်းကောင်း စက်တင်ဘာ၂၆ ရက်ညနေမှ အောက်တိုဘာ ၂ရက်အထိ တိုင်းဒေသကြီးနဲ့ပြည်နယ်တွေမှာ မိုးကြီးနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန ကအထူးမိုးလေဝသသတင်းထုတ်ပြန်ကြေညာထားပါတယ်။
စက်တင်ဘာ၂၇ ရက် မနက်၁၀နာရီခွဲ တိုင်းတာချက်အရ ဖိလစ်ပိုင်ပင်လယ်ပြင်အနောက်ပိုင်းမှာ ဖြစ်ပေါ်နေတဲ့ အားကောင်းသော အပူပိုင်းမုန်တိုင်း“ဘူအလွိုင်”(BUALOI)အနောက်-အနောက်မြောက် ဘက်သို့ ရွေ့လျားပြီး တိုင်ဖွန်းမုန်တိုင်းအဖြစ် အားကောင်းလာနိုင်ကာ ၄၈ နာရီ အတွင်း ဗီယမ်နမ်မြောက်ပိုင်း ကမ်းခြေဒေသများ ကို အားကောင်းတဲ့ အပူပိုင်းမုန်တိုင်း“ဘူအလွိင် အဖြစ်လည်းကောင်း နောက် ၇၂နာရီ အတွင်း လာအိုနိုင်ငံ ကို အပူပိုင်းမုန်တိုင်းငယ်အဖြစ်ဖြတ်ကျော်မယ်လို့ မိုးဇလ က ထုတ်ပြန်ထားပါတယ်။
မုန်တိုင်းအရှိန်ကြောင့်တိုင်းဒေသကြီးနှင့်ပြည်နယ်တို့မှာ နေရာအနှံ့ မိုးထစ်ချုန်းရွာခြင်း၊ နေရာကွက် ပြီး မိုးကြီးခြင်း တွေ ဖြစ်ပေါ်နိုင်ကာ မန္တလေးတိုင်းဒေသကြီး၊ ဧရာဝတီတိုင်းဒေသကြီး၊တနင်္သာရီတိုင်းဒေသကြီးနဲ့ ချင်းပြည်နယ်တိုမှာတော့ မိုးတိမ်တောင်ဖြစ်ထွန်းမှုအားကောင်းတာကြောင့် မိုးတိမ်တောင်ရွေ့လျားရာနေရာ တစ်လျှောက် မိုးရွာသွန်းခြင်းနဲ့အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနဲ့မိုးသီးကြွခြေင်း စတာတွေ ဖြစ်ပေါ်နိုင်တဲ့ အတွက် ကြိုတင်သတိပြုဖို့ သတိပေးထားပါတယ်။
ဒါ့အပြင် မိုးသည်းထန်စွာရွာသွန်းခြင်းရေကြီးခြင်းနှင့် မြေပြိုခြင်းစတဲ့သဘာဝဘေးအန္တရာယ်များ ဖြစ်ပေါ်နိုင်တဲ့ အတွက် ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိင်ရန် နဲ့ပြည်တွင်းရေကြောင်းသွားလာရေး၊ လေကြောင်းပျံသန်းရေးနှင့် ဆည်မြောင်းတာတမံများအနေဖြင့် လိုအပ်တာတွေ ကြိုတင်ပြင်ဆင် ထားဖို့ မိုးလေဝသနှင့်ဇလဗေဒညွှန်ကြားမှုဦးစီးဌာနက သတိပေးနှိုးဆော်ထားပါတယ်။
