မြန်မာနိုင်ငံတစ်ဝန်းမှာ ရှိတဲ့ စစ်ကောင်စီလက် အောက်ခံ အကျဉ်းထောင် တွေမှာ မှာ အကျဉ်းသားတွေရဲ့ ကိုယ်ရေးအချက်အလက်အချို့ကို ထောင်အာဏာပိုင်တွေက ထပ်မံကောက်ယူတာတွေ ပြုလုပ်နေတဲ့ အတွက် မဲ မသာမာမူနဲ့ အတင်းအဓမ္မ စစ်မှုထမ်းခိုင်းမှာကို အကျဉ်းသားတွေ အနေနဲ့ စိုးရိမ်နေတယ်လို့ မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)က သတင်းထုတ်ပြန်ထားပါတယ်။
၂၀၂၄ခုနှစ် စက်တင်ဘာလက စပြီး အကျဉ်းသား၊အကျဥ်းသူတွေရဲ့ အချက်အလက်အချို့ကို ထောင်အာဏာပိုင်များက မေးမြန်းမှုများ ပြုလုပ်လျက်ရှိတယ်လို့ ဆိုပါတယ်။
အကျဉ်းဦးစီးဝန်ထမ်းတွေရဲ့ မေးမြန်းမှုများတွင် အကျဉ်းသား/သူတွေရဲ့ အမည်၊ အဘအမည်၊အသက်၊ မှတ်ပုံတင်နံပါတ်၊ နေရပ်လိပ်စာနှင့်
အိမ်ထောင်ရှိမရှိစတာတွေကို အဓိက မေးမြန်းလျက်ရှိတယ်လို့ သိရပါတယ်။
အကျဉ်းထောင် စ ရောက်ရှိ ချိန်မှာလည်း ကိုယ်ရေးအချက်အလက် ၃၂ချက် ကို ကောက်ထား ပြီး ဖြစ်တဲ့ အတွက် အခုလို ကိုယ်ရေးအချက်အလက် တွေ ထပ်မံ ကောက်ယူမှု အပေါ် နိုင်ငံရေးအကျဉ်းသား တွေ အနေနဲ့ စိုးရိမ်မှု များရှိနေတယ်လို့ ဆိုပါတယ်။
လက်ရှိ မှာလည်း စစ်ကောင်စီက ရွေးကောက်ပွဲကျင်းပနိုင် ဖို့ အတွက် သန်းခေါင်စာရင်းကောက်ယူတာတွေ ပြုလုပ်နေတာကြောင့် အကျဉ်းသားတွေဟာ မဲပေးခွင့်မရှိပေမယ့် လည်း မဲမသမာမှုများနဲ့ စစ်ရေးအရ အတင်းအဓမ္မ စစ်မှုထမ်းခိုင်းခြင်း ကို ဖြစ်ပေါ်လာမှာကို လည်း စိုးရိမ်နေကြတယ်လို့ သိရပါတယ်။
စစ်ကောင်စီ အနေနဲ့ လာမယ့် ၂၀၂၅ နိုဝင်ဘာလ မှာ ရွေးကောက်ပွဲ ပြုလုပ်ဖို့ စီစဉ် နေတယ်လို့ သိရပါတယ်။
Photo-PPNM
