ထိုင်းနိုင်ငံမှာ ရောက်ရှိနေတဲ့ အထောက်အထား မရှိသေးတဲ့ မြန်မာရွှေ့ပြောင်း အလုပ်သမားတွေ ကို ပန်းရောင်ကတ် ထုတ်ပေးတဲ့အစီစဉ် အမြန်ဆုံးစတင်ပေးဖို့ ထိုင်းအစိုး ရ ကို အမျိုးသားညီညွတ်ရေးအစိုးရ အလုပ်သမားဝန်ကြီးဌာန က တောင်းဆိုလိုက်ပါတယ်။
ထိုင်းနိုင်ငံမှာ ရောက်ရှိနေတဲ့ မြန်မာနိုင်ငံသား များ၊ရွှေ့ပြောင်းအလုပ်သမားများနှင့် စပ်လျဉ်းတဲ့ သဘောထား ထုတ်ပြန်ချက်ကို အမျိုးသားညီညွတ်ရေးအစိုးရ အလုပ်သမားဝန်ကြီးဌာန က ဇူလိုင် ၁၈ ရက် မှာ ထုတ်ပြန်လိုက်ပါတယ်။
၎င်း ထုတ်ပြန်ချက် ထဲ မှာ အထောက်အထားမရှိတဲ့ မြန်မာအလုပ်သမားတွေ ကို ထိုင်းအစိုးရအနေနဲ့ ပန်းရောင်ကတ် ထုတ်ပေးတဲ့ အစီစဉ်အမြန်ဆုံးစတင်ပေးဖို့၊ ပန်းရောင်ကတ်၊ work permit စတဲ့ အထောက်အထား ကိုင်ဆောင်ထားသော မြန်မာနိုင်ငံသားတွေကို ထိုင်းမှာ လွတ်လပ်စွာ သွားလာနေထိုင် အလုပ်လုပ်ခွင့်ပြုဖို့၊ ထိုင်းနိုင်ငံအတွင်း မြန်မာအကြမ်းဖက်အစိုးရရဲ့ CIထုတ်ပေးခြင်း လုပ်ငန်းတွေ ကို ရုပ်သိမ်းပေးရန်နဲ့ခွင့်မပြုရန်၊ ထိုင်းအစိုးရ အနေနဲ့ လည်း CI မဖြစ်မနေ လုပ်ရမယ့် မူဝါဒ ကို ပြန်လည်သုံးသပ်ပေးဖို့၊ နှစ်နိုင်ငံ သဘောတူထားတဲ့ ထိုင်းရောက်မြန်မာနိုင်ငံသားများရဲ့ လစာ ငွေ မှ အခွန် ၂ထပ် မကောက်ခံရေး သဘောတူညီချက် ကိုဖောက်ဖျက်ကာ မြန်မာရွှေ့ပြောင်း
အလုပ်သမား များထံ မှ အဓမ္မ အခွန်
ကောက်ခံမှု နဲ့ လုပ်သားများရဲ့ လစာဝင်ငွေ ၂၅ရာခိုင်နှုန်း ကို ၎င်းတို့သတ်မှတ်ထားတဲ့ ဘဏ်နဲ့ငွေကြေး ဝန်ဆောင် မှု လုပ်ငန်းများ မှ တဆင့်
မဖြစ်မနေ လွှဲပို့ရန် ဖိအားပေးအကျပ်
ကိုင်မှု စတဲ့ အကြမ်းဖက်စစ်ကောင်စီရဲ့ လုပ်ရပ် ကို ထိရောက်စွာ တားမြစ်ပေးဖို့၊ သက်တမ်းကုန် passport စာအုပ် များ ကိုင်ဆောင် ထားတဲ့ ထိုင်းရောက်မြန်မာရွှေ့ပြောင်း လုပ်သား တွေ ကို လူသားချင်း စာနာထောက်ထားတဲ့ အနေနဲ့ အလုပ်လုပ်ခွင့် (work permit)နဲ့ နေထိုင်ခွင့် (Visa) တွေ သက်တမ်းတိုးပေးကာ ကာလသတ်မှတ်ချက် တစ်ခုအထိ ဆက်လက်နေထိုင်ခွင့်ပြုဖို့ တောင်းဆိုထားပါတယ်။
မြန်မာနိုင်ငံတွင် အကြမ်းဖက်အုပ်စု မှ ပြည်တွင်းရှိ အလုပ်သမားတွေ အပါအဝင် ပြည်သူလူထု တစ်ရပ်လုံး အပေါ် အကြမ်းဖက် ဖိနှိပ် သတ်ဖြတ် တာတွေ နေ့စဉ်ကျုးလွန်နေသလို ပြည်ပရောက် မြန်မာနိုင်ငံသား၊ ရွှေ့ပြောင်း လုပ်သားတွေ အပေါ်လည်း နည်းမျိုးစုံဖိနှိပ်နေတဲ့ အခြေနေ ဖြစ်ပေါ်နေပါတယ်။
ဒီအခြေနေ တွေ ကြောင့် အခြေခံ အလုပ်သမား အခွင့်အရေးနှင့် လူ့အခွင့်ရေး ကို အလေးထားတဲ့ ထိုင်းအစိုးရ၊ လွတ်တော် သက်ဆိုင်ရာ အဖွဲ့အစည်း တွေ နဲ့ ထိုင်းပြည်သူတွေ အနေနဲ့ လွတ်လပ်ပြီး တရားမျှတမှု ရှိတဲ့ ထိုင်းနိုင်ငံ အတွင်း မြန်မာအကြမ်းဖက်စစ်ကောင်စီရဲ့ အခြေခံအခွင့်ရေးတွေ ချိုးဖောက်ပြီး မြန်မာပြည်သူ လူထု အပေါ် ဖိနှပ်နေမှုတွေ ကို ခွင့်မပြုစေလိုတဲ့ အတွက် အမျိုးသားညီညွတ်ရေး အစိုးရ အလုပ်သမားဝန်ကြီးဌာနက အခုလို သဘောထားထုတ်ပြန်ချက်တွေ တောင်းဆိုခြင်းဖြစ်တယ်လို့သိရပါတယ်။
