ထိုင်းနိုင်ငံ စာမွတ်ပကန် ရှိ ဆိုင်ကယ် အပိုပစ္စည်းစက်ရုံတစ်ခုမှာ မြန်မာရွှေ့ပြောင်းလုပ်သားတွေ အပါအဝင် အလုပ်သမား၂၀၂ ဦးကို လစာအပြည့်မပေးဘဲ အလုပ်မှရုတ်တရက် ထုတ်ပယ်လိုက်တာကြောင့် ကူညီတိုင်ကြားပေးခဲ့တယ်လို့ ထိုင်းရောက်မြန်မာလုပ်သားကူညီစောင့်ရှောက်ရေးကော်မတီMHAC(မဟာမိတ်အဖွဲ)ထံ က သိရပါတယ်။

 

မြန်မာလုပ်သားတွေ နဲ့ ထိုင်းလုပ်သား ၂၀၂ ဦးကို ပြီးခဲ့တဲ့ မေလ ၂၃ရက်က စက်ရုံက အကြောင်းမဲ့ အလုပ်ထုတ်ခဲ့ ပြီး လုပ်ခလစာကို လည်း အပြည့်ဝ မပေးတဲ့ အတွက် နယ်​မြေခံ အလုပ်သမားကာကွယ်စောင့်ရှောက်ရေးရုံးမှာ 𝐍𝐔𝐆 (အလုပ်သမားဝန်ကြီးဌာနမှ တာဝန်ရှိသူတစ်ဉီး)နဲ့ ပူးပေါင်း တိုင်ကြား​ခဲ့တယ်လို့ သိရပါတယ်။

 

အခုလို တိုင်ကြားခဲ့တဲ့ အတွက် ဩဂုတ်လ ၈ ရက်နေ့မှာ အလုပ်သမား ၂၀၂ဦး အတွက် ထိုင်းဘတ်ငွေ ၂သန်းကျော် ကို နယ်မြေခံကာကွယ်စောင့်ရှောက်မှရေးရုံး မှတစ်ဆင့် အလုပ်သမားတွေကိုပေးအပ်ခဲ့တယ်လို့ သိရပါတယ်။

 

အလုပ်သမား၂၀၂ဦး ထဲမှ ၁၅ ဦးဟာ မိမိတို ရရှိရမယ့် နစ်နာကြေး အပေါ် အပြည့်အ၀ လိုချင်တဲ့ အတွက် တရားရုံးကို ဆက်လက် တိုင်ကြားသွားမယ်လို့ ဆိုပါတယ်။

 

အခုလို အလုပ်သမား၁၅ဦးရဲ့ထပ်မံ တိုင်ကြားတဲ့ အပေါ် MHAC အဖွဲ အနေနဲ့ ပြီးဆုံးသည်အထိ ကူညီဆောင်ရွက် ပေးသွားမယ်လို့ ဆိုပါတယ်။

 

ထိုင်းနိုင်ငံ အတွင်း ရှိ စက်ရုံ အလုပ်ရုံ အချို့က မြန်မာရွှေ့ပြောင်းလုပ်သားတွေကိုလုပ်ခလစာ အပြည့်မပေးဘဲ အခုလို အကြောင်းမဲ့ အလုပ်ထုတ်ခံရတာတွေ မကြာခဏ ဖြစ်ပေါ်နေပြီး NUG အလုပ်သမားဝန်ကြီးဌာန နဲ့ မြန်မာအလုပ်သမားရေး ဆောင်ရွက်သူတွေက တစ်ဆင့် သက်ဆိုင်ရာ ထိုင်းအလုပ်သမားကာကွယ်စောင့်ရှောက်ရေးရုံးတွေကို တိုင်ကြားတောင်းခံ မှသာ နစ်နာမှုအတွက် ထိုက်သင့်တဲ့ နစ်နာကြေးတွေ ပြန်လည်ရရှိတာဖြစ်ပါတယ်။