အောက်တိုဘာ၂၀ ရက် မနက်၉နာရီခွဲ တိုင်းတာချက်အရ တောင်တရုတ်ပင်လယ်ပြင်မှာ ဖြစ်ပေါ်နေတဲ့ အပူပိုင်းမုန်တိုင်း “ဖန်ရှန်” (FENGSHEN)ကြောင့် တိုင်းဒေသကြီးနဲ့ပြည်နယ်တွေမှာ မိုးထစ်ချုန်းရွာသွန်းမယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ထုတ်ပြန်ချက်အရသိရပါတယ်။
၎င်းအပူပိုင်းမုန်တိုင်း ဖန်ရှန်” (FENGSHEN)ဟာ အနောက်မြောက် ဘက်သို့ရွေ့လျားနိုင်ပြီး လာမယ့် ၂၄နာရီ အတွင်း အားကောင်းတဲ့ အပူပိုင်းမုန်တိုင်း ဖန်ရှန် အဖြစ် သို့ရောက်ရှိနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန က ခန့်မှန်းထားပါတယ်။
ဒါ့အပြင် ယနေ့မနက်၈နာရီခွဲ အချိန်တိုင်းတာချက်အရ ဘင်္ဂလားပင်လယ်အော် အရှေ့တောင်ပိုင်းမှာ အောက်တိုဘာ ၂၁ရက် တွင် လေဖိအားနည်း ရပ်ဝန်း တစမခု ဖြစ်ပေါ်လာနိုင်နယ်လို့လည်းခန့်မှန်းကြောင်း သိရပါတယ်။
ဒါကြောင့် ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ချင်းပြည်နယ်နှင့် ရှမ်းပြည်နယ် (မြောက်ပိုင်းနှင့် တောင်ပိုင်း)တို့မှာ နေရာစိပ်စိပ်၊ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူး တိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်းနဲ့ မွန်ပြည်နယ်တို့မှာ နေရာကျဲကျဲနဲ့ ကျန်တိုင်းဒေသကြီးနှင့် ပြည်နယ်တို့မှာ နေရာကွက်ကျား မိုးထစ်ချုန်းရွာမယ်လို့ ဆိုပါတယ်။
ဧရာဝတီတိုင်းဒေသကြီးမှာတော့ မိုးတိမ်တောင်များ ဖြစ်ထွန်းမှု အားကောင်းနေပြီး ၎င်း မိုးတိမ်တောင်များ ရွေ့လျားရာနေရာတစ်လျှောက် မှာ မိုးရွာသွန်းခြင်းနဲ့ အတူ လေပြင်းတိုက်ခတ်ခြင်း၊ မိုး ထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစတဲ့ မိုးလေဝသဖြစ်စဉ်များ ဖြစ်ပေါ်နိုင်တဲ့ အတွက် ကြိုတင်သတိပြုနိုင်ဖို့ မိုးဇလ က အကြံပြုထားပါတယ်။
